Home › Pooja Library › Shivashtakam — తెలుగు

శివాష్టకమ్

ప్రభుం ప్రాణనాథం విభుం విశ్వనాథం
జగన్నాథనాథం సదానన్దభాజామ్ ।
భవద్భవ్యభూతేశ్వరం భూతనాథం
శివం శఙ్కరం శమ్భుమ్ ఈశానమ్ ఈడే ॥ 1 ॥

గలే రుణ్డమాలం తనౌ సర్పజాలం
మహాకాలకాలం గణేశాదిపాలమ్ ।
జటాజూటగఙ్గోత్తరఙ్గైర్ విశాలం
శివం శఙ్కరం శమ్భుమ్ ఈశానమ్ ఈడే ॥ 2 ॥

ముదామాకరం మణ్డనం మణ్డయన్తం
మహామణ్డలం భస్మభూషాధరం తమ్ ।
అనాదిం హ్యపారం మహామోహమారం
శివం శఙ్కరం శమ్భుమ్ ఈశానమ్ ఈడే ॥ 3 ॥

వటాధోనివాసం మహాట్టాట్టహాసం
మహాపాపనాశం సదా సుప్రకాశమ్ ।
గిరీశం గణేశం సురేశం మహేశం
శివం శఙ్కరం శమ్భుమ్ ఈశానమ్ ఈడే ॥ 4 ॥

గిరీన్ద్రాత్మజాసఙ్గృహీతార్ధదేహం
గిరౌ సంస్థితం సర్వదాపన్నగేహమ్ ।
పరబ్రహ్మ బ్రహ్మాదిభిర్ వన్ద్యమానం
శివం శఙ్కరం శమ్భుమ్ ఈశానమ్ ఈడే ॥ 5 ॥

కపాలం త్రిశూలం కరాభ్యాం దధానం
పదామ్భోజనమ్రాయ కామం దదానమ్ ।
బలీవర్దయానం సురాణాం ప్రధానం
శివం శఙ్కరం శమ్భుమ్ ఈశానమ్ ఈడే ॥ 6 ॥

శరచ్చన్ద్రగాత్రం గణానన్దపాత్రం
త్రినేత్రం పవిత్రం ధనేశస్య మిత్రమ్ ।
అపర్ణాకలత్రం సదా సచ్చరిత్రం
శివం శఙ్కరం శమ్భుమ్ ఈశానమ్ ఈడే ॥ 7 ॥

హరం సర్పహారం చితాభూవిహారం
భవం వేదసారం సదా నిర్వికారమ్ ।
శ్మశానే వసన్తం మనోజం దహన్తం
శివం శఙ్కరం శమ్భుమ్ ఈశానమ్ ఈడే ॥ 8 ॥

స్వయం యః ప్రభాతే నరః శూలపాణే
పఠేత్ స్తోత్రరత్నం త్వ్ ఇహ ప్రాప్య రత్నమ్ ।
సుపుత్రం సుధాన్యం సుమిత్రం కలత్రం
విచిత్రైః సమారాధ్య మోక్షం ప్రయాతి ॥

OHTCC Assistant ✕
🙏 Namaste! How can I help you today?