Ganapati Nitya Puja Vidhanam
āvaśyakāni vastūni
- āsanaṃ
- dīpaḥ
- gandhaḥ
- kuṅkumaṃ
- akṣatāḥ
- puṣpāṇi
- dhūpaḥ
- naivedyaṃ
- tāmbūlaṃ
- ācamanīyaṃ
- pūjā pātraṃ
- kalaśaḥ
- śaṅkhaḥ (aicchikaḥ)
- gaṇapati pratimā vā citrapaṭaḥ vā
pūrvāṅga pūjā
śrīmahāgaṇādhipataye namaḥ ।
śrī gurubhyo namaḥ ।
hariḥ om ।
śuciḥ
apavitraḥ pavitro vā sarvāvasthāṃ gato’pi vā ।
yaḥ smaret puṇḍarīkākṣaṃ sa bāhyābhyantaraḥ śuciḥ ॥
puṇḍarīkākṣa puṇḍarīkākṣa puṇḍarīkākṣāya namaḥ ॥
prārthanā
śuklāmbaradharaṃ viṣṇuṃ śaśivarṇaṃ caturbhujam ।
prasannavadanaṃ dhyāyet sarvavighnopaśāntaye ॥
agajānana padmārkaṃ gajānanamaharniśam ।
anekadaṃ taṃ bhaktānāṃ ekadantamupāsmahe ॥
tadeva lagnaṃ sudinaṃ tadeva
tārābalaṃ candrabalaṃ tadeva ।
vidyābalaṃ daivabalaṃ tadeva
lakṣmīpate te’ṅghriyugaṃ smarāmi ॥
gururbrahmā gururviṣṇuḥ gururdevo maheśvaraḥ ।
guruḥ sākṣāt parabrahma tasmai śrīgurave namaḥ ॥
sarvamaṅgala māṅgalye śive sarvārthasādhike ।
śaraṇye tryambake gaurī nārāyaṇi namo’stu te ॥
śrīlakṣmīnārāyaṇābhyāṃ namaḥ ।
umāmaheśvarābhyāṃ namaḥ ।
vāṇīhiraṇyagarbhābhyāṃ namaḥ ।
śacīpurandarābhyāṃ namaḥ ।
arundhatīvasiṣṭhābhyāṃ namaḥ ।
śrīsītārāmābhyāṃ namaḥ ।
mātāpitṛbhyo namaḥ ।
sarvebhyo mahājanebhyo namaḥ ।
ācamanaṃ
oṃ keśavāya svāhā ।
oṃ nārāyaṇāya svāhā ।
oṃ mādhavāya svāhā ।
oṃ govindāya namaḥ ।
oṃ viṣṇave namaḥ ।
oṃ madhusūdanāya namaḥ ।
oṃ trivikramāya namaḥ ।
oṃ vāmanāya namaḥ ।
oṃ śrīdharāya namaḥ ।
oṃ hṛṣīkeśāya namaḥ ।
oṃ padmanābhāya namaḥ ।
oṃ dāmodarāya namaḥ ।
oṃ saṅkarṣaṇāya namaḥ ।
oṃ vāsudevāya namaḥ ।
oṃ pradyumnāya namaḥ ।
oṃ aniruddhāya namaḥ ।
oṃ puruṣottamāya namaḥ ।
oṃ adhokṣajāya namaḥ ।
oṃ nārasiṃhāya namaḥ ।
oṃ acyutāya namaḥ ।
oṃ janārdanāya namaḥ ।
oṃ upendrāya namaḥ ।
oṃ haraye namaḥ ।
oṃ śrīkṛṣṇāya namaḥ ।
dīpārādhanam
dīpastvaṃ brahmarūpo’si jyotiṣāṃ prabhuravyayaḥ ।
saubhāgyaṃ dehi putrāṃśca sarvānkāmāṃśca dehi me ॥
bho dīpa devi rūpastvaṃ karmasākṣī hyavighnakṛt ।
yāvatpūjāṃ kariṣyāmi tāvattvaṃ susthiro bhava ॥
dīpārādhana muhūrtaḥ sumuhūrto’stu ॥
bhūtoccāṭanam
uttiṣṭhantu bhūtapiśācāḥ ya ete bhūmibhārakāḥ ।
eteṣāmavirodhena brahmakarma samārabhe ॥
apasarpantu te bhūtā ye bhūtā bhūmisaṃsthitāḥ ।
ye bhūtā vighnakartāraste gacchantu śivā’jñayā ॥
prāṇāyāmaḥ
o-mbhūḥ । o-mbhuvaḥ । ogṃ suvaḥ । o-mmahaḥ । o-ñjanaḥ । o-ntapaḥ । ogṃ satyam ।
o-ntatsaviturvareṇya-mbhargo devasya dhīmahi ।
dhiyo yo naḥ pracodayāt ॥
omāpo jyotī raso-’mṛta-mbrahma bhūrbhuvassuvarom ॥
saṅkalpaḥ
mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīmahāgaṇapati-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ॥
tadaṅga kalaśārādhanaṃ kariṣye ॥
kalaśārādhanam
kalaśe gandha puṣpākṣatairabhyarcya ।
kalaśe udakaṃ pūrayitvā ।
kalaśasyopari hastaṃ nidhāya ।
kalaśasya mukhe viṣṇuḥ kaṇṭhe rudraḥ samāśritaḥ ।
mūle tvasya sthito brahmā madhye mātṛgaṇāḥ smṛtāḥ ॥
kukṣau tu sāgarāḥ sarve saptadvīpā vasundharā ।
ṛgvedo’tha yajurvedo sāmavedo hyatharvaṇaḥ ॥
aṅgaiśca sahitāḥ sarve kalaśāmbu samāśritāḥ ॥
gaṅge ca yamune caiva godāvarī sarasvatī ।
narmade sindhu kāverī jale’smin sannidhiṃ kuru ॥
kāverī tuṅgabhadrā ca kṛṣṇaveṇī ca gautamī ।
bhāgīrathīti vikhyātāḥ pañcagaṅgāḥ prakīrtitāḥ ॥
āyāntu devapūjārthaṃ mama duritakṣayakārakāḥ ।
kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ॥
śaṅkhapūjā
śaṅkhaṃ candrārka daivataṃ madhye varuṇa devatām ।
pṛṣṭhe prajāpatiṃ vindyādagre gaṅgā sarasvatīm ॥
trailokye yāni tīrthāni vāsudevasya ājñayā ।
śaṅkhe tiṣṭhantu viprendrāḥ tasmāt śaṅkhaṃ prapūjayet ॥
oṃ śaṅkhāya namaḥ ।
oṃ dhavalāya namaḥ ।
oṃ pāñcajanyāya namaḥ ।
oṃ śaṅkhadevatābhyo namaḥ ।
sakalapūjārthe akṣatān samarpayāmi ॥
ghaṇṭānādaḥ
āgamārthaṃ tu devānāṃ gamanārthaṃ tu rākṣasām ।
ghaṇṭāravaṃ karomyādau devatāhvāna lāñchanam ॥
oṃ ghaṇṭādevatābhyo namaḥ ।
sakalopacāra pūjārthe akṣatān samarpayāmi ॥
śrī mahāgaṇapati pūjā
o-ṅgaṇānā-ntvā gaṇapatigṃ havāmahe kavi-ṅkavīnāṃ upamaśravastavam ।
jyeṣṭharāja-mbrahmaṇā-mbrahmaṇaspata ā naḥ śṛṇvannūtibhissīda sādanam ॥
sumukhaścaikadantaśca kapilo gajakarṇakaḥ ।
lambodaraśca vikaṭo vighnarājo gaṇādhipaḥ ॥
dhūmaketurgaṇādhyakṣaḥ phālacandro gajānanaḥ ।
vakratuṇḍaḥ śūrpakarṇo herambaḥ skandapūrvajaḥ ॥
oṃ śrīmahāgaṇapataye namaḥ ।
dhyāyāmi । āvāhayāmi । āsanaṃ samarpayāmi ।
pādyaṃ samarpayāmi । arghyaṃ samarpayāmi । ācamanīyaṃ samarpayāmi ।
snānaṃ samarpayāmi । vastraṃ samarpayāmi । yajñopavītaṃ samarpayāmi ।
gandhaṃ samarpayāmi । puṣpāṇi samarpayāmi ।
dhūpamāghrāpayāmi । dīpaṃ darśayāmi ।
naivedyaṃ samarpayāmi । tāmbūlaṃ samarpayāmi ।
nīrājanaṃ samarpayāmi । mantrapuṣpaṃ samarpayāmi ।
pradakṣiṇa namaskārān samarpayāmi ॥
ṣoḍaśopacāra pūjā
gaṇapati dhyānam
o-ṅgaṇānā-ntvā gaṇapatigṃ havāmahe kavi-ṅkavīnāṃ upamaśravastavam ।
jyeṣṭharāja-mbrahmaṇā-mbrahmaṇaspata ā naḥ śṛṇvannūtibhissīda sādanam ॥
ekadantāya vidmahe vakratuṇḍāya dhīmahi ।
tanno dantiḥ pracodayāt ॥
ekadantaṃ caturhastaṃ pāśamaṅkuśadhāriṇam ।
radaṃ ca varadaṃ hastairbibhrāṇaṃ mūṣakadhvajam ॥
raktaṃ lambodaraṃ śūrpakarṇakaṃ raktavāsasam ।
raktagandhānuliptāṅgaṃ raktapuṣpaiḥ supūjitam ॥
bhaktānukampinaṃ devaṃ jagatkāraṇamacyutam ।
āvirbhūtaṃ ca sṛṣṭyādau prakṛteḥ puruṣātparam ॥
evaṃ dhyāyati yo nityaṃ sa yogī yogināṃ varaḥ ॥
caturbāhuṃ trinetraṃ ca gajāsyaṃ raktavarṇakam ।
pāśāṅkuśādi saṃyuktaṃ māyāyuktaṃ pracintayet ॥
oṃ śrīmahāgaṇapataye namaḥ ।
dhyāyāmi । dhyānaṃ samarpayāmi ॥
āvāhanam
āgaccha brahmaṇāṃ nātha surāsuravarārcita ।
siddhibuddhyādi saṃyukta bhaktigrahaṇa lālasa ॥
oṃ śrīmahāgaṇapataye namaḥ ।
āvāhayāmi । sthāpayāmi । pūjayāmi ॥
āsanam
ratnasiṃhāsanaṃ svāmin gṛhāṇa gaṇanāyaka ।
tatropaviśya vighneśa rakṣa bhaktānviśeṣataḥ ॥
oṃ śrīmahāgaṇapataye namaḥ ।
āsanaṃ samarpayāmi ॥
pādyam
suvāsitābhiradbhiśca pādaprakṣālanaṃ prabho ।
śītoṣṇāmbhaḥ karomi te gṛhāṇa pādyamuttamam ॥
oṃ śrīmahāgaṇapataye namaḥ ।
pādayoḥ pādyaṃ samarpayāmi ॥
arghyam
ratnapravālamuktādyairanarghyaiḥ saṃskṛtaṃ prabho ।
arghyaṃ gṛhāṇa heramba dviradānana toṣakam ॥
oṃ śrīmahāgaṇapataye namaḥ ।
hastayoḥ arghyaṃ samarpayāmi ॥
ācamanīyam
sarvatīrthāhṛtaṃ toyaṃ suvāsitaṃ suvastubhiḥ ।
ācamanaṃ ca tenaiva kuruṣva gaṇanāyaka ॥
oṃ śrīmahāgaṇapataye namaḥ ।
mukhe ācamanīyaṃ samarpayāmi ॥
snānam
āpo hiṣṭhā mayobhuvastā na ūrje dadhātana ।
mahe raṇāya cakṣase ॥
yo vaḥ śivatamo rasastasya bhājayateha naḥ ।
uśatīriva mātaraḥ ॥
tasmā ara-ṅgamāma vo yasya kṣayāya jinvatha ।
āpo janayathā ca naḥ ॥
oṃ śrīmahāgaṇapataye namaḥ ।
śuddhodaka snānaṃ samarpayāmi ॥
snānānantaraṃ ācamanīyaṃ samarpayāmi ॥
vastram
vastrayugmaṃ gṛhāṇa tvamanarghaṃ raktavarṇakam ।
lokalajjāharaṃ caiva vighnanātha namo’stu te ॥
oṃ śrīmahāgaṇapataye namaḥ ।
vastraṃ samarpayāmi ॥
yajñopavītam
yajñopavītaṃ paramaṃ pavitraṃ prajāpateryatsahajaṃ purastāt ।
āyuṣyamagryaṃ pratimuñca śubhraṃ yajñopavītaṃ balamastu tejaḥ ॥
oṃ śrīmahāgaṇapataye namaḥ ।
yajñopavītaṃ samarpayāmi ॥
gandham
rakta candana saṃyuktaṃ gandhaṃ gaṇeśa gṛhyatām ।
bhaktyā samarpitaṃ tubhyaṃ sarvasampattipradāyakam ॥
oṃ śrīmahāgaṇapataye namaḥ ।
gandhaṃ samarpayāmi ॥
arcana
akṣatān dhavalān divyān puṣpāṇi ca sugandhīni ।
bhaktyā dattāni gṛhyantāṃ sarvadevāḥ prasīdata ॥
aṅga pūjā
oṃ sumukhāya namaḥ - pādau pūjayāmi ।
oṃ ekadantāya namaḥ - gulphau pūjayāmi ।
oṃ kapilāya namaḥ - jānunī pūjayāmi ।
oṃ gajakarṇakāya namaḥ - ūrū pūjayāmi ।
oṃ lambodarāya namaḥ - udaraṃ pūjayāmi ।
oṃ vikaṭāya namaḥ - hṛdayaṃ pūjayāmi ।
oṃ vighnarājāya namaḥ - kaṇṭhaṃ pūjayāmi ।
oṃ gaṇādhipāya namaḥ - skandhau pūjayāmi ।
oṃ dhūmaketave namaḥ - mukhaṃ pūjayāmi ।
oṃ gaṇādhyakṣāya namaḥ - netre pūjayāmi ।
oṃ phālacandrāya namaḥ - lalāṭaṃ pūjayāmi ।
oṃ gajānanāya namaḥ - śiraḥ pūjayāmi ।
oṃ vakratuṇḍāya namaḥ - sarvāṇyaṅgāni pūjayāmi ॥
pratyekanāmne puṣpam akṣatān vā samarpayet ।
gaṇeśa aṣṭottara śata nāmāvalī
athavā gaṇapati nāmāvalī paṭhanam ॥
oṃ śrīmahāgaṇapataye namaḥ ।
aṣṭottara śata nāmāvalī pūjāṃ samarpayāmi ।
akṣatān puṣpāṇi ca samarpayāmi ॥
dhūpam
daśāṅgaṃ guggulūpetaṃ sugandhaṃ sumanoharam ।
umāsuta namastubhyaṃ dhūpo’yaṃ pratigṛhyatām ॥
oṃ śrīmahāgaṇapataye namaḥ ।
dhūpamāghrāpayāmi ॥
dīpam
sājyaṃ trivarti saṃyuktaṃ vahninā yojitaṃ priyam ।
gṛhāṇa maṅgalaṃ dīpaṃ vighnarāja namo’stu te ॥
oṃ śrīmahāgaṇapataye namaḥ ।
dīpaṃ darśayāmi ॥
naivedyam
naivedyaṃ gṛhyatāṃ deva bhaktyā sampāditaṃ mayā ।
idaṃ phalaṃ ca pānīyaṃ sarvopacāra saṃyutam ॥
o-mbhūrbhuvassuvaḥ । tatsaviturvareṇya-mbhargo devasya dhīmahi ।
dhiyo yo naḥ pracodayāt ॥
satyaṃ tvā ṛtena pariṣiñcāmi ।
amṛtamastu । amṛtopastaraṇamasi ।
oṃ prāṇāya svāhā । oṃ apānāya svāhā । oṃ vyānāya svāhā ।
oṃ udānāya svāhā । oṃ samānāya svāhā ।
madhye madhye pānīyaṃ samarpayāmi ।
amṛtāpidhānamasi ।
uttarāpośanaṃ samarpayāmi ।
hastau prakṣālayāmi । pādau prakṣālayāmi ।
śuddhācamanīyaṃ samarpayāmi ॥
oṃ śrīmahāgaṇapataye namaḥ ।
naivedyaṃ samarpayāmi ॥
tāmbūlam
aṣṭāṅgaṃ deva tāmbūlaṃ gṛhāṇa mukhavāsanam ।
asakṛdvighnarāja tvaṃ mayā dattaṃ viśeṣataḥ ॥
oṃ śrīmahāgaṇapataye namaḥ ।
tāmbūlaṃ samarpayāmi ॥
nīrājanam
nānādīpasamāyuktaṃ nīrājanaṃ gajānana ।
gṛhāṇa bhāva saṃyuktaṃ sarvājñānavināśana ॥
oṃ śrīmahāgaṇapataye namaḥ ।
nīrājanaṃ samarpayāmi ॥
mantrapuṣpam
o-ṅgaṇānā-ntvā gaṇapatigṃ havāmahe kavi-ṅkavīnāṃ upamaśravastavam ।
jyeṣṭharāja-mbrahmaṇā-mbrahmaṇaspata ā naḥ śṛṇvannūtibhissīda sādanam ॥
caturvedabhavairmantrairgāṇapatyairgajānana ।
mantritāni gṛhāṇa tvaṃ puṣpapatrāṇi vighnapa ॥
oṃ śrīmahāgaṇapataye namaḥ ।
mantrapuṣpaṃ samarpayāmi ॥
pradakṣiṇam
ekaviṃśatisaṅkhyaṃ vā trisaṅkhyaṃ vā gajānana ।
prādakṣiṇyaṃ gṛhāṇa tvaṃ brahman brahmeśabhāvana ॥
oṃ śrīmahāgaṇapataye namaḥ ।
pradakṣiṇa namaskārān samarpayāmi ॥
namaskāraḥ
urasā śirasā dṛṣṭyā manasā vacasā tathā ।
padbhyāṃ karābhyāṃ karṇābhyāṃ praṇāmo’ṣṭāṅga ucyate ॥
oṃ śrīmahāgaṇapataye namaḥ ।
namaskārān samarpayāmi ॥
sarvopacārāḥ
oṃ śrīmahāgaṇapataye namaḥ ।
chatraṃ samarpayāmi ।
cāmaraṃ samarpayāmi ।
gītaṃ śrāvayāmi ।
nṛtyaṃ darśayāmi ।
samasta rājopacārān devopacārān samarpayāmi ॥
stotra/sūkta paṭhanam
gaṇapati atharva śīrṣam
śrī mahāgaṇeśa pañcaratnam
kṣamāprārthanā
aparādhānasaṅkhyātān kṣamasva gaṇanāyaka ।
bhaktaṃ kuru ca māṃ ḍhuṇḍhe tava pādapriyaṃ sadā ॥
kāyena vācā manasendriyairvā
buddhyātmanā vā prakṛteḥ svabhāvāt ।
karomi yadyat sakalaṃ parasmai
nārāyaṇāyeti samarpayāmi ॥
anayā dhyāna-āvāhanādi-ṣoḍaśopacāra pūjayā śrīmahāgaṇapatiḥ suprītaḥ suprasannaḥ varado bhavatu ॥
udvāsanam
oṃ śrīmahāgaṇapataye namaḥ ।
yathāsthānaṃ udvāsayāmi ।
śobhanārthe kṣemāya punarāgamanāya ca ॥
prasāda grahaṇam
akālamṛtyuharaṇaṃ sarvavyādhinivāraṇam ।
samastapāpakṣayakaraṃ devatā pādodakaṃ śubham ॥
śrīmahāgaṇapati prasādaṃ śirasā gṛhṇāmi ॥
oṃ śāntiḥ śāntiḥ śāntiḥ ॥
oṃ tatsat brahmārpaṇamastu ॥