Home › Pooja Library › Ganapati Nitya Puja Vidhanam — ಕನ್ನಡ

ಗಣಪತಿ ನಿತ್ಯ ಪೂಜಾ ವಿಧಾನಂ

ಆವಶ್ಯಕಾನಿ ವಸ್ತೂನಿ

  • ಆಸನಂ
  • ದೀಪಃ
  • ಗನ್ಧಃ
  • ಕುಙ್ಕುಮಂ
  • ಅಕ್ಷತಾಃ
  • ಪುಷ್ಪಾಣಿ
  • ಧೂಪಃ
  • ನೈವೇದ್ಯಂ
  • ತಾಮ್ಬೂಲಂ
  • ಆಚಮನೀಯಂ
  • ಪೂಜಾ ಪಾತ್ರಂ
  • ಕಲಶಃ
  • ಶಙ್ಖಃ (ಐಚ್ಛಿಕಃ)
  • ಗಣಪತಿ ಪ್ರತಿಮಾ ವಾ ಚಿತ್ರಪಟಃ ವಾ

ಪೂರ್ವಾಙ್ಗ ಪೂಜಾ

ಶ್ರೀಮಹಾಗಣಾಧಿಪತಯೇ ನಮಃ ।
ಶ್ರೀ ಗುರುಭ್ಯೋ ನಮಃ ।
ಹರಿಃ ಓಮ್ ।

ಶುಚಿಃ

ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರಃ ಶುಚಿಃ ॥
ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷಾಯ ನಮಃ ॥

ಪ್ರಾರ್ಥನಾ

ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾನ್ತಯೇ ॥
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಂ ಏಕದನ್ತಮುಪಾಸ್ಮಹೇ ॥
ತದೇವ ಲಗ್ನಂ ಸುದಿನಂ ತದೇವ
ತಾರಾಬಲಂ ಚನ್ದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ
ಲಕ್ಷ್ಮೀಪತೇ ತೇಽಙ್ಘ್ರಿಯುಗಂ ಸ್ಮರಾಮಿ ॥
ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥
ಸರ್ವಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಉಮಾಮಹೇಶ್ವರಾಭ್ಯಾಂ ನಮಃ ।
ವಾಣೀಹಿರಣ್ಯಗರ್ಭಾಭ್ಯಾಂ ನಮಃ ।
ಶಚೀಪುರನ್ದರಾಭ್ಯಾಂ ನಮಃ ।
ಅರುನ್ಧತೀವಸಿಷ್ಠಾಭ್ಯಾಂ ನಮಃ ।
ಶ್ರೀಸೀತಾರಾಮಾಭ್ಯಾಂ ನಮಃ ।
ಮಾತಾಪಿತೃಭ್ಯೋ ನಮಃ ।
ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।

ಆಚಮನಂ

ಓಂ ಕೇಶವಾಯ ಸ್ವಾಹಾ ।
ಓಂ ನಾರಾಯಣಾಯ ಸ್ವಾಹಾ ।
ಓಂ ಮಾಧವಾಯ ಸ್ವಾಹಾ ।
ಓಂ ಗೋವಿನ್ದಾಯ ನಮಃ ।
ಓಂ ವಿಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ ।
ಓಂ ತ್ರಿವಿಕ್ರಮಾಯ ನಮಃ ।
ಓಂ ವಾಮನಾಯ ನಮಃ ।
ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ ।
ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ।
ಓಂ ಸಙ್ಕರ್ಷಣಾಯ ನಮಃ ।
ಓಂ ವಾಸುದೇವಾಯ ನಮಃ ।
ಓಂ ಪ್ರದ್ಯುಮ್ನಾಯ ನಮಃ ।
ಓಂ ಅನಿರುದ್ಧಾಯ ನಮಃ ।
ಓಂ ಪುರುಷೋತ್ತಮಾಯ ನಮಃ ।
ಓಂ ಅಧೋಕ್ಷಜಾಯ ನಮಃ ।
ಓಂ ನಾರಸಿಂಹಾಯ ನಮಃ ।
ಓಂ ಅಚ್ಯುತಾಯ ನಮಃ ।
ಓಂ ಜನಾರ್ದನಾಯ ನಮಃ ।
ಓಂ ಉಪೇನ್ದ್ರಾಯ ನಮಃ ।
ಓಂ ಹರಯೇ ನಮಃ ।
ಓಂ ಶ್ರೀಕೃಷ್ಣಾಯ ನಮಃ ।

ದೀಪಾರಾಧನಮ್

ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ ।
ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥
ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ ।
ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥
ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥

ಭೂತೋಚ್ಚಾಟನಮ್

ಉತ್ತಿಷ್ಠನ್ತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ ।
ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥
ಅಪಸರ್ಪನ್ತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ ।
ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛನ್ತು ಶಿವಾಽಜ್ಞಯಾ ॥

ಪ್ರಾಣಾಯಾಮಃ

ಓ-ಮ್ಭೂಃ । ಓ-ಮ್ಭುವಃ । ಓಗ್ಂ ಸುವಃ । ಓ-ಮ್ಮಹಃ । ಓ-ಞ್ಜನಃ । ಓ-ನ್ತಪಃ । ಓಗ್ಂ ಸತ್ಯಮ್ ।
ಓ-ನ್ತತ್ಸವಿತುರ್ವರೇಣ್ಯ-ಮ್ಭರ್ಗೋ ದೇವಸ್ಯ ಧೀಮಹಿ ।
ಧಿಯೋ ಯೋ ನಃ ಪ್ರಚೋದಯಾತ್ ॥
ಓಮಾಪೋ ಜ್ಯೋತೀ ರಸೋ-ಽಮೃತ-ಮ್ಬ್ರಹ್ಮ ಭೂರ್ಭುವಸ್ಸುವರೋಮ್ ॥

ಸಙ್ಕಲ್ಪಃ

ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರ ಪ್ರೀತ್ಯರ್ಥಂ, ಮಮ/ಅಸ್ಮಾಕಂ ಸಹಕುಟುಮ್ಬಸ್ಯ ಕ್ಷೇಮ-ಸ್ಥೈರ್ಯ-ಧೈರ್ಯ-ವೀರ್ಯ-ವಿಜಯ-ಅಭಯ-ಆಯುಃ-ಆರೋಗ್ಯ-ಐಶ್ವರ್ಯ-ಅಭಿವೃದ್ಧ್ಯರ್ಥಂ, ಧರ್ಮಾರ್ಥ-ಕಾಮ-ಮೋಕ್ಷ-ಚತುರ್ವಿಧ-ಪುರುಷಾರ್ಥ-ಫಲ-ಸಿದ್ಧ್ಯರ್ಥಂ, ಸರ್ವಾಭೀಷ್ಟ-ಸಿದ್ಧ್ಯರ್ಥಂ, ಶ್ರೀಮಹಾಗಣಪತಿ-ಪ್ರೀತ್ಯರ್ಥಂ, ಯಾವಚ್ಛಕ್ತಿ ಧ್ಯಾನ-ಆವಾಹನಾದಿ-ಷೋಡಶೋಪಚಾರ-ಪೂಜಾಂ ಕರಿಷ್ಯೇ ॥
ತದಙ್ಗ ಕಲಶಾರಾಧನಂ ಕರಿಷ್ಯೇ ॥

ಕಲಶಾರಾಧನಮ್

ಕಲಶೇ ಗನ್ಧ ಪುಷ್ಪಾಕ್ಷತೈರಭ್ಯರ್ಚ್ಯ ।
ಕಲಶೇ ಉದಕಂ ಪೂರಯಿತ್ವಾ ।
ಕಲಶಸ್ಯೋಪರಿ ಹಸ್ತಂ ನಿಧಾಯ ।
ಕಲಶಸ್ಯ ಮುಖೇ ವಿಷ್ಣುಃ ಕಣ್ಠೇ ರುದ್ರಃ ಸಮಾಶ್ರಿತಃ ।
ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾಃ ॥
ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುನ್ಧರಾ ।
ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥
ಅಙ್ಗೈಶ್ಚ ಸಹಿತಾಃ ಸರ್ವೇ ಕಲಶಾಮ್ಬು ಸಮಾಶ್ರಿತಾಃ ॥
ಗಙ್ಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ನರ್ಮದೇ ಸಿನ್ಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥
ಕಾವೇರೀ ತುಙ್ಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ ।
ಭಾಗೀರಥೀತಿ ವಿಖ್ಯಾತಾಃ ಪಞ್ಚಗಙ್ಗಾಃ ಪ್ರಕೀರ್ತಿತಾಃ ॥
ಆಯಾನ್ತು ದೇವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಕಲಶೋದಕೇನ ಪೂಜಾ ದ್ರವ್ಯಾಣಿ ಸಮ್ಪ್ರೋಕ್ಷ್ಯ, ದೇವಂ ಸಮ್ಪ್ರೋಕ್ಷ್ಯ, ಆತ್ಮಾನಂ ಚ ಸಮ್ಪ್ರೋಕ್ಷ್ಯ ॥

ಶಙ್ಖಪೂಜಾ

ಶಙ್ಖಂ ಚನ್ದ್ರಾರ್ಕ ದೈವತಂ ಮಧ್ಯೇ ವರುಣ ದೇವತಾಮ್ ।
ಪೃಷ್ಠೇ ಪ್ರಜಾಪತಿಂ ವಿನ್ದ್ಯಾದಗ್ರೇ ಗಙ್ಗಾ ಸರಸ್ವತೀಮ್ ॥
ತ್ರೈಲೋಕ್ಯೇ ಯಾನಿ ತೀರ್ಥಾನಿ ವಾಸುದೇವಸ್ಯ ಆಜ್ಞಯಾ ।
ಶಙ್ಖೇ ತಿಷ್ಠನ್ತು ವಿಪ್ರೇನ್ದ್ರಾಃ ತಸ್ಮಾತ್ ಶಙ್ಖಂ ಪ್ರಪೂಜಯೇತ್ ॥
ಓಂ ಶಙ್ಖಾಯ ನಮಃ ।
ಓಂ ಧವಲಾಯ ನಮಃ ।
ಓಂ ಪಾಞ್ಚಜನ್ಯಾಯ ನಮಃ ।
ಓಂ ಶಙ್ಖದೇವತಾಭ್ಯೋ ನಮಃ ।
ಸಕಲಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥

ಘಣ್ಟಾನಾದಃ

ಆಗಮಾರ್ಥಂ ತು ದೇವಾನಾಂ ಗಮನಾರ್ಥಂ ತು ರಾಕ್ಷಸಾಮ್ ।
ಘಣ್ಟಾರವಂ ಕರೋಮ್ಯಾದೌ ದೇವತಾಹ್ವಾನ ಲಾಞ್ಛನಮ್ ॥
ಓಂ ಘಣ್ಟಾದೇವತಾಭ್ಯೋ ನಮಃ ।
ಸಕಲೋಪಚಾರ ಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥

ಶ್ರೀ ಮಹಾಗಣಪತಿ ಪೂಜಾ

ಓ-ಙ್ಗಣಾನಾ-ನ್ತ್ವಾ ಗಣಪತಿಗ್ಂ ಹವಾಮಹೇ ಕವಿ-ಙ್ಕವೀನಾಂ ಉಪಮಶ್ರವಸ್ತವಮ್ ।
ಜ್ಯೇಷ್ಠರಾಜ-ಮ್ಬ್ರಹ್ಮಣಾ-ಮ್ಬ್ರಹ್ಮಣಸ್ಪತ ಆ ನಃ ಶೃಣ್ವನ್ನೂತಿಭಿಸ್ಸೀದ ಸಾದನಮ್ ॥
ಸುಮುಖಶ್ಚೈಕದನ್ತಶ್ಚ ಕಪಿಲೋ ಗಜಕರ್ಣಕಃ ।
ಲಮ್ಬೋದರಶ್ಚ ವಿಕಟೋ ವಿಘ್ನರಾಜೋ ಗಣಾಧಿಪಃ ॥
ಧೂಮಕೇತುರ್ಗಣಾಧ್ಯಕ್ಷಃ ಫಾಲಚನ್ದ್ರೋ ಗಜಾನನಃ ।
ವಕ್ರತುಣ್ಡಃ ಶೂರ್ಪಕರ್ಣೋ ಹೇರಮ್ಬಃ ಸ್ಕನ್ದಪೂರ್ವಜಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಧ್ಯಾಯಾಮಿ । ಆವಾಹಯಾಮಿ । ಆಸನಂ ಸಮರ್ಪಯಾಮಿ ।
ಪಾದ್ಯಂ ಸಮರ್ಪಯಾಮಿ । ಅರ್ಘ್ಯಂ ಸಮರ್ಪಯಾಮಿ । ಆಚಮನೀಯಂ ಸಮರ್ಪಯಾಮಿ ।
ಸ್ನಾನಂ ಸಮರ್ಪಯಾಮಿ । ವಸ್ತ್ರಂ ಸಮರ್ಪಯಾಮಿ । ಯಜ್ಞೋಪವೀತಂ ಸಮರ್ಪಯಾಮಿ ।
ಗನ್ಧಂ ಸಮರ್ಪಯಾಮಿ । ಪುಷ್ಪಾಣಿ ಸಮರ್ಪಯಾಮಿ ।
ಧೂಪಮಾಘ್ರಾಪಯಾಮಿ । ದೀಪಂ ದರ್ಶಯಾಮಿ ।
ನೈವೇದ್ಯಂ ಸಮರ್ಪಯಾಮಿ । ತಾಮ್ಬೂಲಂ ಸಮರ್ಪಯಾಮಿ ।
ನೀರಾಜನಂ ಸಮರ್ಪಯಾಮಿ । ಮನ್ತ್ರಪುಷ್ಪಂ ಸಮರ್ಪಯಾಮಿ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥

ಷೋಡಶೋಪಚಾರ ಪೂಜಾ

ಗಣಪತಿ ಧ್ಯಾನಮ್

ಓ-ಙ್ಗಣಾನಾ-ನ್ತ್ವಾ ಗಣಪತಿಗ್ಂ ಹವಾಮಹೇ ಕವಿ-ಙ್ಕವೀನಾಂ ಉಪಮಶ್ರವಸ್ತವಮ್ ।
ಜ್ಯೇಷ್ಠರಾಜ-ಮ್ಬ್ರಹ್ಮಣಾ-ಮ್ಬ್ರಹ್ಮಣಸ್ಪತ ಆ ನಃ ಶೃಣ್ವನ್ನೂತಿಭಿಸ್ಸೀದ ಸಾದನಮ್ ॥
ಏಕದನ್ತಾಯ ವಿದ್ಮಹೇ ವಕ್ರತುಣ್ಡಾಯ ಧೀಮಹಿ ।
ತನ್ನೋ ದನ್ತಿಃ ಪ್ರಚೋದಯಾತ್ ॥
ಏಕದನ್ತಂ ಚತುರ್ಹಸ್ತಂ ಪಾಶಮಙ್ಕುಶಧಾರಿಣಮ್ ।
ರದಂ ಚ ವರದಂ ಹಸ್ತೈರ್ಬಿಭ್ರಾಣಂ ಮೂಷಕಧ್ವಜಮ್ ॥
ರಕ್ತಂ ಲಮ್ಬೋದರಂ ಶೂರ್ಪಕರ್ಣಕಂ ರಕ್ತವಾಸಸಮ್ ।
ರಕ್ತಗನ್ಧಾನುಲಿಪ್ತಾಙ್ಗಂ ರಕ್ತಪುಷ್ಪೈಃ ಸುಪೂಜಿತಮ್ ॥
ಭಕ್ತಾನುಕಮ್ಪಿನಂ ದೇವಂ ಜಗತ್ಕಾರಣಮಚ್ಯುತಮ್ ।
ಆವಿರ್ಭೂತಂ ಚ ಸೃಷ್ಟ್ಯಾದೌ ಪ್ರಕೃತೇಃ ಪುರುಷಾತ್ಪರಮ್ ॥
ಏವಂ ಧ್ಯಾಯತಿ ಯೋ ನಿತ್ಯಂ ಸ ಯೋಗೀ ಯೋಗಿನಾಂ ವರಃ ॥
ಚತುರ್ಬಾಹುಂ ತ್ರಿನೇತ್ರಂ ಚ ಗಜಾಸ್ಯಂ ರಕ್ತವರ್ಣಕಮ್ ।
ಪಾಶಾಙ್ಕುಶಾದಿ ಸಂಯುಕ್ತಂ ಮಾಯಾಯುಕ್ತಂ ಪ್ರಚಿನ್ತಯೇತ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಧ್ಯಾಯಾಮಿ । ಧ್ಯಾನಂ ಸಮರ್ಪಯಾಮಿ ॥

ಆವಾಹನಮ್

ಆಗಚ್ಛ ಬ್ರಹ್ಮಣಾಂ ನಾಥ ಸುರಾಸುರವರಾರ್ಚಿತ ।
ಸಿದ್ಧಿಬುದ್ಧ್ಯಾದಿ ಸಂಯುಕ್ತ ಭಕ್ತಿಗ್ರಹಣ ಲಾಲಸ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಆವಾಹಯಾಮಿ । ಸ್ಥಾಪಯಾಮಿ । ಪೂಜಯಾಮಿ ॥

ಆಸನಮ್

ರತ್ನಸಿಂಹಾಸನಂ ಸ್ವಾಮಿನ್ ಗೃಹಾಣ ಗಣನಾಯಕ ।
ತತ್ರೋಪವಿಶ್ಯ ವಿಘ್ನೇಶ ರಕ್ಷ ಭಕ್ತಾನ್ವಿಶೇಷತಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಆಸನಂ ಸಮರ್ಪಯಾಮಿ ॥

ಪಾದ್ಯಮ್

ಸುವಾಸಿತಾಭಿರದ್ಭಿಶ್ಚ ಪಾದಪ್ರಕ್ಷಾಲನಂ ಪ್ರಭೋ ।
ಶೀತೋಷ್ಣಾಮ್ಭಃ ಕರೋಮಿ ತೇ ಗೃಹಾಣ ಪಾದ್ಯಮುತ್ತಮಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಪಾದಯೋಃ ಪಾದ್ಯಂ ಸಮರ್ಪಯಾಮಿ ॥

ಅರ್ಘ್ಯಮ್

ರತ್ನಪ್ರವಾಲಮುಕ್ತಾದ್ಯೈರನರ್ಘ್ಯೈಃ ಸಂಸ್ಕೃತಂ ಪ್ರಭೋ ।
ಅರ್ಘ್ಯಂ ಗೃಹಾಣ ಹೇರಮ್ಬ ದ್ವಿರದಾನನ ತೋಷಕಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ॥

ಆಚಮನೀಯಮ್

ಸರ್ವತೀರ್ಥಾಹೃತಂ ತೋಯಂ ಸುವಾಸಿತಂ ಸುವಸ್ತುಭಿಃ ।
ಆಚಮನಂ ಚ ತೇನೈವ ಕುರುಷ್ವ ಗಣನಾಯಕ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಮುಖೇ ಆಚಮನೀಯಂ ಸಮರ್ಪಯಾಮಿ ॥

ಸ್ನಾನಮ್

ಆಪೋ ಹಿಷ್ಠಾ ಮಯೋಭುವಸ್ತಾ ನ ಊರ್ಜೇ ದಧಾತನ ।
ಮಹೇ ರಣಾಯ ಚಕ್ಷಸೇ ॥
ಯೋ ವಃ ಶಿವತಮೋ ರಸಸ್ತಸ್ಯ ಭಾಜಯತೇಹ ನಃ ।
ಉಶತೀರಿವ ಮಾತರಃ ॥
ತಸ್ಮಾ ಅರ-ಙ್ಗಮಾಮ ವೋ ಯಸ್ಯ ಕ್ಷಯಾಯ ಜಿನ್ವಥ ।
ಆಪೋ ಜನಯಥಾ ಚ ನಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ॥
ಸ್ನಾನಾನನ್ತರಂ ಆಚಮನೀಯಂ ಸಮರ್ಪಯಾಮಿ ॥

ವಸ್ತ್ರಮ್

ವಸ್ತ್ರಯುಗ್ಮಂ ಗೃಹಾಣ ತ್ವಮನರ್ಘಂ ರಕ್ತವರ್ಣಕಮ್ ।
ಲೋಕಲಜ್ಜಾಹರಂ ಚೈವ ವಿಘ್ನನಾಥ ನಮೋಽಸ್ತು ತೇ ॥
ಓಂ ಶ್ರೀಮಹಾಗಣಪತಯೇ ನಮಃ ।
ವಸ್ತ್ರಂ ಸಮರ್ಪಯಾಮಿ ॥

ಯಜ್ಞೋಪವೀತಮ್

ಯಜ್ಞೋಪವೀತಂ ಪರಮಂ ಪವಿತ್ರಂ ಪ್ರಜಾಪತೇರ್ಯತ್ಸಹಜಂ ಪುರಸ್ತಾತ್ ।
ಆಯುಷ್ಯಮಗ್ರ್ಯಂ ಪ್ರತಿಮುಞ್ಚ ಶುಭ್ರಂ ಯಜ್ಞೋಪವೀತಂ ಬಲಮಸ್ತು ತೇಜಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಯಜ್ಞೋಪವೀತಂ ಸಮರ್ಪಯಾಮಿ ॥

ಗನ್ಧಮ್

ರಕ್ತ ಚನ್ದನ ಸಂಯುಕ್ತಂ ಗನ್ಧಂ ಗಣೇಶ ಗೃಹ್ಯತಾಮ್ ।
ಭಕ್ತ್ಯಾ ಸಮರ್ಪಿತಂ ತುಭ್ಯಂ ಸರ್ವಸಮ್ಪತ್ತಿಪ್ರದಾಯಕಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಗನ್ಧಂ ಸಮರ್ಪಯಾಮಿ ॥

ಅರ್ಚನ

ಅಕ್ಷತಾನ್ ಧವಲಾನ್ ದಿವ್ಯಾನ್ ಪುಷ್ಪಾಣಿ ಚ ಸುಗನ್ಧೀನಿ ।
ಭಕ್ತ್ಯಾ ದತ್ತಾನಿ ಗೃಹ್ಯನ್ತಾಂ ಸರ್ವದೇವಾಃ ಪ್ರಸೀದತ ॥

ಅಙ್ಗ ಪೂಜಾ

ಓಂ ಸುಮುಖಾಯ ನಮಃ - ಪಾದೌ ಪೂಜಯಾಮಿ ।
ಓಂ ಏಕದನ್ತಾಯ ನಮಃ - ಗುಲ್ಫೌ ಪೂಜಯಾಮಿ ।
ಓಂ ಕಪಿಲಾಯ ನಮಃ - ಜಾನುನೀ ಪೂಜಯಾಮಿ ।
ಓಂ ಗಜಕರ್ಣಕಾಯ ನಮಃ - ಊರೂ ಪೂಜಯಾಮಿ ।
ಓಂ ಲಮ್ಬೋದರಾಯ ನಮಃ - ಉದರಂ ಪೂಜಯಾಮಿ ।
ಓಂ ವಿಕಟಾಯ ನಮಃ - ಹೃದಯಂ ಪೂಜಯಾಮಿ ।
ಓಂ ವಿಘ್ನರಾಜಾಯ ನಮಃ - ಕಣ್ಠಂ ಪೂಜಯಾಮಿ ।
ಓಂ ಗಣಾಧಿಪಾಯ ನಮಃ - ಸ್ಕನ್ಧೌ ಪೂಜಯಾಮಿ ।
ಓಂ ಧೂಮಕೇತವೇ ನಮಃ - ಮುಖಂ ಪೂಜಯಾಮಿ ।
ಓಂ ಗಣಾಧ್ಯಕ್ಷಾಯ ನಮಃ - ನೇತ್ರೇ ಪೂಜಯಾಮಿ ।
ಓಂ ಫಾಲಚನ್ದ್ರಾಯ ನಮಃ - ಲಲಾಟಂ ಪೂಜಯಾಮಿ ।
ಓಂ ಗಜಾನನಾಯ ನಮಃ - ಶಿರಃ ಪೂಜಯಾಮಿ ।
ಓಂ ವಕ್ರತುಣ್ಡಾಯ ನಮಃ - ಸರ್ವಾಣ್ಯಙ್ಗಾನಿ ಪೂಜಯಾಮಿ ॥
ಪ್ರತ್ಯೇಕನಾಮ್ನೇ ಪುಷ್ಪಮ್ ಅಕ್ಷತಾನ್ ವಾ ಸಮರ್ಪಯೇತ್ ।

ಗಣೇಶ ಅಷ್ಟೋತ್ತರ ಶತ ನಾಮಾವಲೀ

ಅಥವಾ ಗಣಪತಿ ನಾಮಾವಲೀ ಪಠನಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಅಷ್ಟೋತ್ತರ ಶತ ನಾಮಾವಲೀ ಪೂಜಾಂ ಸಮರ್ಪಯಾಮಿ ।
ಅಕ್ಷತಾನ್ ಪುಷ್ಪಾಣಿ ಚ ಸಮರ್ಪಯಾಮಿ ॥

ಧೂಪಮ್

ದಶಾಙ್ಗಂ ಗುಗ್ಗುಲೂಪೇತಂ ಸುಗನ್ಧಂ ಸುಮನೋಹರಮ್ ।
ಉಮಾಸುತ ನಮಸ್ತುಭ್ಯಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಧೂಪಮಾಘ್ರಾಪಯಾಮಿ ॥

ದೀಪಮ್

ಸಾಜ್ಯಂ ತ್ರಿವರ್ತಿ ಸಂಯುಕ್ತಂ ವಹ್ನಿನಾ ಯೋಜಿತಂ ಪ್ರಿಯಮ್ ।
ಗೃಹಾಣ ಮಙ್ಗಲಂ ದೀಪಂ ವಿಘ್ನರಾಜ ನಮೋಽಸ್ತು ತೇ ॥
ಓಂ ಶ್ರೀಮಹಾಗಣಪತಯೇ ನಮಃ ।
ದೀಪಂ ದರ್ಶಯಾಮಿ ॥

ನೈವೇದ್ಯಮ್

ನೈವೇದ್ಯಂ ಗೃಹ್ಯತಾಂ ದೇವ ಭಕ್ತ್ಯಾ ಸಮ್ಪಾದಿತಂ ಮಯಾ ।
ಇದಂ ಫಲಂ ಚ ಪಾನೀಯಂ ಸರ್ವೋಪಚಾರ ಸಂಯುತಮ್ ॥
ಓ-ಮ್ಭೂರ್ಭುವಸ್ಸುವಃ । ತತ್ಸವಿತುರ್ವರೇಣ್ಯ-ಮ್ಭರ್ಗೋ ದೇವಸ್ಯ ಧೀಮಹಿ ।
ಧಿಯೋ ಯೋ ನಃ ಪ್ರಚೋದಯಾತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
ಅಮೃತಮಸ್ತು । ಅಮೃತೋಪಸ್ತರಣಮಸಿ ।
ಓಂ ಪ್ರಾಣಾಯ ಸ್ವಾಹಾ । ಓಂ ಅಪಾನಾಯ ಸ್ವಾಹಾ । ಓಂ ವ್ಯಾನಾಯ ಸ್ವಾಹಾ ।
ಓಂ ಉದಾನಾಯ ಸ್ವಾಹಾ । ಓಂ ಸಮಾನಾಯ ಸ್ವಾಹಾ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅಮೃತಾಪಿಧಾನಮಸಿ ।
ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ॥
ಓಂ ಶ್ರೀಮಹಾಗಣಪತಯೇ ನಮಃ ।
ನೈವೇದ್ಯಂ ಸಮರ್ಪಯಾಮಿ ॥

ತಾಮ್ಬೂಲಮ್

ಅಷ್ಟಾಙ್ಗಂ ದೇವ ತಾಮ್ಬೂಲಂ ಗೃಹಾಣ ಮುಖವಾಸನಮ್ ।
ಅಸಕೃದ್ವಿಘ್ನರಾಜ ತ್ವಂ ಮಯಾ ದತ್ತಂ ವಿಶೇಷತಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ತಾಮ್ಬೂಲಂ ಸಮರ್ಪಯಾಮಿ ॥

ನೀರಾಜನಮ್

ನಾನಾದೀಪಸಮಾಯುಕ್ತಂ ನೀರಾಜನಂ ಗಜಾನನ ।
ಗೃಹಾಣ ಭಾವ ಸಂಯುಕ್ತಂ ಸರ್ವಾಜ್ಞಾನವಿನಾಶನ ॥
ಓಂ ಶ್ರೀಮಹಾಗಣಪತಯೇ ನಮಃ ।
ನೀರಾಜನಂ ಸಮರ್ಪಯಾಮಿ ॥

ಮನ್ತ್ರಪುಷ್ಪಮ್

ಓ-ಙ್ಗಣಾನಾ-ನ್ತ್ವಾ ಗಣಪತಿಗ್ಂ ಹವಾಮಹೇ ಕವಿ-ಙ್ಕವೀನಾಂ ಉಪಮಶ್ರವಸ್ತವಮ್ ।
ಜ್ಯೇಷ್ಠರಾಜ-ಮ್ಬ್ರಹ್ಮಣಾ-ಮ್ಬ್ರಹ್ಮಣಸ್ಪತ ಆ ನಃ ಶೃಣ್ವನ್ನೂತಿಭಿಸ್ಸೀದ ಸಾದನಮ್ ॥
ಚತುರ್ವೇದಭವೈರ್ಮನ್ತ್ರೈರ್ಗಾಣಪತ್ಯೈರ್ಗಜಾನನ ।
ಮನ್ತ್ರಿತಾನಿ ಗೃಹಾಣ ತ್ವಂ ಪುಷ್ಪಪತ್ರಾಣಿ ವಿಘ್ನಪ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಮನ್ತ್ರಪುಷ್ಪಂ ಸಮರ್ಪಯಾಮಿ ॥

ಪ್ರದಕ್ಷಿಣಮ್

ಏಕವಿಂಶತಿಸಙ್ಖ್ಯಂ ವಾ ತ್ರಿಸಙ್ಖ್ಯಂ ವಾ ಗಜಾನನ ।
ಪ್ರಾದಕ್ಷಿಣ್ಯಂ ಗೃಹಾಣ ತ್ವಂ ಬ್ರಹ್ಮನ್ ಬ್ರಹ್ಮೇಶಭಾವನ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥

ನಮಸ್ಕಾರಃ

ಉರಸಾ ಶಿರಸಾ ದೃಷ್ಟ್ಯಾ ಮನಸಾ ವಚಸಾ ತಥಾ ।
ಪದ್ಭ್ಯಾಂ ಕರಾಭ್ಯಾಂ ಕರ್ಣಾಭ್ಯಾಂ ಪ್ರಣಾಮೋಽಷ್ಟಾಙ್ಗ ಉಚ್ಯತೇ ॥
ಓಂ ಶ್ರೀಮಹಾಗಣಪತಯೇ ನಮಃ ।
ನಮಸ್ಕಾರಾನ್ ಸಮರ್ಪಯಾಮಿ ॥

ಸರ್ವೋಪಚಾರಾಃ

ಓಂ ಶ್ರೀಮಹಾಗಣಪತಯೇ ನಮಃ ।
ಛತ್ರಂ ಸಮರ್ಪಯಾಮಿ ।
ಚಾಮರಂ ಸಮರ್ಪಯಾಮಿ ।
ಗೀತಂ ಶ್ರಾವಯಾಮಿ ।
ನೃತ್ಯಂ ದರ್ಶಯಾಮಿ ।
ಸಮಸ್ತ ರಾಜೋಪಚಾರಾನ್ ದೇವೋಪಚಾರಾನ್ ಸಮರ್ಪಯಾಮಿ ॥

ಸ್ತೋತ್ರ/ಸೂಕ್ತ ಪಠನಮ್

ಗಣಪತಿ ಅಥರ್ವ ಶೀರ್ಷಮ್
ಶ್ರೀ ಮಹಾಗಣೇಶ ಪಞ್ಚರತ್ನಮ್

ಕ್ಷಮಾಪ್ರಾರ್ಥನಾ

ಅಪರಾಧಾನಸಙ್ಖ್ಯಾತಾನ್ ಕ್ಷಮಸ್ವ ಗಣನಾಯಕ ।
ಭಕ್ತಂ ಕುರು ಚ ಮಾಂ ಢುಣ್ಢೇ ತವ ಪಾದಪ್ರಿಯಂ ಸದಾ ॥
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ।
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥
ಅನಯಾ ಧ್ಯಾನ-ಆವಾಹನಾದಿ-ಷೋಡಶೋಪಚಾರ ಪೂಜಯಾ ಶ್ರೀಮಹಾಗಣಪತಿಃ ಸುಪ್ರೀತಃ ಸುಪ್ರಸನ್ನಃ ವರದೋ ಭವತು ॥

ಉದ್ವಾಸನಮ್

ಓಂ ಶ್ರೀಮಹಾಗಣಪತಯೇ ನಮಃ ।
ಯಥಾಸ್ಥಾನಂ ಉದ್ವಾಸಯಾಮಿ ।
ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ॥

ಪ್ರಸಾದ ಗ್ರಹಣಮ್

ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ದೇವತಾ ಪಾದೋದಕಂ ಶುಭಮ್ ॥
ಶ್ರೀಮಹಾಗಣಪತಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
ಓಂ ತತ್ಸತ್ ಬ್ರಹ್ಮಾರ್ಪಣಮಸ್ತು ॥

OHTCC Assistant ✕
🙏 Namaste! How can I help you today?