ಶ್ರೀ ವೇಂಕಟೇಶ್ವರ ಅಷ್ಟೋತ್ತರ ಶತ ನಾಮ ಸ್ತೋತ್ರಂ
ಶ್ರೀ ವೇಙ್ಕಟೇಶಃ ಶ್ರೀನಿವಾಸೋ ಲಕ್ಷ್ಮೀಪತಿರನಾಮಯಃ ।
ಅಮೃತಾಂಶೋ ಜಗದ್ವನ್ದ್ಯೋ ಗೋವಿನ್ದಶ್ಶಾಶ್ವತಃ ಪ್ರಭುಃ ॥ 1 ॥
ಶೇಷಾದ್ರಿನಿಲಯೋ ದೇವಃ ಕೇಶವೋ ಮಧುಸೂದನಃ ।
ಅಮೃತೋ ಮಾಧವಃ ಕೃಷ್ಣಃ ಶ್ರೀಹರಿರ್ಜ್ಞಾನಪಞ್ಜರಃ ॥ 2 ॥
ಶ್ರೀವತ್ಸವಕ್ಷಾಸ್ಸರ್ವೇಶೋ ಗೋಪಾಲಃ ಪುರುಷೋತ್ತಮಃ ।
ಗೋಪೀಶ್ವರಃ ಪರಞ್ಜ್ಯೋತಿರ್ವೈಕುಣ್ಠಪತಿರವ್ಯಯಃ ॥ 3 ॥
ಸುಧಾತನುರ್ಯಾದವೇನ್ದ್ರೋ ನಿತ್ಯಯೌವನರೂಪವಾನ್ ।
ಚತುರ್ವೇದಾತ್ಮಕೋ ವಿಷ್ಣುರಚ್ಯುತಃ ಪದ್ಮಿನೀಪ್ರಿಯಃ ॥ 4 ॥
ಧರಾಪತಿಸ್ಸುರಪತಿರ್ನಿರ್ಮಲೋ ದೇವಪೂಜಿತಃ ।
ಚತುರ್ಭುಜಶ್ಚಕ್ರಧರಸ್ತ್ರಿಧಾಮಾ ತ್ರಿಗುಣಾಶ್ರಯಃ ॥ 5 ॥
ನಿರ್ವಿಕಲ್ಪೋ ನಿಷ್ಕಲಙ್ಕೋ ನಿರನ್ತರೋ ನಿರಞ್ಜನಃ ।
ನಿರಾಭಾಸೋ ನಿತ್ಯತೃಪ್ತೋ ನಿರ್ಗುಣೋ ನಿರುಪದ್ರವಃ ॥ 6 ॥
ಗದಾಧರಶ್ಶಾರ್ಙ್ಗಪಾಣಿರ್ನನ್ದಕೀ ಶಙ್ಖಧಾರಕಃ ।
ಅನೇಕಮೂರ್ತಿರವ್ಯಕ್ತಃ ಕಟಿಹಸ್ತೋ ವರಪ್ರದಃ ॥ 7 ॥
ಅನೇಕಾತ್ಮಾ ದೀನಬನ್ಧುರಾರ್ತಲೋಕಾಽಭಯಪ್ರದಃ ।
ಆಕಾಶರಾಜವರದೋ ಯೋಗಿಹೃತ್ಪದ್ಮಮನ್ದಿರಃ ॥ 8 ॥
ದಾಮೋದರೋ ಜಗತ್ಪಾಲಃ ಪಾಪಘ್ನೋ ಭಕ್ತವತ್ಸಲಃ ।
ತ್ರಿವಿಕ್ರಮಶ್ಶಿಂಶುಮಾರೋ ಜಟಾಮಕುಟಶೋಭಿತಃ ॥ 9 ॥
ಶಙ್ಖಮಧ್ಯೋಲ್ಲಸನ್ಮಞ್ಜುಕಿಙ್ಕಿಣ್ಯಾಢ್ಯಕರಣ್ಡಕಃ ।
ನೀಲಮೇಘಶ್ಯಾಮತನುರ್ಬಿಲ್ವಪತ್ರಾರ್ಚನಪ್ರಿಯಃ ॥ 10 ॥
ಜಗದ್ವ್ಯಾಪೀ ಜಗತ್ಕರ್ತಾ ಜಗತ್ಸಾಕ್ಷೀ ಜಗತ್ಪತಿಃ ।
ಚಿನ್ತಿತಾರ್ಥಪ್ರದೋ ಜಿಷ್ಣುರ್ದಾಶಾರ್ಹೋ ದಶರೂಪವಾನ್ ॥ 11 ॥
ದೇವಕೀನನ್ದನಶ್ಶೌರಿರ್ಹಯಗ್ರೀವೋ ಜನಾರ್ದನಃ ।
ಕನ್ಯಾಶ್ರವಣತಾರೇಜ್ಯಃ ಪೀತಾಮ್ಬರಧರೋಽನಘಃ ॥ 12 ॥
ವನಮಾಲೀ ಪದ್ಮನಾಭೋ ಮೃಗಯಾಸಕ್ತಮಾನಸಃ ।
ಅಶ್ವಾರೂಢಃ ಖಡ್ಗಧಾರೀ ಧನಾರ್ಜನಸಮುತ್ಸುಕಃ ॥ 13 ॥
ಘನಸಾರಲಸನ್ಮಧ್ಯಕಸ್ತೂರೀತಿಲಕೋಜ್ಜ್ವಲಃ ।
ಸಚ್ಚಿದಾನನ್ದರೂಪಶ್ಚ ಜಗನ್ಮಙ್ಗಲದಾಯಕಃ ॥ 14 ॥
ಯಜ್ಞರೂಪೋ ಯಜ್ಞಭೋಕ್ತಾ ಚಿನ್ಮಯಃ ಪರಮೇಶ್ವರಃ ।
ಪರಮಾರ್ಥಪ್ರದಶ್ಶಾನ್ತಶ್ಶ್ರೀಮಾನ್ ದೋರ್ದಣ್ಡ ವಿಕ್ರಮಃ ॥ 15 ॥
ಪರಾತ್ಪರಃ ಪರಬ್ರಹ್ಮಾ ಶ್ರೀವಿಭುರ್ಜಗದೀಶ್ವರಃ ।
ಏವಂ ಶ್ರೀ ವೇಙ್ಕಟೇಶಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ॥ 16 ॥
ಪಠತಾಂ ಶೃಣ್ವತಾಂ ಭಕ್ತ್ಯಾ ಸರ್ವಾಭೀಷ್ಟಪ್ರದಂ ಶುಭಮ್ ।
ತ್ರಿಸನ್ಧ್ಯಂ ಯಃ ಪಠೇನ್ನಿತ್ಯಂ ಸರ್ವಾನ್ ಕಾಮಾನವಾಪ್ನುಯಾತ್ ॥ 17 ॥
ಇತಿ ಶ್ರೀ ಬ್ರಹ್ಮಾಣ್ಡಪುರಾಣೇ ಶ್ರೀ ವೇಙ್ಕಟೇಶ್ವರಾಷ್ಟೋತ್ತರಶತನಾಮ ಸ್ತೋತ್ರಮ್ ।