Home › Pooja Library › Shiva Ashtottara Sata Nama Stotram — ಕನ್ನಡ

ಶಿವಾಷ್ಟೋತ್ತರಶತನಾಮಸ್ತೋತ್ರಮ್

ಶಿವೋ ಮಹೇಶ್ವರಶ್ ಶಮ್ಭುಃ ಪಿನಾಕೀ ಶಶಿಶೇಖರಃ ।
ವಾಮದೇವೋ ವಿರೂಪಾಕ್ಷಃ ಕಪರ್ದೀ ನೀಲಲೋಹಿತಃ ॥ 1 ॥

ಶಙ್ಕರಶ್ ಶೂಲಪಾಣಿಶ್ ಚ ಖಟ್ವಾಙ್ಗೀ ವಿಷ್ಣುವಲ್ಲಭಃ ।
ಶಿಪಿವಿಷ್ಟೋ ಽಮ್ಬಿಕಾನಾಥಃ ಶ್ರೀಕಣ್ಠೋ ಭಕ್ತವತ್ಸಲಃ ॥ 2 ॥

ಭವಶ್ ಶರ್ವಸ್ ತ್ರಿಲೋಕೇಶಃ ಶಿತಿಕಣ್ಠಃ ಶಿವಾಪ್ರಿಯಃ ।
ಉಗ್ರಃ ಕಪಾಲೀ ಕಾಮಾರಿರ್ ಅನ್ಧಕಾಸುರಸೂದನಃ ॥ 3 ॥

ಗಙ್ಗಾಧರೋ ಲಲಾಟಾಕ್ಷಃ ಕಾಲಕಾಲಃ ಕೃಪಾನಿಧಿಃ ।
ಭೀಮಃ ಪರಶುಹಸ್ತಶ್ ಚ ಮೃಗಪಾಣಿರ್ ಜಟಾಧರಃ ॥ 4 ॥

ಕೈಲಾಸವಾಸೀ ಕವಚೀ ಕಠೋರಸ್ ತ್ರಿಪುರಾನ್ತಕಃ ।
ವೃಷಾಙ್ಕೋ ವೃಷಭಾರೂಢೋ ಭಸ್ಮೋದ್ಧೂಲಿತವಿಗ್ರಹಃ ॥ 5 ॥

ಸಾಮಪ್ರಿಯಸ್ ಸ್ವರಮಯಸ್ ತ್ರಯೀಮೂರ್ತಿರ್ ಅನೀಶ್ವರಃ ।
ಸರ್ವಜ್ಞಃ ಪರಮಾತ್ಮಾ ಚ ಸೋಮಸೂರ್ಯಾಗ್ನಿಲೋಚನಃ ॥ 6 ॥

ಹವಿರ್ ಯಜ್ಞಮಯಸ್ ಸೋಮಃ ಪಞ್ಚವಕ್ತ್ರಸ್ ಸದಾಶಿವಃ ।
ವಿಶ್ವೇಶ್ವರೋ ವೀರಭದ್ರೋ ಗಣನಾಥಃ ಪ್ರಜಾಪತಿಃ ॥ 7 ॥

ಹಿರಣ್ಯರೇತಾ ದುರ್ಧರ್ಷೋ ಗಿರೀಶೋ ಗಿರಿಶೋ ಽನಘಃ ।
ಭುಜಙ್ಗಭೂಷಣೋ ಭರ್ಗೋ ಗಿರಿಧನ್ವಾ ಗಿರಿಪ್ರಿಯಃ ॥ 8 ॥

ಕೃತ್ತಿವಾಸಾಃ ಪುರಾರಾತಿರ್ ಭಗವಾನ್ ಪ್ರಮಥಾಧಿಪಃ ।
ಮೃತ್ಯುಞ್ಜಯಸ್ ಸೂಕ್ಷ್ಮತನುರ್ ಜಗದ್ವ್ಯಾಪೀ ಜಗದ್ಗುರುಃ ॥ 9 ॥

ವ್ಯೋಮಕೇಶೋ ಮಹಾಸೇನಜನಕಶ್ ಚಾರುವಿಕ್ರಮಃ ।
ರುದ್ರೋ ಭೂತಪತಿಃ ಸ್ಥಾಣುರ್ ಅಹಿರ್ಬುಧ್ನ್ಯೋ ದಿಗಮ್ಬರಃ ॥ 10 ॥

ಅಷ್ಟಮೂರ್ತಿರ್ ಅನೇಕಾತ್ಮಾ ಸಾತ್ತ್ವಿಕಶ್ ಶುದ್ಧವಿಗ್ರಹಃ ।
ಶಾಶ್ವತಃ ಖಣ್ಡಪರಶುರ್ ಅಜಃ ಪಾಶವಿಮೋಚಕಃ ॥ 11 ॥

ಮೃಡಃ ಪಶುಪತಿರ್ ದೇವೋ ಮಹಾದೇವೋ ಽವ್ಯಯೋ ಹರಿಃ ।
ಪೂಷದನ್ತಭಿದ್ ಅವ್ಯಗ್ರೋ ದಕ್ಷಾಧ್ವರಹರೋ ಹರಃ ॥ 12 ॥

ಭಗನೇತ್ರಭಿದ್ ಅವ್ಯಕ್ತೋ ಸಹಸ್ರಾಕ್ಷಸ್ ಸಹಸ್ರಪಾತ್ ।
ಅಪವರ್ಗಪ್ರದೋ ಽನನ್ತಸ್ ತಾರಕಃ ಪರಮೇಶ್ವರಃ ॥ 13 ॥

ಏವಂ ಶ್ರೀಶಮ್ಭುದೇವಸ್ಯ ನಾಮ್ನಾಮ್ ಅಷ್ಟೋತ್ತರಂ ಶತಮ್ ॥
ಇತಿ ಶ್ರೀಶಿವಾಷ್ಟೋತ್ತರಶತನಾಮಸ್ತೋತ್ರರತ್ನಂ ಸಮಾಪ್ತಮ್ ।

OHTCC Assistant ✕
🙏 Namaste! How can I help you today?