ஸ்ரீமத் பகவத் கீதை அத்தியாயம் 15
புருஷோத்தமயோக³ஃ
ஶ்ரீப⁴க³வாநுவாச
ஊர்த்⁴வமூலமத⁴ஃஶாக²மஶ்வத்த²ம் ப்ராஹுரவ்யயம் ।
ச²ந்தா³ம்ஸி யஸ்ய பர்ணாநி யஸ்தம் வேத³ ஸ வேத³வித் ॥ 1 ॥
அத⁴ஶ்சோர்த்⁴வம் ப்ரஸ்ருதாஸ்தஸ்ய ஶாகா² கு³ணப்ரவ்ருத்³தா⁴ விஷயப்ரவாலாஃ ।
அத⁴ஶ்ச மூலாந்யநுஸந்ததாநி கர்மாநுப³ந்தீ⁴நி மநுஷ்யலோகே ॥ 2 ॥
ந ரூபமஸ்யேஹ ததோ²பலப்⁴யதே நாந்தோ ந சாதி³ர்ந ச ஸம்ப்ரதிஷ்டா² ।
அஶ்வத்த²மேநம் ஸுவிரூட⁴மூலமஸங்க³ஶஸ்த்ரேண த்³ருடே⁴ந சி²த்த்வா ॥ 3 ॥
ததஃ பத³ம் தத்பரிமார்கி³தவ்யம் யஸ்மிந்க³தா ந நிவர்தந்தி பூ⁴யஃ ।
தமேவ சாத்³யம் புருஷம் ப்ரபத்³யே யதஃ ப்ரவ்ருத்திஃ ப்ரஸ்ருதா புராணீ ॥ 4 ॥
நிர்மாநமோஹா ஜிதஸங்க³தோ³ஷா அத்⁴யாத்மநித்யா விநிவ்ருத்தகாமாஃ ।
த்³வந்த்³வைர்விமுக்தாஃ ஸுக²து³ஃக²ஸஞ்ஜ்ஞைர்க³ச்ச²ந்த்யமூடா⁴ஃ பத³மவ்யயம் தத் ॥ 5 ॥
ந தத்³பா⁴ஸயதே ஸூர்யோ ந ஶஶாங்கோ ந பாவகஃ ।
யத்³க³த்வா ந நிவர்தந்தே தத்³தா⁴ம பரமம் மம ॥ 6 ॥
மமைவாம்ஶோ ஜீவலோகே ஜீவபூ⁴தஃ ஸநாதநஃ ।
மநஃஷஷ்டா²நீந்த்³ரியாணி ப்ரக்ருதிஸ்தா²நி கர்ஷதி ॥ 7 ॥
ஶரீரம் யத³வாப்நோதி யச்சாப்யுத்க்ராமதீஶ்வரஃ ।
க்³ருஹீத்வைதாநி ஸம்யாதி வாயுர்க³ந்தா⁴நிவாஶயாத் ॥ 8 ॥
ஶ்ரோத்ரம் சக்ஷுஃ ஸ்பர்ஶநம் ச ரஸநம் க்⁴ராணமேவ ச ।
அதி⁴ஷ்டா²ய மநஶ்சாயம் விஷயாநுபஸேவதே ॥ 9 ॥
உத்க்ராமந்தம் ஸ்தி²தம் வாபி பு⁴ஞ்ஜாநம் வா கு³ணாந்விதம் ।
விமூடா⁴ நாநுபஶ்யந்தி பஶ்யந்தி ஜ்ஞாநசக்ஷுஷஃ ॥ 10 ॥
யதந்தோ யோகி³நஶ்சைநம் பஶ்யந்த்யாத்மந்யவஸ்தி²தம் ।
யதந்தோ’ப்யக்ருதாத்மாநோ நைநம் பஶ்யந்த்யசேதஸஃ ॥ 11 ॥
யதா³தி³த்யக³தம் தேஜோ ஜக³த்³பா⁴ஸயதே’கி²லம் ।
யச்சந்த்³ரமஸி யச்சாக்³நௌ தத்தேஜோ வித்³தி⁴ மாமகம் ॥ 12 ॥
கா³மாவிஶ்ய ச பூ⁴தாநி தா⁴ரயாம்யஹமோஜஸா ।
புஷ்ணாமி சௌஷதீ⁴ஃ ஸர்வாஃ ஸோமோ பூ⁴த்வா ரஸாத்மகஃ ॥ 13 ॥
அஹம் வைஶ்வாநரோ பூ⁴த்வா ப்ராணிநாம் தே³ஹமாஶ்ரிதஃ ।
ப்ராணாபாநஸமாயுக்தஃ பசாம்யந்நம் சதுர்வித⁴ம் ॥ 14 ॥
ஸர்வஸ்ய சாஹம் ஹ்ருதி³ ஸம்நிவிஷ்டோ மத்தஃ ஸ்ம்ருதிர்ஜ்ஞாநமபோஹநம் ச ।
வேதை³ஶ்ச ஸர்வைரஹமேவ வேத்³யோ வேதா³ந்தக்ருத்³வேத³விதே³வ சாஹம் ॥ 15 ॥
த்³வாவிமௌ புருஷௌ லோகே க்ஷரஶ்சாக்ஷர ஏவ ச ।
க்ஷரஃ ஸர்வாணி பூ⁴தாநி கூடஸ்தோ²’க்ஷர உச்யதே ॥ 16 ॥
உத்தமஃ புருஷஸ்த்வந்யஃ பரமாத்மேத்யுதா³ஹ்ருதஃ ।
யோ லோகத்ரயமாவிஶ்ய பி³ப⁴ர்த்யவ்யய ஈஶ்வரஃ ॥ 17 ॥
யஸ்மாத்க்ஷரமதீதோ’ஹமக்ஷராத³பி சோத்தமஃ ।
அதோ’ஸ்மி லோகே வேதே³ ச ப்ரதி²தஃ புருஷோத்தமஃ ॥ 18 ॥
யோ மாமேவமஸம்மூடோ⁴ ஜாநாதி புருஷோத்தமம் ।
ஸ ஸர்வவித்³ப⁴ஜதி மாம் ஸர்வபா⁴வேந பா⁴ரத ॥ 19 ॥
இதி கு³ஹ்யதமம் ஶாஸ்த்ரமித³முக்தம் மயாநக⁴ ।
ஏதத்³பு³த்³த்⁴வா பு³த்³தி⁴மாந்ஸ்யாத்க்ருதக்ருத்யஶ்ச பா⁴ரத ॥ 20 ॥