Home › Pooja Library › Shiva Ashtottara Sata Nama Stotram — తెలుగు

శివాష్టోత్తరశతనామస్తోత్రమ్

శివో మహేశ్వరశ్ శమ్భుః పినాకీ శశిశేఖరః ।
వామదేవో విరూపాక్షః కపర్దీ నీలలోహితః ॥ 1 ॥

శఙ్కరశ్ శూలపాణిశ్ చ ఖట్వాఙ్గీ విష్ణువల్లభః ।
శిపివిష్టో ఽమ్బికానాథః శ్రీకణ్ఠో భక్తవత్సలః ॥ 2 ॥

భవశ్ శర్వస్ త్రిలోకేశః శితికణ్ఠః శివాప్రియః ।
ఉగ్రః కపాలీ కామారిర్ అన్ధకాసురసూదనః ॥ 3 ॥

గఙ్గాధరో లలాటాక్షః కాలకాలః కృపానిధిః ।
భీమః పరశుహస్తశ్ చ మృగపాణిర్ జటాధరః ॥ 4 ॥

కైలాసవాసీ కవచీ కఠోరస్ త్రిపురాన్తకః ।
వృషాఙ్కో వృషభారూఢో భస్మోద్ధూలితవిగ్రహః ॥ 5 ॥

సామప్రియస్ స్వరమయస్ త్రయీమూర్తిర్ అనీశ్వరః ।
సర్వజ్ఞః పరమాత్మా చ సోమసూర్యాగ్నిలోచనః ॥ 6 ॥

హవిర్ యజ్ఞమయస్ సోమః పఞ్చవక్త్రస్ సదాశివః ।
విశ్వేశ్వరో వీరభద్రో గణనాథః ప్రజాపతిః ॥ 7 ॥

హిరణ్యరేతా దుర్ధర్షో గిరీశో గిరిశో ఽనఘః ।
భుజఙ్గభూషణో భర్గో గిరిధన్వా గిరిప్రియః ॥ 8 ॥

కృత్తివాసాః పురారాతిర్ భగవాన్ ప్రమథాధిపః ।
మృత్యుఞ్జయస్ సూక్ష్మతనుర్ జగద్వ్యాపీ జగద్గురుః ॥ 9 ॥

వ్యోమకేశో మహాసేనజనకశ్ చారువిక్రమః ।
రుద్రో భూతపతిః స్థాణుర్ అహిర్బుధ్న్యో దిగమ్బరః ॥ 10 ॥

అష్టమూర్తిర్ అనేకాత్మా సాత్త్వికశ్ శుద్ధవిగ్రహః ।
శాశ్వతః ఖణ్డపరశుర్ అజః పాశవిమోచకః ॥ 11 ॥

మృడః పశుపతిర్ దేవో మహాదేవో ఽవ్యయో హరిః ।
పూషదన్తభిద్ అవ్యగ్రో దక్షాధ్వరహరో హరః ॥ 12 ॥

భగనేత్రభిద్ అవ్యక్తో సహస్రాక్షస్ సహస్రపాత్ ।
అపవర్గప్రదో ఽనన్తస్ తారకః పరమేశ్వరః ॥ 13 ॥

ఏవం శ్రీశమ్భుదేవస్య నామ్నామ్ అష్టోత్తరం శతమ్ ॥
ఇతి శ్రీశివాష్టోత్తరశతనామస్తోత్రరత్నం సమాప్తమ్ ।

OHTCC Assistant ✕
🙏 Namaste! How can I help you today?