ஶிவாஷ்டகம்
ப்ரபு⁴ம் ப்ராணநாத²ம் விபு⁴ம் விஶ்வநாத²ம்
ஜக³ந்நாத²நாத²ம் ஸதா³நந்த³பா⁴ஜாம் ।
ப⁴வத்³ப⁴வ்யபூ⁴தேஶ்வரம் பூ⁴தநாத²ம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 1 ॥
க³லே ருண்ட³மாலம் தநௌ ஸர்பஜாலம்
மஹாகாலகாலம் க³ணேஶாதி³பாலம் ।
ஜடாஜூடக³ங்கோ³த்தரங்கை³ர் விஶாலம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 2 ॥
முதா³மாகரம் மண்ட³நம் மண்ட³யந்தம்
மஹாமண்ட³லம் ப⁴ஸ்மபூ⁴ஷாத⁴ரம் தம் ।
அநாதி³ம் ஹ்யபாரம் மஹாமோஹமாரம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 3 ॥
வடாதோ⁴நிவாஸம் மஹாட்டாட்டஹாஸம்
மஹாபாபநாஶம் ஸதா³ ஸுப்ரகாஶம் ।
கி³ரீஶம் க³ணேஶம் ஸுரேஶம் மஹேஶம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 4 ॥
கி³ரீந்த்³ராத்மஜாஸங்க்ரு³ஹீதார்த⁴தே³ஹம்
கி³ரௌ ஸம்ஸ்தி²தம் ஸர்வதா³பந்நகே³ஹம் ।
பரப்³ரஹ்ம ப்³ரஹ்மாதி³பி⁴ர் வந்த்³யமாநம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 5 ॥
கபாலம் த்ரிஶூலம் கராப்⁴யாம் த³தா⁴நம்
பதா³ம்போ⁴ஜநம்ராய காமம் த³தா³நம் ।
ப³லீவர்த³யாநம் ஸுராணாம் ப்ரதா⁴நம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 6 ॥
ஶரச்சந்த்³ரகா³த்ரம் க³ணாநந்த³பாத்ரம்
த்ரிநேத்ரம் பவித்ரம் த⁴நேஶஸ்ய மித்ரம் ।
அபர்ணாகலத்ரம் ஸதா³ ஸச்சரித்ரம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 7 ॥
ஹரம் ஸர்பஹாரம் சிதாபூ⁴விஹாரம்
ப⁴வம் வேத³ஸாரம் ஸதா³ நிர்விகாரம் ।
ஶ்மஶாநே வஸந்தம் மநோஜம் த³ஹந்தம்
ஶிவம் ஶங்கரம் ஶம்பு⁴ம் ஈஶாநம் ஈடே³ ॥ 8 ॥
ஸ்வயம் யஃ ப்ரபா⁴தே நரஃ ஶூலபாணே
படே²த் ஸ்தோத்ரரத்நம் த்வ் இஹ ப்ராப்ய ரத்நம் ।
ஸுபுத்ரம் ஸுதா⁴ந்யம் ஸுமித்ரம் கலத்ரம்
விசித்ரைஃ ஸமாராத்⁴ய மோக்ஷம் ப்ரயாதி ॥