Home › Pooja Library › Durga Nitya Puja Vidhanam — ಕನ್ನಡ

ದುರ್ಗಾ ನಿತ್ಯ ಪೂಜಾ ವಿಧಾನಂ

ಆವಶ್ಯಕಾನಿ ವಸ್ತೂನಿ

  • ಆಸನಂ
  • ದೀಪಃ
  • ಗನ್ಧಃ
  • ಕುಙ್ಕುಮಂ
  • ಅಕ್ಷತಾಃ
  • ಪುಷ್ಪಾಣಿ
  • ಧೂಪಃ
  • ನೈವೇದ್ಯಂ
  • ತಾಮ್ಬೂಲಂ
  • ಆಚಮನೀಯಂ
  • ಪೂಜಾ ಪಾತ್ರಂ
  • ಕಲಶಃ
  • ಶಙ್ಖಃ (ಐಚ್ಛಿಕಃ)
  • ದುರ್ಗಾ ದೇವೀ ಪ್ರತಿಮಾ ವಾ ಚಿತ್ರಪಟಃ ವಾ

ಪೂರ್ವಾಙ್ಗ ಪೂಜಾ

ಶ್ರೀಮಹಾಗಣಾಧಿಪತಯೇ ನಮಃ ।
ಶ್ರೀ ಗುರುಭ್ಯೋ ನಮಃ ।
ಹರಿಃ ಓಮ್ ।

ಶುಚಿಃ

ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರಃ ಶುಚಿಃ ॥
ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷಾಯ ನಮಃ ॥

ಪ್ರಾರ್ಥನಾ

ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾನ್ತಯೇ ॥
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಂ ಏಕದನ್ತಮುಪಾಸ್ಮಹೇ ॥
ತದೇವ ಲಗ್ನಂ ಸುದಿನಂ ತದೇವ
ತಾರಾಬಲಂ ಚನ್ದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ
ಲಕ್ಷ್ಮೀಪತೇ ತೇಽಙ್ಘ್ರಿಯುಗಂ ಸ್ಮರಾಮಿ ॥
ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥
ಸರ್ವಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಉಮಾಮಹೇಶ್ವರಾಭ್ಯಾಂ ನಮಃ ।
ವಾಣೀಹಿರಣ್ಯಗರ್ಭಾಭ್ಯಾಂ ನಮಃ ।
ಶಚೀಪುರನ್ದರಾಭ್ಯಾಂ ನಮಃ ।
ಅರುನ್ಧತೀವಸಿಷ್ಠಾಭ್ಯಾಂ ನಮಃ ।
ಶ್ರೀಸೀತಾರಾಮಾಭ್ಯಾಂ ನಮಃ ।
ಮಾತಾಪಿತೃಭ್ಯೋ ನಮಃ ।
ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।

ಆಚಮನಂ

ಓಂ ಕೇಶವಾಯ ಸ್ವಾಹಾ ।
ಓಂ ನಾರಾಯಣಾಯ ಸ್ವಾಹಾ ।
ಓಂ ಮಾಧವಾಯ ಸ್ವಾಹಾ ।
ಓಂ ಗೋವಿನ್ದಾಯ ನಮಃ ।
ಓಂ ವಿಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ ।
ಓಂ ತ್ರಿವಿಕ್ರಮಾಯ ನಮಃ ।
ಓಂ ವಾಮನಾಯ ನಮಃ ।
ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ ।
ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ।
ಓಂ ಸಙ್ಕರ್ಷಣಾಯ ನಮಃ ।
ಓಂ ವಾಸುದೇವಾಯ ನಮಃ ।
ಓಂ ಪ್ರದ್ಯುಮ್ನಾಯ ನಮಃ ।
ಓಂ ಅನಿರುದ್ಧಾಯ ನಮಃ ।
ಓಂ ಪುರುಷೋತ್ತಮಾಯ ನಮಃ ।
ಓಂ ಅಧೋಕ್ಷಜಾಯ ನಮಃ ।
ಓಂ ನಾರಸಿಂಹಾಯ ನಮಃ ।
ಓಂ ಅಚ್ಯುತಾಯ ನಮಃ ।
ಓಂ ಜನಾರ್ದನಾಯ ನಮಃ ।
ಓಂ ಉಪೇನ್ದ್ರಾಯ ನಮಃ ।
ಓಂ ಹರಯೇ ನಮಃ ।
ಓಂ ಶ್ರೀಕೃಷ್ಣಾಯ ನಮಃ ।

ದೀಪಾರಾಧನಮ್

ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ ।
ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥
ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ ।
ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥
ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥

ಭೂತೋಚ್ಚಾಟನಮ್

ಉತ್ತಿಷ್ಠನ್ತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ ।
ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥
ಅಪಸರ್ಪನ್ತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ ।
ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛನ್ತು ಶಿವಾಽಜ್ಞಯಾ ॥

ಪ್ರಾಣಾಯಾಮಃ

ಓ-ಮ್ಭೂಃ । ಓ-ಮ್ಭುವಃ । ಓಗ್ಂ ಸುವಃ । ಓ-ಮ್ಮಹಃ । ಓ-ಞ್ಜನಃ । ಓ-ನ್ತಪಃ । ಓಗ್ಂ ಸತ್ಯಮ್ ।
ಓ-ನ್ತತ್ಸವಿತುರ್ವರೇಣ್ಯ-ಮ್ಭರ್ಗೋ ದೇವಸ್ಯ ಧೀಮಹಿ ।
ಧಿಯೋ ಯೋ ನಃ ಪ್ರಚೋದಯಾತ್ ॥
ಓಮಾಪೋ ಜ್ಯೋತೀ ರಸೋ-ಽಮೃತ-ಮ್ಬ್ರಹ್ಮ ಭೂರ್ಭುವಸ್ಸುವರೋಮ್ ॥

ಸಙ್ಕಲ್ಪಃ

ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರ ಪ್ರೀತ್ಯರ್ಥಂ, ಮಮ/ಅಸ್ಮಾಕಂ ಸಹಕುಟುಮ್ಬಸ್ಯ ಕ್ಷೇಮ-ಸ್ಥೈರ್ಯ-ಧೈರ್ಯ-ವೀರ್ಯ-ವಿಜಯ-ಅಭಯ-ಆಯುಃ-ಆರೋಗ್ಯ-ಐಶ್ವರ್ಯ-ಅಭಿವೃದ್ಧ್ಯರ್ಥಂ, ಧರ್ಮಾರ್ಥ-ಕಾಮ-ಮೋಕ್ಷ-ಚತುರ್ವಿಧ-ಪುರುಷಾರ್ಥ-ಫಲ-ಸಿದ್ಧ್ಯರ್ಥಂ, ಸರ್ವಾಭೀಷ್ಟ-ಸಿದ್ಧ್ಯರ್ಥಂ, ಶ್ರೀದುರ್ಗಾ ದೇವೀ-ಪ್ರೀತ್ಯರ್ಥಂ, ಯಾವಚ್ಛಕ್ತಿ ಧ್ಯಾನ-ಆವಾಹನಾದಿ-ಷೋಡಶೋಪಚಾರ-ಪೂಜಾಂ ಕರಿಷ್ಯೇ ॥
ತದಙ್ಗ ಕಲಶಾರಾಧನಂ ಕರಿಷ್ಯೇ ॥

ಕಲಶಾರಾಧನಮ್

ಕಲಶೇ ಗನ್ಧ ಪುಷ್ಪಾಕ್ಷತೈರಭ್ಯರ್ಚ್ಯ ।
ಕಲಶೇ ಉದಕಂ ಪೂರಯಿತ್ವಾ ।
ಕಲಶಸ್ಯೋಪರಿ ಹಸ್ತಂ ನಿಧಾಯ ।
ಕಲಶಸ್ಯ ಮುಖೇ ವಿಷ್ಣುಃ ಕಣ್ಠೇ ರುದ್ರಃ ಸಮಾಶ್ರಿತಃ ।
ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾಃ ॥
ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುನ್ಧರಾ ।
ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥
ಅಙ್ಗೈಶ್ಚ ಸಹಿತಾಃ ಸರ್ವೇ ಕಲಶಾಮ್ಬು ಸಮಾಶ್ರಿತಾಃ ॥
ಗಙ್ಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ನರ್ಮದೇ ಸಿನ್ಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥
ಕಾವೇರೀ ತುಙ್ಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ ।
ಭಾಗೀರಥೀತಿ ವಿಖ್ಯಾತಾಃ ಪಞ್ಚಗಙ್ಗಾಃ ಪ್ರಕೀರ್ತಿತಾಃ ॥
ಆಯಾನ್ತು ದೇವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಕಲಶೋದಕೇನ ಪೂಜಾ ದ್ರವ್ಯಾಣಿ ಸಮ್ಪ್ರೋಕ್ಷ್ಯ, ದೇವಂ ಸಮ್ಪ್ರೋಕ್ಷ್ಯ, ಆತ್ಮಾನಂ ಚ ಸಮ್ಪ್ರೋಕ್ಷ್ಯ ॥

ಶಙ್ಖಪೂಜಾ

ಶಙ್ಖಂ ಚನ್ದ್ರಾರ್ಕ ದೈವತಂ ಮಧ್ಯೇ ವರುಣ ದೇವತಾಮ್ ।
ಪೃಷ್ಠೇ ಪ್ರಜಾಪತಿಂ ವಿನ್ದ್ಯಾದಗ್ರೇ ಗಙ್ಗಾ ಸರಸ್ವತೀಮ್ ॥
ತ್ರೈಲೋಕ್ಯೇ ಯಾನಿ ತೀರ್ಥಾನಿ ವಾಸುದೇವಸ್ಯ ಆಜ್ಞಯಾ ।
ಶಙ್ಖೇ ತಿಷ್ಠನ್ತು ವಿಪ್ರೇನ್ದ್ರಾಃ ತಸ್ಮಾತ್ ಶಙ್ಖಂ ಪ್ರಪೂಜಯೇತ್ ॥
ಓಂ ಶಙ್ಖಾಯ ನಮಃ ।
ಓಂ ಧವಲಾಯ ನಮಃ ।
ಓಂ ಪಾಞ್ಚಜನ್ಯಾಯ ನಮಃ ।
ಓಂ ಶಙ್ಖದೇವತಾಭ್ಯೋ ನಮಃ ।
ಸಕಲಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥

ಘಣ್ಟಾನಾದಃ

ಆಗಮಾರ್ಥಂ ತು ದೇವಾನಾಂ ಗಮನಾರ್ಥಂ ತು ರಾಕ್ಷಸಾಮ್ ।
ಘಣ್ಟಾರವಂ ಕರೋಮ್ಯಾದೌ ದೇವತಾಹ್ವಾನ ಲಾಞ್ಛನಮ್ ॥
ಓಂ ಘಣ್ಟಾದೇವತಾಭ್ಯೋ ನಮಃ ।
ಸಕಲೋಪಚಾರ ಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥

ಶ್ರೀ ಮಹಾಗಣಪತಿ ಪೂಜಾ

ಓ-ಙ್ಗಣಾನಾ-ನ್ತ್ವಾ ಗಣಪತಿಗ್ಂ ಹವಾಮಹೇ ಕವಿ-ಙ್ಕವೀನಾಂ ಉಪಮಶ್ರವಸ್ತವಮ್ ।
ಜ್ಯೇಷ್ಠರಾಜ-ಮ್ಬ್ರಹ್ಮಣಾ-ಮ್ಬ್ರಹ್ಮಣಸ್ಪತ ಆ ನಃ ಶೃಣ್ವನ್ನೂತಿಭಿಸ್ಸೀದ ಸಾದನಮ್ ॥
ಸುಮುಖಶ್ಚೈಕದನ್ತಶ್ಚ ಕಪಿಲೋ ಗಜಕರ್ಣಕಃ ।
ಲಮ್ಬೋದರಶ್ಚ ವಿಕಟೋ ವಿಘ್ನರಾಜೋ ಗಣಾಧಿಪಃ ॥
ಧೂಮಕೇತುರ್ಗಣಾಧ್ಯಕ್ಷಃ ಫಾಲಚನ್ದ್ರೋ ಗಜಾನನಃ ।
ವಕ್ರತುಣ್ಡಃ ಶೂರ್ಪಕರ್ಣೋ ಹೇರಮ್ಬಃ ಸ್ಕನ್ದಪೂರ್ವಜಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಧ್ಯಾಯಾಮಿ । ಆವಾಹಯಾಮಿ । ಆಸನಂ ಸಮರ್ಪಯಾಮಿ ।
ಪಾದ್ಯಂ ಸಮರ್ಪಯಾಮಿ । ಅರ್ಘ್ಯಂ ಸಮರ್ಪಯಾಮಿ । ಆಚಮನೀಯಂ ಸಮರ್ಪಯಾಮಿ ।
ಸ್ನಾನಂ ಸಮರ್ಪಯಾಮಿ । ವಸ್ತ್ರಂ ಸಮರ್ಪಯಾಮಿ । ಯಜ್ಞೋಪವೀತಂ ಸಮರ್ಪಯಾಮಿ ।
ಗನ್ಧಂ ಸಮರ್ಪಯಾಮಿ । ಪುಷ್ಪಾಣಿ ಸಮರ್ಪಯಾಮಿ ।
ಧೂಪಮಾಘ್ರಾಪಯಾಮಿ । ದೀಪಂ ದರ್ಶಯಾಮಿ ।
ನೈವೇದ್ಯಂ ಸಮರ್ಪಯಾಮಿ । ತಾಮ್ಬೂಲಂ ಸಮರ್ಪಯಾಮಿ ।
ನೀರಾಜನಂ ಸಮರ್ಪಯಾಮಿ । ಮನ್ತ್ರಪುಷ್ಪಂ ಸಮರ್ಪಯಾಮಿ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥

ಷೋಡಶೋಪಚಾರ ಪೂಜಾ

ದುರ್ಗಾ ದೇವೀ ಧ್ಯಾನಮ್

ಓಮ್ ॥ ಜಾತವೇದಸೇ ಸುನವಾಮ ಸೋಮ ಮರಾತೀಯತೋ ನಿದಹಾತಿ ವೇದಃ ।
ಸ ನಃ ಪರ್-ಷದತಿ ದುರ್ಗಾಣಿ ವಿಶ್ವಾ ನಾವೇವ ಸಿನ್ಧು-ನ್ದುರಿತಾ-ಽತ್ಯಗ್ನಿಃ ॥
ಓ-ಙ್ಕಾತ್ಯಾಯನಾಯ ವಿದ್ಮಹೇ ಕನ್ಯಕುಮಾರಿ ಧೀಮಹಿ ।
ತನ್ನೋ ದುರ್ಗಿಃ ಪ್ರಚೋದಯಾತ್ ॥
ಸಿಂಹಸ್ಥಾ ಶಶಿಶೇಖರಾ ಮರಕತಪ್ರಖ್ಯೈಶ್ಚತುರ್ಭಿರ್ಭುಜೈಃ ।
ಶಙ್ಖಂ ಚಕ್ರ ಧನುಃ ಶರಾಂಶ್ಚ ದಧತೀ ನೇತ್ರೈಸ್ತ್ರಿಭಿಃ ಶೋಭಿತಾ ॥
ಆಮುಕ್ತಾಙ್ಗದ ಹಾರ ಕಙ್ಕಣರಣತ್ಕಾಞ್ಚೀರಣನ್ನೂಪುರಾ ।
ದುರ್ಗಾ ದುರ್ಗತಿಹಾರಿಣೀ ಭವತು ನೋ ರತ್ನೋಲ್ಲಸತ್ಕುಣ್ಡಲಾ ॥
ಸರ್ವಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥
ಓಂ ಶ್ರೀ ದುರ್ಗಾಯೈ ನಮಃ ।
ಧ್ಯಾಯಾಮಿ । ಧ್ಯಾನಂ ಸಮರ್ಪಯಾಮಿ ॥

ಆವಾಹನಮ್

ಆಗಚ್ಛ ವರದೇ ದೇವಿ ದೈತ್ಯದರ್ಪವಿನಾಶಿನಿ ।
ಪೂಜಾಂ ಗೃಹಾಣ ಸುಮುಖಿ ನಮಸ್ತೇ ಶಙ್ಕರಪ್ರಿಯೇ ॥
ಓಂ ಶ್ರೀ ದುರ್ಗಾಯೈ ನಮಃ ।
ಆವಾಹಯಾಮಿ । ಸ್ಥಾಪಯಾಮಿ । ಪೂಜಯಾಮಿ ॥

ಆಸನಮ್

ಅನೇಕರತ್ನ ಸಂಯುಕ್ತಂ ನಾನಾಮಣಿಗಣಾನ್ವಿತಮ್ ।
ಇದಂ ಹೇಮಮಯಂ ದಿವ್ಯಮಾಸನಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ಆಸನಂ ಸಮರ್ಪಯಾಮಿ ॥

ಪಾದ್ಯಮ್

ಗಙ್ಗಾದಿ ಸರ್ವತೀರ್ಥೇಭ್ಯೋ ನೀತಂ ತೋಯಮುತ್ತಮಮ್ ।
ಪಾದ್ಯಾರ್ಥಂ ತೇ ಪ್ರದಾಸ್ಯಾಮಿ ಗೃಹಾಣ ಪರಮೇಶ್ವರಿ ॥
ಓಂ ಶ್ರೀ ದುರ್ಗಾಯೈ ನಮಃ ।
ಪಾದಯೋಃ ಪಾದ್ಯಂ ಸಮರ್ಪಯಾಮಿ ॥

ಅರ್ಘ್ಯಮ್

ಗನ್ಧ ಪುಷ್ಪಾಕ್ಷತೈರ್ಯುಕ್ತಂ ಅರ್ಘ್ಯಂ ಸಮ್ಪಾದಿತಂ ಮಯಾ ।
ಗೃಹಾಣ ತ್ವಂ ಮಹಾದೇವಿ ಪ್ರಸನ್ನಾ ಭವ ಸರ್ವದಾ ॥
ಓಂ ಶ್ರೀ ದುರ್ಗಾಯೈ ನಮಃ ।
ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ॥

ಆಚಮನೀಯಮ್

ಕರ್ಪೂರೇಣ ಸುಗನ್ಧೇನ ವಾಸಿತಂ ಸ್ವಾದು ಶೀತಲಮ್ ।
ತೋಯಮಾಚಮನೀಯಾರ್ಥಂ ಗೃಹಾಣ ಪರಮೇಶ್ವರಿ ॥
ಓಂ ಶ್ರೀ ದುರ್ಗಾಯೈ ನಮಃ ।
ಮುಖೇ ಆಚಮನೀಯಂ ಸಮರ್ಪಯಾಮಿ ॥

ಸ್ನಾನಮ್

ಆಪೋ ಹಿಷ್ಠಾ ಮಯೋಭುವಸ್ತಾ ನ ಊರ್ಜೇ ದಧಾತನ ।
ಮಹೇ ರಣಾಯ ಚಕ್ಷಸೇ ॥
ಯೋ ವಃ ಶಿವತಮೋ ರಸಸ್ತಸ್ಯ ಭಾಜಯತೇಹ ನಃ ।
ಉಶತೀರಿವ ಮಾತರಃ ॥
ತಸ್ಮಾ ಅರ-ಙ್ಗಮಾಮ ವೋ ಯಸ್ಯ ಕ್ಷಯಾಯ ಜಿನ್ವಥ ।
ಆಪೋ ಜನಯಥಾ ಚ ನಃ ॥
ಓಂ ಶ್ರೀ ದುರ್ಗಾಯೈ ನಮಃ ।
ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ॥
ಸ್ನಾನಾನನ್ತರಂ ಆಚಮನೀಯಂ ಸಮರ್ಪಯಾಮಿ ॥

ವಸ್ತ್ರಮ್

ವಸ್ತ್ರಯುಗ್ಮಂ ಚ ದಿವ್ಯಂ ಚ ಶೋಭನಂ ಪ್ರೀತಿ ವರ್ಧನಮ್ ।
ಓಂ ಶ್ರೀ ದುರ್ಗಾಯೈ ನಮಃ ।
ವಸ್ತ್ರಂ ಸಮರ್ಪಯಾಮಿ ॥

ಯಜ್ಞೋಪವೀತಮ್

ಯಜ್ಞೋಪವೀತಂ ಪರಮಂ ಪವಿತ್ರಂ ಪ್ರಜಾಪತೇರ್ಯತ್ಸಹಜಂ ಪುರಸ್ತಾತ್ ।
ಆಯುಷ್ಯಮಗ್ರ್ಯಂ ಪ್ರತಿಮುಞ್ಚ ಶುಭ್ರಂ ಯಜ್ಞೋಪವೀತಂ ಬಲಮಸ್ತು ತೇಜಃ ॥
ಓಂ ಶ್ರೀ ದುರ್ಗಾಯೈ ನಮಃ ।
ಯಜ್ಞೋಪವೀತಂ ಸಮರ್ಪಯಾಮಿ ॥

ಗನ್ಧಮ್

ಶ್ರೀಖಣ್ಡಂ ಚನ್ದನಂ ದಿವ್ಯಂ ಗನ್ಧಾಢ್ಯಂ ಸುಮನೋಹರಮ್ ।
ವಿಲೇಪನಂ ಸುರಶ್ರೇಷ್ಠೇ ಚನ್ದನಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ಗನ್ಧಂ ಸಮರ್ಪಯಾಮಿ ॥

ಅರ್ಚನ

ಅಕ್ಷತಾನ್ ಧವಲಾನ್ ದಿವ್ಯಾನ್ ಪುಷ್ಪಾಣಿ ಚ ಸುಗನ್ಧೀನಿ ।
ಭಕ್ತ್ಯಾ ದತ್ತಾನಿ ಗೃಹ್ಯನ್ತಾಂ ಸರ್ವದೇವಾಃ ಪ್ರಸೀದತ ॥

ಅಙ್ಗ ಪೂಜಾ

ಓಂ ದುರ್ಗಾಯೈ ನಮಃ - ಪಾದೌ ಪೂಜಯಾಮಿ ।
ಓಂ ಗಿರಿಜಾಯೈ ನಮಃ - ಗುಲ್ಫೌ ಪೂಜಯಾಮಿ ।
ಓಂ ಅಪರ್ಣಾಯೈ ನಮಃ - ಜಾನುನೀ ಪೂಜಯಾಮಿ ।
ಓಂ ಹರಪ್ರಿಯಾಯೈ ನಮಃ - ಊರೂ ಪೂಜಯಾಮಿ ।
ಓಂ ಪಾರ್ವತ್ಯೈ ನಮಃ - ಕಟಿಂ ಪೂಜಯಾಮಿ ।
ಓಂ ಆರ್ಯಾಯೈ ನಮಃ - ನಾಭಿಂ ಪೂಜಯಾಮಿ ।
ಓಂ ಜಗನ್ಮಾತ್ರೇ ನಮಃ - ಉದರಂ ಪೂಜಯಾಮಿ ।
ಓಂ ಮಙ್ಗಲಾಯೈ ನಮಃ - ಹೃದಯಂ ಪೂಜಯಾಮಿ ।
ಓಂ ಶಿವಾಯೈ ನಮಃ - ಕಣ್ಠಂ ಪೂಜಯಾಮಿ ।
ಓಂ ಮಹೇಶ್ವರ್ಯೈ ನಮಃ - ಸ್ಕನ್ಧೌ ಪೂಜಯಾಮಿ ।
ಓಂ ವಿಶ್ವವನ್ದ್ಯಾಯೈ ನಮಃ - ಬಾಹೂ ಪೂಜಯಾಮಿ ।
ಓಂ ಕಾಲ್ಯೈ ನಮಃ - ಹಸ್ತೌ ಪೂಜಯಾಮಿ ।
ಓಂ ಆದ್ಯಾಯೈ ನಮಃ - ಮುಖಂ ಪೂಜಯಾಮಿ ।
ಓಂ ವರದಾಯೈ ನಮಃ - ನೇತ್ರೇ ಪೂಜಯಾಮಿ ।
ಓಂ ಅಮ್ಬಿಕಾಯೈ ನಮಃ - ಶಿರಃ ಪೂಜಯಾಮಿ ।
ಓಂ ಪರಾದೇವ್ಯೈ ನಮಃ - ಸರ್ವಾಣ್ಯಙ್ಗಾನಿ ಪೂಜಯಾಮಿ ॥
ದುರ್ಗಾಯಾಃ ಕತಿಚಿತ್ ಪರಿಚಿತನಾಮಾನಿ ಪಠೇತ್ । ಪ್ರತ್ಯೇಕನಾಮ್ನೇ ಪುಷ್ಪಮ್ ಅಕ್ಷತಾನ್ ವಾ ಸಮರ್ಪಯೇತ್ ।

ದುರ್ಗಾ ಅಷ್ಟೋತ್ತರ ಶತ ನಾಮಾವಲೀ

ಅಥವಾ ದುರ್ಗಾ ನಾಮಾವಲೀ ಪಠನಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ಅಷ್ಟೋತ್ತರ ಶತ ನಾಮಾವಲೀ ಪೂಜಾಂ ಸಮರ್ಪಯಾಮಿ ।
ಅಕ್ಷತಾನ್ ಪುಷ್ಪಾಣಿ ಚ ಸಮರ್ಪಯಾಮಿ ॥

ಧೂಪಮ್

ವನಸ್ಪತ್ಯುದ್ಭವೈರ್ದಿವ್ಯೈಃ ನಾನಾಗನ್ಧೈಃ ಸುಸಂಯುತಃ ।
ಆಘ್ರೇಯಃ ಸರ್ವದೇವಾನಾಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ಧೂಪಮಾಘ್ರಾಪಯಾಮಿ ॥

ದೀಪಮ್

ಸಾಜ್ಯಂ ತ್ರಿವರ್ತಿ ಸಂಯುಕ್ತಂ ವಹ್ನಿನಾ ಯೋಜಿತಂ ಪ್ರಿಯಮ್ ।
ಗೃಹಾಣ ಮಙ್ಗಲಂ ದೀಪಂ ತ್ರೈಲೋಕ್ಯ ತಿಮಿರಾಪಹಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ದೀಪಂ ದರ್ಶಯಾಮಿ ॥

ನೈವೇದ್ಯಮ್

ನೈವೇದ್ಯಂ ಗೃಹ್ಯತಾಂ ದೇವಿ ಭಕ್ತ್ಯಾ ಸಮ್ಪಾದಿತಂ ಮಯಾ ।
ಇದಂ ಫಲಂ ಚ ಪಾನೀಯಂ ಸರ್ವೋಪಚಾರ ಸಂಯುತಮ್ ॥
ಓ-ಮ್ಭೂರ್ಭುವಸ್ಸುವಃ । ತತ್ಸವಿತುರ್ವರೇಣ್ಯ-ಮ್ಭರ್ಗೋ ದೇವಸ್ಯ ಧೀಮಹಿ ।
ಧಿಯೋ ಯೋ ನಃ ಪ್ರಚೋದಯಾತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
ಅಮೃತಮಸ್ತು । ಅಮೃತೋಪಸ್ತರಣಮಸಿ ।
ಓಂ ಪ್ರಾಣಾಯ ಸ್ವಾಹಾ । ಓಂ ಅಪಾನಾಯ ಸ್ವಾಹಾ । ಓಂ ವ್ಯಾನಾಯ ಸ್ವಾಹಾ ।
ಓಂ ಉದಾನಾಯ ಸ್ವಾಹಾ । ಓಂ ಸಮಾನಾಯ ಸ್ವಾಹಾ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅಮೃತಾಪಿಧಾನಮಸಿ ।
ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ॥
ಓಂ ಶ್ರೀ ದುರ್ಗಾಯೈ ನಮಃ ।
ನೈವೇದ್ಯಂ ಸಮರ್ಪಯಾಮಿ ॥

ತಾಮ್ಬೂಲಮ್

ಪೂಗೀಫಲಶ್ಚ ಕರ್ಪೂರೈಃ ನಾಗವಲ್ಲೀದಲೈರ್ಯುತಮ್ ।
ಮುಕ್ತಾಚೂರ್ಣ ಸಂಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ತಾಮ್ಬೂಲಂ ಸಮರ್ಪಯಾಮಿ ॥

ನೀರಾಜನಮ್

ನಾನಾದೀಪಸಮಾಯುಕ್ತಂ ನೀರಾಜನಂ ಮನೋಹರಮ್ ।
ಅಜ್ಞಾನ ತಿಮಿರ ಧ್ವಂಸಿ ಗೃಹ್ಯತಾಂ ಭಕ್ತಿಪೂರ್ವಕಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ನೀರಾಜನಂ ಸಮರ್ಪಯಾಮಿ ॥

ಮನ್ತ್ರಪುಷ್ಪಮ್

ಓ-ಙ್ಕಾತ್ಯಾಯನಾಯ ವಿದ್ಮಹೇ ಕನ್ಯಕುಮಾರಿ ಧೀಮಹಿ ।
ತನ್ನೋ ದುರ್ಗಿಃ ಪ್ರಚೋದಯಾತ್ ॥
ಶ್ರದ್ಧಯಾ ಸಿಕ್ತಯಾ ಭಕ್ತ್ಯಾ ಹ್ಯಾರ್ದ್ರ ಪ್ರೇಮ್ಣಾ ಸಮರ್ಪಿತಃ ।
ಮನ್ತ್ರಪುಷ್ಪಾಞ್ಜಲಿಶ್ಚಾಯಂ ಕೃಪಯಾ ಪ್ರತಿಗೃಹ್ಯತಾಮ್ ॥
ಓಂ ಶ್ರೀ ದುರ್ಗಾಯೈ ನಮಃ ।
ಮನ್ತ್ರಪುಷ್ಪಂ ಸಮರ್ಪಯಾಮಿ ॥

ಪ್ರದಕ್ಷಿಣಮ್

ಯಾನಿ ಕಾನಿ ಚ ಪಾಪಾನಿ ಜನ್ಮಾನ್ತರ ಕೃತಾನಿ ಚ ।
ತಾನಿ ತಾನಿ ಪ್ರಣಶ್ಯನ್ತಿ ಪ್ರದಕ್ಷಿಣ ಪದೇ ಪದೇ ॥
ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಮ್ಭವ ।
ತ್ರಾಹಿ ಮಾಂ ಕೃಪಯಾ ದೇವಿ ಶರಣಾಗತವತ್ಸಲೇ ॥
ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಮಹೇಶ್ವರಿ ॥
ಓಂ ಶ್ರೀ ದುರ್ಗಾಯೈ ನಮಃ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥

ನಮಸ್ಕಾರಃ

ಉರಸಾ ಶಿರಸಾ ದೃಷ್ಟ್ಯಾ ಮನಸಾ ವಚಸಾ ತಥಾ ।
ಪದ್ಭ್ಯಾಂ ಕರಾಭ್ಯಾಂ ಕರ್ಣಾಭ್ಯಾಂ ಪ್ರಣಾಮೋಽಷ್ಟಾಙ್ಗ ಉಚ್ಯತೇ ॥
ಓಂ ಶ್ರೀ ದುರ್ಗಾಯೈ ನಮಃ ।
ನಮಸ್ಕಾರಾನ್ ಸಮರ್ಪಯಾಮಿ ॥

ಸರ್ವೋಪಚಾರಾಃ

ಓಂ ಶ್ರೀ ದುರ್ಗಾಯೈ ನಮಃ ।
ಛತ್ರಂ ಸಮರ್ಪಯಾಮಿ ।
ಚಾಮರಂ ಸಮರ್ಪಯಾಮಿ ।
ಗೀತಂ ಶ್ರಾವಯಾಮಿ ।
ನೃತ್ಯಂ ದರ್ಶಯಾಮಿ ।
ಸಮಸ್ತ ರಾಜೋಪಚಾರಾನ್ ದೇವೋಪಚಾರಾನ್ ಸಮರ್ಪಯಾಮಿ ॥

ಸ್ತೋತ್ರ/ಸೂಕ್ತ ಪಠನಮ್

ದುರ್ಗಾ ಸೂಕ್ತಮ್
ಶ್ರೀ ದುರ್ಗಾ ಸಪ್ತ ಶ್ಲೋಕೀ

ಕ್ಷಮಾಪ್ರಾರ್ಥನಾ

ಅಪರಾಧಸಹಸ್ರಾಣಿ ಕ್ರಿಯನ್ತೇಽಹರ್ನಿಶಂ ಮಯಾ ।
ದಾಸೋಽಯಮಿತಿ ಮಾಂ ಮತ್ವಾ ಕ್ಷಮಸ್ವ ಪರಮೇಶ್ವರಿ ॥
ಆವಾಹನಂ ನ ಜಾನಾಮಿ ನ ಜಾನಾಮಿ ವಿಸರ್ಜನಮ್ ।
ಪೂಜಾಂ ಚೈವ ನ ಜಾನಾಮಿ ಕ್ಷಮ್ಯತಾಂ ಪರಮೇಶ್ವರಿ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಸುರೇಶ್ವರಿ ।
ಯತ್ಪೂಜಿತಂ ಮಯಾ ದೇವಿ ಪರಿಪೂರ್ಣಂ ತದಸ್ತು ತೇ ॥
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ।
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥
ಅನಯಾ ಧ್ಯಾನ-ಆವಾಹನಾದಿ-ಷೋಡಶೋಪಚಾರ ಪೂಜಯಾ ಶ್ರೀದುರ್ಗಾ ದೇವೀ ಸುಪ್ರೀತಾ ಸುಪ್ರಸನ್ನಾ ವರದಾ ಭವತು ॥

ಉದ್ವಾಸನಮ್

ಓಂ ಶ್ರೀ ದುರ್ಗಾಯೈ ನಮಃ ।
ಯಥಾಸ್ಥಾನಂ ಉದ್ವಾಸಯಾಮಿ ।
ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ॥

ಪ್ರಸಾದ ಗ್ರಹಣಮ್

ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ದೇವತಾ ಪಾದೋದಕಂ ಶುಭಮ್ ॥
ಶ್ರೀದುರ್ಗಾ ದೇವೀ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
ಓಂ ತತ್ಸತ್ ಬ್ರಹ್ಮಾರ್ಪಣಮಸ್ತು ॥

OHTCC Assistant ✕
🙏 Namaste! How can I help you today?