Home › Pooja Library › ஸ்ரீமத் பகவத் கீதை அத்தியாயம் 14 — தமிழ்

ஸ்ரீமத் பகவத் கீதை அத்தியாயம் 14

கு³ணத்ரயவிபா⁴க³யோக³ஃ

ஶ்ரீப⁴க³வாநுவாச

பரம் பூ⁴யஃ ப்ரவக்ஷ்யாமி ஜ்ஞாநாநாம் ஜ்ஞாநமுத்தமம் ।
யஜ்ஜ்ஞாத்வா முநயஃ ஸர்வே பராம் ஸித்³தி⁴மிதோ க³தாஃ ॥ 1 ॥

இத³ம் ஜ்ஞாநமுபாஶ்ரித்ய மம ஸாத⁴ர்ம்யமாக³தாஃ ।
ஸர்கே³’பி நோபஜாயந்தே ப்ரலயே ந வ்யத²ந்தி ச ॥ 2 ॥

மம யோநிர்மஹத்³ ப்³ரஹ்ம தஸ்மிந்க³ர்ப⁴ம் த³தா⁴ம்யஹம் ।
ஸம்ப⁴வஃ ஸர்வபூ⁴தாநாம் ததோ ப⁴வதி பா⁴ரத ॥ 3 ॥

ஸர்வயோநிஷு கௌந்தேய மூர்தயஃ ஸம்ப⁴வந்தி யாஃ ।
தாஸாம் ப்³ரஹ்ம மஹத்³யோநிரஹம் பீ³ஜப்ரத³ஃ பிதா ॥ 4 ॥

ஸத்த்வம் ரஜஸ்தம இதி கு³ணாஃ ப்ரக்ருதிஸம்ப⁴வாஃ ।
நிப³த்⁴நந்தி மஹாபா³ஹோ தே³ஹே தே³ஹிநமவ்யயம் ॥ 5 ॥

தத்ர ஸத்த்வம் நிர்மலத்வாத்ப்ரகாஶகமநாமயம் ।
ஸுக²ஸங்கே³ந ப³த்⁴நாதி ஜ்ஞாநஸங்கே³ந சாநக⁴ ॥ 6 ॥

ரஜோ ராகா³த்மகம் வித்³தி⁴ த்ருஷ்ணாஸங்க³ஸமுத்³ப⁴வம் ।
தந்நிப³த்⁴நாதி கௌந்தேய கர்மஸங்கே³ந தே³ஹிநம் ॥ 7 ॥

தமஸ்த்வஜ்ஞாநஜம் வித்³தி⁴ மோஹநம் ஸர்வதே³ஹிநாம் ।
ப்ரமாதா³லஸ்யநித்³ராபி⁴ஸ்தந்நிப³த்⁴நாதி பா⁴ரத ॥ 8 ॥

ஸத்த்வம் ஸுகே² ஸஞ்ஜயதி ரஜஃ கர்மணி பா⁴ரத ।
ஜ்ஞாநமாவ்ருத்ய து தமஃ ப்ரமாதே³ ஸஞ்ஜயத்யுத ॥ 9 ॥

ரஜஸ்தமஶ்சாபி⁴பூ⁴ய ஸத்த்வம் ப⁴வதி பா⁴ரத ।
ரஜஃ ஸத்த்வம் தமஶ்சைவ தமஃ ஸத்த்வம் ரஜஸ்ததா² ॥ 10 ॥

ஸர்வத்³வாரேஷு தே³ஹே’ஸ்மிந்ப்ரகாஶ உபஜாயதே ।
ஜ்ஞாநம் யதா³ ததா³ வித்³யாத்³விவ்ருத்³த⁴ம் ஸத்த்வமித்யுத ॥ 11 ॥

லோப⁴ஃ ப்ரவ்ருத்திராரம்ப⁴ஃ கர்மணாமஶமஃ ஸ்ப்ருஹா ।
ரஜஸ்யேதாநி ஜாயந்தே விவ்ருத்³தே⁴ ப⁴ரதர்ஷப⁴ ॥ 12 ॥

அப்ரகாஶோ’ப்ரவ்ருத்திஶ்ச ப்ரமாதோ³ மோஹ ஏவ ச ।
தமஸ்யேதாநி ஜாயந்தே விவ்ருத்³தே⁴ குருநந்த³ந ॥ 13 ॥

யதா³ ஸத்த்வே ப்ரவ்ருத்³தே⁴ து ப்ரலயம் யாதி தே³ஹப்⁴ருத் ।
ததோ³த்தமவிதா³ம் லோகாநமலாந்ப்ரதிபத்³யதே ॥ 14 ॥

ரஜஸி ப்ரலயம் க³த்வா கர்மஸங்கி³ஷு ஜாயதே ।
ததா² ப்ரலீநஸ்தமஸி மூட⁴யோநிஷு ஜாயதே ॥ 15 ॥

கர்மணஃ ஸுக்ருதஸ்யாஹுஃ ஸாத்த்விகம் நிர்மலம் ப²லம் ।
ரஜஸஸ்து ப²லம் து³ஃக²மஜ்ஞாநம் தமஸஃ ப²லம் ॥ 16 ॥

ஸத்த்வாத்ஸஞ்ஜாயதே ஜ்ஞாநம் ரஜஸோ லோப⁴ ஏவ ச ।
ப்ரமாத³மோஹௌ தமஸோ ப⁴வதோ’ஜ்ஞாநமேவ ச ॥ 17 ॥

ஊர்த்⁴வம் க³ச்ச²ந்தி ஸத்த்வஸ்தா² மத்⁴யே திஷ்ட²ந்தி ராஜஸாஃ ।
ஜக⁴ந்யகு³ணவ்ருத்திஸ்தா² அதோ⁴ க³ச்ச²ந்தி தாமஸாஃ ॥ 18 ॥

நாந்யம் கு³ணேப்⁴யஃ கர்தாரம் யதா³ த்³ரஷ்டாநுபஶ்யதி ।
கு³ணேப்⁴யஶ்ச பரம் வேத்தி மத்³பா⁴வம் ஸோ’தி⁴க³ச்ச²தி ॥ 19 ॥

கு³ணாநேதாநதீத்ய த்ரீந்தே³ஹீ தே³ஹஸமுத்³ப⁴வாந் ।
ஜந்மம்ருத்யுஜராது³ஃகை²ர்விமுக்தோ’ம்ருதமஶ்நுதே ॥ 20 ॥

அர்ஜுந உவாச

கைர்லிங்கை³ஸ்த்ரீந்கு³ணாநேதாநதீதோ ப⁴வதி ப்ரபோ⁴ ।
கிமாசாரஃ கத²ம் சைதாம்ஸ்த்ரீந்கு³ணாநதிவர்ததே ॥ 21 ॥

ஶ்ரீப⁴க³வாநுவாச

ப்ரகாஶம் ச ப்ரவ்ருத்திம் ச மோஹமேவ ச பாண்ட³வ ।
ந த்³வேஷ்டி ஸம்ப்ரவ்ருத்தாநி ந நிவ்ருத்தாநி காங்க்ஷதி ॥ 22 ॥

உதா³ஸீநவதா³ஸீநோ கு³ணைர்யோ ந விசால்யதே ।
கு³ணா வர்தந்த இத்யேவம் யோ’வதிஷ்ட²தி நேங்க³தே ॥ 23 ॥

ஸமது³ஃக²ஸுக²ஃ ஸ்வஸ்த²ஃ ஸமலோஷ்டாஶ்மகாஞ்சநஃ ।
துல்யப்ரியாப்ரியோ தீ⁴ரஸ்துல்யநிந்தா³த்மஸம்ஸ்துதிஃ ॥ 24 ॥

மாநாபமாநயோஸ்துல்யஸ்துல்யோ மித்ராரிபக்ஷயோஃ ।
ஸர்வாரம்ப⁴பரித்யாகீ³ கு³ணாதீதஃ ஸ உச்யதே ॥ 25 ॥

மாம் ச யோ’வ்யபி⁴சாரேண ப⁴க்தியோகே³ந ஸேவதே ।
ஸ கு³ணாந்ஸமதீத்யைதாந்ப்³ரஹ்மபூ⁴யாய கல்பதே ॥ 26 ॥

ப்³ரஹ்மணோ ஹி ப்ரதிஷ்டா²ஹமம்ருதஸ்யாவ்யயஸ்ய ச ।
ஶாஶ்வதஸ்ய ச த⁴ர்மஸ்ய ஸுக²ஸ்யைகாந்திகஸ்ய ச ॥ 27 ॥

OHTCC Assistant ✕
🙏 Namaste! How can I help you today?