ஸ்ரீமத் பகவத் கீதை அத்தியாயம் 17
ஶ்ரத்³தா⁴த்ரயவிபா⁴க³யோக³ஃ
அர்ஜுந உவாச
யே ஶாஸ்த்ரவிதி⁴முத்ஸ்ருஜ்ய யஜந்தே ஶ்ரத்³த⁴யாந்விதாஃ ।
தேஷாம் நிஷ்டா² து கா க்ருஷ்ண ஸத்த்வமாஹோ ரஜஸ்தமஃ ॥ 1 ॥
ஶ்ரீப⁴க³வாநுவாச
த்ரிவிதா⁴ ப⁴வதி ஶ்ரத்³தா⁴ தே³ஹிநாம் ஸா ஸ்வபா⁴வஜா ।
ஸாத்த்விகீ ராஜஸீ சைவ தாமஸீ சேதி தாம் ஶ்ருணு ॥ 2 ॥
ஸத்த்வாநுரூபா ஸர்வஸ்ய ஶ்ரத்³தா⁴ ப⁴வதி பா⁴ரத ।
ஶ்ரத்³தா⁴மயோ’யம் புருஷோ யோ யச்ச்²ரத்³த⁴ஃ ஸ ஏவ ஸஃ ॥ 3 ॥
யஜந்தே ஸாத்த்விகா தே³வாந்யக்ஷரக்ஷாம்ஸி ராஜஸாஃ ।
ப்ரேதாந்பூ⁴தக³ணாம்ஶ்சாந்யே யஜந்தே தாமஸா ஜநாஃ ॥ 4 ॥
அஶாஸ்த்ரவிஹிதம் கோ⁴ரம் தப்யந்தே யே தபோ ஜநாஃ ।
த³ம்பா⁴ஹங்காரஸம்யுக்தாஃ காமராக³ப³லாந்விதாஃ ॥ 5 ॥
கர்ஷயந்தஃ ஶரீரஸ்த²ம் பூ⁴தக்³ராமமசேதஸஃ ।
மாம் சைவாந்தஃஶரீரஸ்த²ம் தாந்வித்³த்⁴யாஸுரநிஶ்சயாந் ॥ 6 ॥
ஆஹாரஸ்த்வபி ஸர்வஸ்ய த்ரிவிதோ⁴ ப⁴வதி ப்ரியஃ ।
யஜ்ஞஸ்தபஸ்ததா² தா³நம் தேஷாம் பே⁴த³மிமம் ஶ்ருணு ॥ 7 ॥
ஆயுஃஸத்த்வப³லாரோக்³யஸுக²ப்ரீதிவிவர்த⁴நாஃ ।
ரஸ்யாஃ ஸ்நிக்³தா⁴ஃ ஸ்தி²ரா ஹ்ருத்³யா ஆஹாராஃ ஸாத்த்விகப்ரியாஃ ॥ 8 ॥
கட்வம்லலவணாத்யுஷ்ணதீக்ஷ்ணரூக்ஷவிதா³ஹிநஃ ।
ஆஹாரா ராஜஸஸ்யேஷ்டா து³ஃக²ஶோகாமயப்ரதா³ஃ ॥ 9 ॥
யாதயாமம் க³தரஸம் பூதி பர்யுஷிதம் ச யத் ।
உச்சி²ஷ்டமபி சாமேத்⁴யம் போ⁴ஜநம் தாமஸப்ரியம் ॥ 10 ॥
அப²லாகாங்க்ஷிபி⁴ர்யஜ்ஞோ விதி⁴த்³ருஷ்டோ ய இஜ்யதே ।
யஷ்டவ்யமேவேதி மநஃ ஸமாதா⁴ய ஸ ஸாத்த்விகஃ ॥ 11 ॥
அபி⁴ஸந்தா⁴ய து ப²லம் த³ம்பா⁴ர்த²மபி சைவ யத் ।
இஜ்யதே ப⁴ரதஶ்ரேஷ்ட² தம் யஜ்ஞம் வித்³தி⁴ ராஜஸம் ॥ 12 ॥
விதி⁴ஹீநமஸ்ருஷ்டாந்நம் மந்த்ரஹீநமத³க்ஷிணம் ।
ஶ்ரத்³தா⁴விரஹிதம் யஜ்ஞம் தாமஸம் பரிசக்ஷதே ॥ 13 ॥
தே³வத்³விஜகு³ருப்ராஜ்ஞபூஜநம் ஶௌசமார்ஜவம் ।
ப்³ரஹ்மசர்யமஹிம்ஸா ச ஶாரீரம் தப உச்யதே ॥ 14 ॥
அநுத்³வேக³கரம் வாக்யம் ஸத்யம் ப்ரியஹிதம் ச யத் ।
ஸ்வாத்⁴யாயாப்⁴யஸநம் சைவ வாங்மயம் தப உச்யதே ॥ 15 ॥
மநஃ ப்ரஸாத³ஃ ஸௌம்யத்வம் மௌநமாத்மவிநிக்³ரஹஃ ।
பா⁴வஸம்ஶுத்³தி⁴ரித்யேதத்தபோ மாநஸமுச்யதே ॥ 16 ॥
ஶ்ரத்³த⁴யா பரயா தப்தம் தபஸ்தத்த்ரிவித⁴ம் நரைஃ ।
அப²லாகாங்க்ஷிபி⁴ர்யுக்தைஃ ஸாத்த்விகம் பரிசக்ஷதே ॥ 17 ॥
ஸத்காரமாநபூஜார்த²ம் தபோ த³ம்பே⁴ந சைவ யத் ।
க்ரியதே ததி³ஹ ப்ரோக்தம் ராஜஸம் சலமத்⁴ருவம் ॥ 18 ॥
மூட⁴க்³ராஹேணாத்மநோ யத்பீட³யா க்ரியதே தபஃ ।
பரஸ்யோத்ஸாத³நார்த²ம் வா தத்தாமஸமுதா³ஹ்ருதம் ॥ 19 ॥
தா³தவ்யமிதி யத்³தா³நம் தீ³யதே’நுபகாரிணே ।
தே³ஶே காலே ச பாத்ரே ச தத்³தா³நம் ஸாத்த்விகம் ஸ்ம்ருதம் ॥ 20 ॥
யத்து ப்ரத்யுபகாரார்த²ம் ப²லமுத்³தி³ஶ்ய வா புநஃ ।
தீ³யதே ச பரிக்லிஷ்டம் தத்³தா³நம் ராஜஸம் ஸ்ம்ருதம் ॥ 21 ॥
அதே³ஶகாலே யத்³தா³நமபாத்ரேப்⁴யஶ்ச தீ³யதே ।
அஸத்க்ருதமவஜ்ஞாதம் தத்தாமஸமுதா³ஹ்ருதம் ॥ 22 ॥
ஓம் தத்ஸதி³தி நிர்தே³ஶோ ப்³ரஹ்மணஸ்த்ரிவித⁴ஃ ஸ்ம்ருதஃ ।
ப்³ராஹ்மணாஸ்தேந வேதா³ஶ்ச யஜ்ஞாஶ்ச விஹிதாஃ புரா ॥ 23 ॥
தஸ்மாதோ³மித்யுதா³ஹ்ருத்ய யஜ்ஞதா³நதபஃக்ரியாஃ ।
ப்ரவர்தந்தே விதா⁴நோக்தாஃ ஸததம் ப்³ரஹ்மவாதி³நாம் ॥ 24 ॥
ததி³த்யநபி⁴ஸந்தா⁴ய ப²லம் யஜ்ஞதபஃக்ரியாஃ ।
தா³நக்ரியாஶ்ச விவிதா⁴ஃ க்ரியந்தே மோக்ஷகாங்க்ஷிபி⁴ஃ ॥ 25 ॥
ஸத்³பா⁴வே ஸாது⁴பா⁴வே ச ஸதி³த்யேதத்ப்ரயுஜ்யதே ।
ப்ரஶஸ்தே கர்மணி ததா² ஸச்ச²ப்³த³ஃ பார்த² யுஜ்யதே ॥ 26 ॥
யஜ்ஞே தபஸி தா³நே ச ஸ்தி²திஃ ஸதி³தி சோச்யதே ।
கர்ம சைவ தத³ர்தீ²யம் ஸதி³த்யேவாபி⁴தீ⁴யதே ॥ 27 ॥
அஶ்ரத்³த⁴யா ஹுதம் த³த்தம் தபஸ்தப்தம் க்ருதம் ச யத் ।
அஸதி³த்யுச்யதே பார்த² ந ச தத்ப்ரேத்ய நோ இஹ ॥ 28 ॥