Home › Pooja Library › Vishnu Nitya Puja Vidhanam — English

Vishnu Nitya Puja Vidhanam

āvaśyakāni vastūni

  • āsanaṃ
  • dīpaḥ
  • gandhaḥ
  • kuṅkumaṃ
  • akṣatāḥ
  • puṣpāṇi
  • dhūpaḥ
  • naivedyaṃ
  • tāmbūlaṃ
  • ācamanīyaṃ
  • pūjā pātraṃ
  • kalaśaḥ
  • śaṅkhaḥ (aicchikaḥ)
  • viṣṇu pratimā vā citrapaṭaḥ vā

pūrvāṅga pūjā

śrīmahāgaṇādhipataye namaḥ ।
śrī gurubhyo namaḥ ।

hariḥ om ।

śuciḥ

apavitraḥ pavitro vā sarvāvasthāṃ gato’pi vā ।
yaḥ smaret puṇḍarīkākṣaṃ sa bāhyābhyantaraḥ śuciḥ ॥
puṇḍarīkākṣa puṇḍarīkākṣa puṇḍarīkākṣāya namaḥ ॥

prārthanā

śuklāmbaradharaṃ viṣṇuṃ śaśivarṇaṃ caturbhujam ।
prasannavadanaṃ dhyāyet sarvavighnopaśāntaye ॥
agajānana padmārkaṃ gajānanamaharniśam ।
anekadaṃ taṃ bhaktānāṃ ekadantamupāsmahe ॥
tadeva lagnaṃ sudinaṃ tadeva
tārābalaṃ candrabalaṃ tadeva ।
vidyābalaṃ daivabalaṃ tadeva
lakṣmīpate te’ṅghriyugaṃ smarāmi ॥
gururbrahmā gururviṣṇuḥ gururdevo maheśvaraḥ ।
guruḥ sākṣāt parabrahma tasmai śrīgurave namaḥ ॥
sarvamaṅgala māṅgalye śive sarvārthasādhike ।
śaraṇye tryambake gaurī nārāyaṇi namo’stu te ॥
śrīlakṣmīnārāyaṇābhyāṃ namaḥ ।
umāmaheśvarābhyāṃ namaḥ ।
vāṇīhiraṇyagarbhābhyāṃ namaḥ ।
śacīpurandarābhyāṃ namaḥ ।
arundhatīvasiṣṭhābhyāṃ namaḥ ।
śrīsītārāmābhyāṃ namaḥ ।
mātāpitṛbhyo namaḥ ।
sarvebhyo mahājanebhyo namaḥ ।

ācamanaṃ

oṃ keśavāya svāhā ।
oṃ nārāyaṇāya svāhā ।
oṃ mādhavāya svāhā ।
oṃ govindāya namaḥ ।
oṃ viṣṇave namaḥ ।
oṃ madhusūdanāya namaḥ ।
oṃ trivikramāya namaḥ ।
oṃ vāmanāya namaḥ ।
oṃ śrīdharāya namaḥ ।
oṃ hṛṣīkeśāya namaḥ ।
oṃ padmanābhāya namaḥ ।
oṃ dāmodarāya namaḥ ।
oṃ saṅkarṣaṇāya namaḥ ।
oṃ vāsudevāya namaḥ ।
oṃ pradyumnāya namaḥ ।
oṃ aniruddhāya namaḥ ।
oṃ puruṣottamāya namaḥ ।
oṃ adhokṣajāya namaḥ ।
oṃ nārasiṃhāya namaḥ ।
oṃ acyutāya namaḥ ।
oṃ janārdanāya namaḥ ।
oṃ upendrāya namaḥ ।
oṃ haraye namaḥ ।
oṃ śrīkṛṣṇāya namaḥ ।

dīpārādhanam

dīpastvaṃ brahmarūpo’si jyotiṣāṃ prabhuravyayaḥ ।
saubhāgyaṃ dehi putrāṃśca sarvānkāmāṃśca dehi me ॥
bho dīpa devi rūpastvaṃ karmasākṣī hyavighnakṛt ।
yāvatpūjāṃ kariṣyāmi tāvattvaṃ susthiro bhava ॥
dīpārādhana muhūrtaḥ sumuhūrto’stu ॥

bhūtoccāṭanam

uttiṣṭhantu bhūtapiśācāḥ ya ete bhūmibhārakāḥ ।
eteṣāmavirodhena brahmakarma samārabhe ॥
apasarpantu te bhūtā ye bhūtā bhūmisaṃsthitāḥ ।
ye bhūtā vighnakartāraste gacchantu śivā’jñayā ॥

prāṇāyāmaḥ

o-mbhūḥ । o-mbhuvaḥ । ogṃ suvaḥ । o-mmahaḥ । o-ñjanaḥ । o-ntapaḥ । ogṃ satyam ।
o-ntatsaviturvareṇya-mbhargo devasya dhīmahi ।
dhiyo yo naḥ pracodayāt ॥
omāpo jyotī raso-’mṛta-mbrahma bhūrbhuvassuvarom ॥

saṅkalpaḥ

mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīmannārāyaṇa-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ॥
tadaṅga kalaśārādhanaṃ kariṣye ॥

kalaśārādhanam

kalaśe gandha puṣpākṣatairabhyarcya ।
kalaśe udakaṃ pūrayitvā ।
kalaśasyopari hastaṃ nidhāya ।
kalaśasya mukhe viṣṇuḥ kaṇṭhe rudraḥ samāśritaḥ ।
mūle tvasya sthito brahmā madhye mātṛgaṇāḥ smṛtāḥ ॥
kukṣau tu sāgarāḥ sarve saptadvīpā vasundharā ।
ṛgvedo’tha yajurvedo sāmavedo hyatharvaṇaḥ ॥
aṅgaiśca sahitāḥ sarve kalaśāmbu samāśritāḥ ॥
gaṅge ca yamune caiva godāvarī sarasvatī ।
narmade sindhu kāverī jale’smin sannidhiṃ kuru ॥
kāverī tuṅgabhadrā ca kṛṣṇaveṇī ca gautamī ।
bhāgīrathīti vikhyātāḥ pañcagaṅgāḥ prakīrtitāḥ ॥
āyāntu devapūjārthaṃ mama duritakṣayakārakāḥ ।
kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ॥

śaṅkhapūjā

śaṅkhaṃ candrārka daivataṃ madhye varuṇa devatām ।
pṛṣṭhe prajāpatiṃ vindyādagre gaṅgā sarasvatīm ॥
trailokye yāni tīrthāni vāsudevasya ājñayā ।
śaṅkhe tiṣṭhantu viprendrāḥ tasmāt śaṅkhaṃ prapūjayet ॥
oṃ śaṅkhāya namaḥ ।
oṃ dhavalāya namaḥ ।
oṃ pāñcajanyāya namaḥ ।
oṃ śaṅkhadevatābhyo namaḥ ।
sakalapūjārthe akṣatān samarpayāmi ॥

ghaṇṭānādaḥ

āgamārthaṃ tu devānāṃ gamanārthaṃ tu rākṣasām ।
ghaṇṭāravaṃ karomyādau devatāhvāna lāñchanam ॥
oṃ ghaṇṭādevatābhyo namaḥ ।
sakalopacāra pūjārthe akṣatān samarpayāmi ॥

śrī mahāgaṇapati pūjā

o-ṅgaṇānā-ntvā gaṇapatigṃ havāmahe kavi-ṅkavīnāṃ upamaśravastavam ।
jyeṣṭharāja-mbrahmaṇā-mbrahmaṇaspata ā naḥ śṛṇvannūtibhissīda sādanam ॥
sumukhaścaikadantaśca kapilo gajakarṇakaḥ ।
lambodaraśca vikaṭo vighnarājo gaṇādhipaḥ ॥
dhūmaketurgaṇādhyakṣaḥ phālacandro gajānanaḥ ।
vakratuṇḍaḥ śūrpakarṇo herambaḥ skandapūrvajaḥ ॥
oṃ śrīmahāgaṇapataye namaḥ ।
dhyāyāmi । āvāhayāmi । āsanaṃ samarpayāmi ।
pādyaṃ samarpayāmi । arghyaṃ samarpayāmi । ācamanīyaṃ samarpayāmi ।
snānaṃ samarpayāmi । vastraṃ samarpayāmi । yajñopavītaṃ samarpayāmi ।
gandhaṃ samarpayāmi । puṣpāṇi samarpayāmi ।
dhūpamāghrāpayāmi । dīpaṃ darśayāmi ।
naivedyaṃ samarpayāmi । tāmbūlaṃ samarpayāmi ।
nīrājanaṃ samarpayāmi । mantrapuṣpaṃ samarpayāmi ।
pradakṣiṇa namaskārān samarpayāmi ॥

ṣoḍaśopacāra pūjā

viṣṇu dhyānam

śāntākāraṃ bhujagaśayanaṃ padmanābhaṃ sureśaṃ
viśvākāraṃ gaganasadṛśaṃ meghavarṇaṃ śubhāṅgam ।
lakṣmīkāntaṃ kamalanayanaṃ yogihṛddhyānagamyaṃ
vande viṣṇuṃ bhavabhayaharaṃ sarvalokaikanātham ॥
o-nnārāyaṇāya vidmahe vāsudevāya dhīmahi ।
tanno viṣṇuḥ pracodayāt ॥
oṃ namo nārāyaṇāya ।
dhyāyāmi । dhyānaṃ samarpayāmi ॥

āvāhanam

sahasraśīrṣā puruṣaḥ । sahasrākṣa-ssahasrapāt ।
sa bhūmiṃ-vim̐śvato vṛtvā । atyatiṣṭhaddaśāṅgulam ॥
āvāhayāmi sarveśa śrīnivāsa ramāpate ।
kṛpayā dehi sānnidhyaṃ śaraṇāgatavatsala ॥
oṃ namo nārāyaṇāya ।
āvāhayāmi । sthāpayāmi । pūjayāmi ॥

āsanam

devadeva jagannātha praṇatakleśanāśaka ।
ratnasiṃhāsanaṃ divyaṃ gṛhāṇa madhusūdana ॥
oṃ namo nārāyaṇāya ।
āsanaṃ samarpayāmi ॥

pādyam

vāñchitaṃ kuru me deva duṣkṛtaṃ ca vināśaya ।
pādyaṃ gṛhāṇa bhagavan bhaktacittasthirāsana ॥
oṃ namo nārāyaṇāya ।
pādayoḥ pādyaṃ samarpayāmi ॥

arghyam

kuruṣva me dayāṃ deva saṃsārārtibhayāpaha ।
kusumākṣata saṃyuktaṃ gṛhāṇārghyaṃ namo’stu te ॥
oṃ namo nārāyaṇāya ।
hastayoḥ arghyaṃ samarpayāmi ॥

ācamanīyam

namaḥ satyāya śuddhāya nityāya jñānarūpiṇe ।
gṛhāṇācamanaṃ deva sarvalokaikanāyaka ॥
oṃ namo nārāyaṇāya ।
mukhe ācamanīyaṃ samarpayāmi ॥

snānam

āpo hiṣṭhā mayobhuvastā na ūrje dadhātana ।
mahe raṇāya cakṣase ॥
yo vaḥ śivatamo rasastasya bhājayateha naḥ ।
uśatīriva mātaraḥ ॥
tasmā ara-ṅgamāma vo yasya kṣayāya jinvatha ।
āpo janayathā ca naḥ ॥
oṃ namo nārāyaṇāya ।
śuddhodaka snānaṃ samarpayāmi ॥
snānānantaraṃ ācamanīyaṃ samarpayāmi ॥

vastram

vastrayugmaṃ ca divyaṃ ca śobhanaṃ prīti vardhanam ।
oṃ namo nārāyaṇāya ।
vastraṃ samarpayāmi ॥

yajñopavītam

yajñopavītaṃ paramaṃ pavitraṃ prajāpateryatsahajaṃ purastāt ।
āyuṣyamagryaṃ pratimuñca śubhraṃ yajñopavītaṃ balamastu tejaḥ ॥
oṃ namo nārāyaṇāya ।
yajñopavītaṃ samarpayāmi ॥

gandham

śrīkhaṇḍaṃ candanaṃ divyaṃ gandhāḍhyaṃ sumanoharam ।
vilepanaṃ suraśreṣṭha prītyarthaṃ pratigṛhyatām ॥
oṃ namo nārāyaṇāya ।
gandhaṃ samarpayāmi ॥

arcana

akṣatān dhavalān divyān puṣpāṇi ca sugandhīni ।
bhaktyā dattāni gṛhyantāṃ sarvadevāḥ prasīdata ॥

aṅga pūjā

oṃ viṣṇave namaḥ - pādau pūjayāmi ।
oṃ nārāyaṇāya namaḥ - gulphau pūjayāmi ।
oṃ mādhavāya namaḥ - jānunī pūjayāmi ।
oṃ govindāya namaḥ - ūrū pūjayāmi ।
oṃ madhusūdanāya namaḥ - kaṭiṃ pūjayāmi ।
oṃ trivikramāya namaḥ - udaraṃ pūjayāmi ।
oṃ vāmanāya namaḥ - hṛdayaṃ pūjayāmi ।
oṃ śrīdharāya namaḥ - kaṇṭhaṃ pūjayāmi ।
oṃ hṛṣīkeśāya namaḥ - skandhau pūjayāmi ।
oṃ padmanābhāya namaḥ - bāhū pūjayāmi ।
oṃ dāmodarāya namaḥ - hastau pūjayāmi ।
oṃ puruṣottamāya namaḥ - mukhaṃ pūjayāmi ।
oṃ acyutāya namaḥ - netre pūjayāmi ।
oṃ janārdanāya namaḥ - śiraḥ pūjayāmi ।
oṃ śrīkṛṣṇāya namaḥ - sarvāṇyaṅgāni pūjayāmi ॥
viṣṇoḥ katicit paricitanāmāni paṭhet । pratyekanāmne puṣpam akṣatān vā samarpayet ।

śrī viṣṇu aṣṭottara śata nāmāvalī

athavā viṣṇu nāmāvalī paṭhanam ॥
oṃ namo nārāyaṇāya ।
aṣṭottara śata nāmāvalī pūjāṃ samarpayāmi ।
akṣatān puṣpāṇi ca samarpayāmi ॥

dhūpam

vanaspatyudbhavairdivyaiḥ nānāgandhaiḥ susaṃyutaḥ ।
āghreyaḥ sarvadevānāṃ dhūpo’yaṃ pratigṛhyatām ॥
oṃ namo nārāyaṇāya ।
dhūpamāghrāpayāmi ॥

dīpam

sājyaṃ trivarti saṃyuktaṃ vahninā yojitaṃ priyam ।
gṛhāṇa maṅgalaṃ dīpaṃ trailokya timirāpaham ॥
oṃ namo nārāyaṇāya ।
dīpaṃ darśayāmi ॥

naivedyam

naivedyaṃ gṛhyatāṃ deva bhaktyā sampāditaṃ mayā ।
idaṃ phalaṃ ca pānīyaṃ sarvopacāra saṃyutam ॥
o-mbhūrbhuvassuvaḥ । tatsaviturvareṇya-mbhargo devasya dhīmahi ।
dhiyo yo naḥ pracodayāt ॥
satyaṃ tvā ṛtena pariṣiñcāmi ।
amṛtamastu । amṛtopastaraṇamasi ।
oṃ prāṇāya svāhā । oṃ apānāya svāhā । oṃ vyānāya svāhā ।
oṃ udānāya svāhā । oṃ samānāya svāhā ।
madhye madhye pānīyaṃ samarpayāmi ।
amṛtāpidhānamasi ।
uttarāpośanaṃ samarpayāmi ।
hastau prakṣālayāmi । pādau prakṣālayāmi ।
śuddhācamanīyaṃ samarpayāmi ॥
oṃ namo nārāyaṇāya ।
naivedyaṃ samarpayāmi ॥

tāmbūlam

pūgīphalaśca karpūraiḥ nāgavallīdalairyutam ।
muktācūrṇa saṃyuktaṃ tāmbūlaṃ pratigṛhyatām ॥
oṃ namo nārāyaṇāya ।
tāmbūlaṃ samarpayāmi ॥

nīrājanam

vedāhameta-mpuruṣa-mmahāntam । ādityavarṇa-ntamasastu pāre ।
sarvāṇi rūpāṇi vicitya dhīraḥ । nāmāni kṛtvā-’bhivadan, yadā-’’ste ॥
śriyaḥ kāntāya kalyāṇa nidhaye nidhayerthinām ।
śrīnivāsāya devāya nīrājanaṃ samarpaye ॥
oṃ namo nārāyaṇāya ।
nīrājanaṃ samarpayāmi ॥

mantrapuṣpam

tadviṣṇoḥ parama-mpadagṃ sadā paśyanti sūrayaḥ ।
divīva cakṣurātatam ।
tadviprāso vipanyavo jāgṛvāgṃ sassamiṃdhate ।
viṣṇoryatparama-mpadam ॥
oṃ namo nārāyaṇāya ।
mantrapuṣpaṃ samarpayāmi ॥

pradakṣiṇam

yāni kāni ca pāpāni janmāntara kṛtāni ca ।
tāni tāni praṇaśyanti pradakṣiṇa pade pade ॥
oṃ namo nārāyaṇāya ।
pradakṣiṇa namaskārān samarpayāmi ॥

namaskāraḥ

urasā śirasā dṛṣṭyā manasā vacasā tathā ।
padbhyāṃ karābhyāṃ karṇābhyāṃ praṇāmo’ṣṭāṅga ucyate ॥
oṃ namo nārāyaṇāya ।
namaskārān samarpayāmi ॥

sarvopacārāḥ

oṃ namo nārāyaṇāya ।
chatraṃ samarpayāmi ।
cāmaraṃ samarpayāmi ।
gītaṃ śrāvayāmi ।
nṛtyaṃ darśayāmi ।
samasta rājopacārān devopacārān samarpayāmi ॥

stotra/sūkta paṭhanam

puruṣa sūktam
nārāyaṇa sūktam

śrī viṣṇu sahasra nāma stotram

kṣamāprārthanā

mantrahīnaṃ kriyāhīnaṃ bhaktihīnaṃ janārdana ।
yatpūjitaṃ mayā deva paripūrṇaṃ tadastu te ॥
kāyena vācā manasendriyairvā
buddhyātmanā vā prakṛteḥ svabhāvāt ।
karomi yadyat sakalaṃ parasmai
nārāyaṇāyeti samarpayāmi ॥
anayā dhyāna-āvāhanādi-ṣoḍaśopacāra pūjayā śrīmannārāyaṇaḥ suprītaḥ suprasannaḥ varado bhavatu ॥

udvāsanam

oṃ namo nārāyaṇāya ।
yathāsthānaṃ udvāsayāmi ।
śobhanārthe kṣemāya punarāgamanāya ca ॥

prasāda grahaṇam

akālamṛtyuharaṇaṃ sarvavyādhinivāraṇam ।
samastapāpakṣayakaraṃ devatā pādodakaṃ śubham ॥
śrīmannārāyaṇa prasādaṃ śirasā gṛhṇāmi ॥
oṃ śāntiḥ śāntiḥ śāntiḥ ॥

oṃ tatsat brahmārpaṇamastu ॥

OHTCC Assistant ✕
🙏 Namaste! How can I help you today?