ஹநுமத³ஷ்டகம்
ஶ்ரீரகு⁴ராஜபதா³ப்³ஜநிகேதந பம்கஜலோசந மம்க³லராஶே
சம்ட³மஹாபு⁴ஜத³ம்ட³ ஸுராரிவிக²ம்ட³நபம்டி³த பாஹி த³யாலோ ।
பாதகிநம் ச ஸமுத்³த⁴ர மாம் மஹதாம் ஹி ஸதாமபி மாநமுதா³ரம்
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 1 ॥
ஸம்ஸ்ருதிதாபமஹாநலத³க்³த⁴தநூருஹமர்மதநோரதிவேலம்
புத்ரத⁴நஸ்வஜநாத்மக்³ருஹாதி³ஷு ஸக்தமதேரதிகில்பி³ஷமூர்தேஃ ।
கேநசித³ப்யமலேந புராக்ருதபுண்யஸுபும்ஜலவேந விபோ⁴ வை
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 2 ॥
ஸம்ஸ்ருதிகூபமநல்பமகோ⁴ரநிதா³க⁴நிதா³நமஜஸ்ரமஶேஷம்
ப்ராப்ய ஸுது³ஃக²ஸஹஸ்ரபு⁴ஜம்க³விஷைகஸமாகுலஸர்வதநோர்மே ।
கோ⁴ரமஹாக்ருபணாபத³மேவ க³தஸ்ய ஹரே பதிதஸ்ய ப⁴வாப்³தௌ⁴
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 3 ॥
ஸம்ஸ்ருதிஸிம்து⁴விஶாலகராலமஹாப³லகாலஜ²ஷக்³ரஸநார்தம்
வ்யக்³ரஸமக்³ரதி⁴யம் க்ருபணம் ச மஹாமத³நக்ரஸுசக்ரஹ்ருதாஸும் ।
காலமஹாரஸநோர்மிநிபீடி³தமுத்³த⁴ர தீ³நமநந்யக³திம் மாம்
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 4 ॥
ஸம்ஸ்ருதிகோ⁴ரமஹாக³ஹநே சரதோ மணிரம்ஜிதபுண்யஸுமூர்தேஃ
மந்மத²பீ⁴கரகோ⁴ரமஹோக்³ரம்ருக³ப்ரவரார்தி³தகா³த்ரஸுஸம்தே⁴ஃ ।
மத்ஸரதாபவிஶேஷநிபீடி³தபா³ஹ்யமதேஶ்ச கத²ம் சித³மேயம்
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 5 ॥
ஸம்ஸ்ருதிவ்ருக்ஷமநேகஶதாக⁴நிதா³நமநம்தவிகர்மஸுஶாக²ம்
து³ஃக²ப²லம் கரணாதி³பலாஶமநம்க³ஸுபுஷ்பமசிம்த்யஸுமூலம் ।
தம் ஹ்யதி⁴ருஹ்ய ஹரே பதிதம் ஶரணாக³தமேவ விமோசய மூட⁴ம்
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 6 ॥
ஸம்ஸ்ருதிபந்நக³வக்த்ரப⁴யம்கரத³ம்ஷ்ட்ரமஹாவிஷத³க்³த⁴ஶரீரம்
ப்ராணவிநிர்க³மபீ⁴திஸமாகுலமம்த³மநாத²மதீவ விஷண்ணம் ।
மோஹமஹாகுஹரே பதிதம் த³யயோத்³த⁴ர மாமஜிதேம்த்³ரியகாமம்
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 7 ॥
இம்த்³ரியநாமகசோரக³ணைர்ஹ்ருததத்த்வவிவேகமஹாத⁴நராஶிம்
ஸம்ஸ்ருதிஜாலநிபாதிதமேவ மஹாப³லிபி⁴ஶ்ச விக²ம்டி³தகாயம் ।
த்வத்பத³பத்³மமநுத்தமமாஶ்ரிதமாஶு கபீஶ்வர பாஹி க்ருபாலோ
த்வாம் ப⁴ஜதோ மம தே³ஹி த³யாக⁴ந ஹே ஹநுமந் ஸ்வபதா³ம்பு³ஜதா³ஸ்யம் ॥ 8 ॥
ப்³ரஹ்மமருத்³க³ணருத்³ரமஹேம்த்³ரகிரீடஸுகோடிலஸத்பத³பீட²ம்
தா³ஶரதி²ம் ஜபதி க்ஷிதிமம்ட³ல ஏஷ நிதா⁴ய ஸதை³வ ஹ்ருத³ப்³ஜே ।
தஸ்ய ஹநூமத ஏவ ஶிவம்கரமஷ்டகமேதத³நிஷ்டஹரம் வை
யஃ ஸததம் ஹி படே²த்ஸ நரோ லப⁴தே’ச்யுதராமபதா³ப்³ஜநிவாஸம் ॥ 9 ॥
இதி ஶ்ரீ மது⁴ஸூத³நாஶ்ரம ஶிஷ்யா’ச்யுதவிரசிதம் ஶ்ரீமத்³த³நுமத³ஷ்டகம் ।