Home › Pooja Library › Mahabaleshwara Ashtakam — తెలుగు

మహాబలేశాష్టకమ్

విశాలకరుణం విభుం తరుణచన్ద్ర సద్భూషణం
ధరాధరసుతాపతిం తరుణచన్ద్రకోటిప్రభమ్ ।
మనోరథవివర్ధనం దురితవర్గవిధ్వంసనం
మహాబలశివం భజే మహితసర్వకల్యాణదమ్ ॥ 1॥

సమాహితమనోనుతం శమితదైత్యదమ్భం ప్రభుం
భవార్ణవవిశోషణం విహితభక్తసన్తోషణమ్ ।
చరాచరసుమన్దిరం విధృతబాలచన్ద్రం శివం
నమామి గిరిజాపతిం నలిననేత్రమిత్రం పరమ్ ॥ 2॥

పరాభవవివర్జితం జయ జయేతి దేవైర్నుతం
నమామి జగతాం గురుం జననమృత్యుదూరం హరమ్ ।
జనార్దనసహోదరీనయనపద్మభానూపమం
పురాణపురుషార్చితం శరణలోకసంరక్షకమ్ ॥ 3॥

దురాచరణభీషణం దురితవర్గసంహారిణం
మహాగిరివరాశ్రయం మునివరేణ్యసంసేవితమ్ ।
హిరణ్యనిధిదాయకం కరుణయైవ సంరక్షకం
కలాధరసుశేఖరం నమత నిత్యకల్యాణదమ్ ॥ 4॥

మహాగదవిదారణం మదనగర్వవిశ్లోషణం
భవం త్రిపురఘాతినం హ్యనలనేత్రమిన్ద్రార్చితమ్ ।
గిరీన్ద్రతనయాసఖం సకలసౌఖ్యసన్దాయకం
మహాబలముపాస్మహే నిగమగమ్యరూపం శివమ్ ॥ 5॥

శిలీన్ద్రకుసుమప్రియం వరశిరీషమాల్యాన్వితం
సుబిల్వదలపూజితం వనజదివ్యపుష్పప్రియమ్ ।
విరిఞ్చిహరిసన్నుతం భజత పఞ్చవక్త్రం ప్రభుం
ప్రపఞ్చ పరిపాలకం వరచిరన్తనాభ్యర్చితమ్ ॥ 6॥

చిరన్తరవచోనుతం హ్యఘచయస్య విధ్వంసకం
మమాశు కవితాప్రదం కరిముఖస్య తాతం విభుమ్ ।
కవీన్ద్ర పరిసన్నుతం నమత నీలకణ్ఠం వరం
వరప్రదమహాబలం సుగుణకృష్ణభూపావనమ్ ॥ 7॥

మనోరథవిదాయకం మనుకులేశసమ్పూజితం
హ్యుమార్ధసుకలేవరం విధృతదివ్యగఙ్గాపగమ్ ।
వృషేన్ద్రవరవాహనం సురవరేన్ద్ర సన్తోషణం
జగద్భరణమీశ్వరం తరుణచన్ద్రమౌలిం భజే ॥ 8॥

మహాబలనుతిం జనా వచసి ధారయన్త్యన్వహం
నృకేసరిగిరేరితాం సకలసౌఖ్యసమ్పత్ప్రదామ్ ।
సుసన్తతివిధాయినీం శుభకదమ్బ సంవర్ధినీం
భజన్తి శుభమేవ తే శివపదాబ్జభక్తా భువి ॥ 9॥

OHTCC Assistant ✕
🙏 Namaste! How can I help you today?