Home › Pooja Library › Durga Nitya Puja Vidhanam — English

Durga Nitya Puja Vidhanam

āvaśyakāni vastūni

  • āsanaṃ
  • dīpaḥ
  • gandhaḥ
  • kuṅkumaṃ
  • akṣatāḥ
  • puṣpāṇi
  • dhūpaḥ
  • naivedyaṃ
  • tāmbūlaṃ
  • ācamanīyaṃ
  • pūjā pātraṃ
  • kalaśaḥ
  • śaṅkhaḥ (aicchikaḥ)
  • durgā devī pratimā vā citrapaṭaḥ vā

pūrvāṅga pūjā

śrīmahāgaṇādhipataye namaḥ ।
śrī gurubhyo namaḥ ।
hariḥ om ।

śuciḥ

apavitraḥ pavitro vā sarvāvasthāṃ gato’pi vā ।
yaḥ smaret puṇḍarīkākṣaṃ sa bāhyābhyantaraḥ śuciḥ ॥
puṇḍarīkākṣa puṇḍarīkākṣa puṇḍarīkākṣāya namaḥ ॥

prārthanā

śuklāmbaradharaṃ viṣṇuṃ śaśivarṇaṃ caturbhujam ।
prasannavadanaṃ dhyāyet sarvavighnopaśāntaye ॥
agajānana padmārkaṃ gajānanamaharniśam ।
anekadaṃ taṃ bhaktānāṃ ekadantamupāsmahe ॥
tadeva lagnaṃ sudinaṃ tadeva
tārābalaṃ candrabalaṃ tadeva ।
vidyābalaṃ daivabalaṃ tadeva
lakṣmīpate te’ṅghriyugaṃ smarāmi ॥
gururbrahmā gururviṣṇuḥ gururdevo maheśvaraḥ ।
guruḥ sākṣāt parabrahma tasmai śrīgurave namaḥ ॥
sarvamaṅgala māṅgalye śive sarvārthasādhike ।
śaraṇye tryambake gaurī nārāyaṇi namo’stu te ॥
śrīlakṣmīnārāyaṇābhyāṃ namaḥ ।
umāmaheśvarābhyāṃ namaḥ ।
vāṇīhiraṇyagarbhābhyāṃ namaḥ ।
śacīpurandarābhyāṃ namaḥ ।
arundhatīvasiṣṭhābhyāṃ namaḥ ।
śrīsītārāmābhyāṃ namaḥ ।
mātāpitṛbhyo namaḥ ।
sarvebhyo mahājanebhyo namaḥ ।

ācamanaṃ

oṃ keśavāya svāhā ।
oṃ nārāyaṇāya svāhā ।
oṃ mādhavāya svāhā ।
oṃ govindāya namaḥ ।
oṃ viṣṇave namaḥ ।
oṃ madhusūdanāya namaḥ ।
oṃ trivikramāya namaḥ ।
oṃ vāmanāya namaḥ ।
oṃ śrīdharāya namaḥ ।
oṃ hṛṣīkeśāya namaḥ ।
oṃ padmanābhāya namaḥ ।
oṃ dāmodarāya namaḥ ।
oṃ saṅkarṣaṇāya namaḥ ।
oṃ vāsudevāya namaḥ ।
oṃ pradyumnāya namaḥ ।
oṃ aniruddhāya namaḥ ।
oṃ puruṣottamāya namaḥ ।
oṃ adhokṣajāya namaḥ ।
oṃ nārasiṃhāya namaḥ ।
oṃ acyutāya namaḥ ।
oṃ janārdanāya namaḥ ।
oṃ upendrāya namaḥ ।
oṃ haraye namaḥ ।
oṃ śrīkṛṣṇāya namaḥ ।

dīpārādhanam

dīpastvaṃ brahmarūpo’si jyotiṣāṃ prabhuravyayaḥ ।
saubhāgyaṃ dehi putrāṃśca sarvānkāmāṃśca dehi me ॥
bho dīpa devi rūpastvaṃ karmasākṣī hyavighnakṛt ।
yāvatpūjāṃ kariṣyāmi tāvattvaṃ susthiro bhava ॥
dīpārādhana muhūrtaḥ sumuhūrto’stu ॥

bhūtoccāṭanam

uttiṣṭhantu bhūtapiśācāḥ ya ete bhūmibhārakāḥ ।
eteṣāmavirodhena brahmakarma samārabhe ॥
apasarpantu te bhūtā ye bhūtā bhūmisaṃsthitāḥ ।
ye bhūtā vighnakartāraste gacchantu śivā’jñayā ॥

prāṇāyāmaḥ

o-mbhūḥ । o-mbhuvaḥ । ogṃ suvaḥ । o-mmahaḥ । o-ñjanaḥ । o-ntapaḥ । ogṃ satyam ।
o-ntatsaviturvareṇya-mbhargo devasya dhīmahi ।
dhiyo yo naḥ pracodayāt ॥
omāpo jyotī raso-’mṛta-mbrahma bhūrbhuvassuvarom ॥

saṅkalpaḥ

mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, sarvābhīṣṭa-siddhyarthaṃ, śrīdurgā devī-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ॥
tadaṅga kalaśārādhanaṃ kariṣye ॥

kalaśārādhanam

kalaśe gandha puṣpākṣatairabhyarcya ।
kalaśe udakaṃ pūrayitvā ।
kalaśasyopari hastaṃ nidhāya ।
kalaśasya mukhe viṣṇuḥ kaṇṭhe rudraḥ samāśritaḥ ।
mūle tvasya sthito brahmā madhye mātṛgaṇāḥ smṛtāḥ ॥
kukṣau tu sāgarāḥ sarve saptadvīpā vasundharā ।
ṛgvedo’tha yajurvedo sāmavedo hyatharvaṇaḥ ॥
aṅgaiśca sahitāḥ sarve kalaśāmbu samāśritāḥ ॥
gaṅge ca yamune caiva godāvarī sarasvatī ।
narmade sindhu kāverī jale’smin sannidhiṃ kuru ॥
kāverī tuṅgabhadrā ca kṛṣṇaveṇī ca gautamī ।
bhāgīrathīti vikhyātāḥ pañcagaṅgāḥ prakīrtitāḥ ॥
āyāntu devapūjārthaṃ mama duritakṣayakārakāḥ ।
kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ॥

śaṅkhapūjā

śaṅkhaṃ candrārka daivataṃ madhye varuṇa devatām ।
pṛṣṭhe prajāpatiṃ vindyādagre gaṅgā sarasvatīm ॥
trailokye yāni tīrthāni vāsudevasya ājñayā ।
śaṅkhe tiṣṭhantu viprendrāḥ tasmāt śaṅkhaṃ prapūjayet ॥
oṃ śaṅkhāya namaḥ ।
oṃ dhavalāya namaḥ ।
oṃ pāñcajanyāya namaḥ ।
oṃ śaṅkhadevatābhyo namaḥ ।
sakalapūjārthe akṣatān samarpayāmi ॥

ghaṇṭānādaḥ

āgamārthaṃ tu devānāṃ gamanārthaṃ tu rākṣasām ।
ghaṇṭāravaṃ karomyādau devatāhvāna lāñchanam ॥
oṃ ghaṇṭādevatābhyo namaḥ ।
sakalopacāra pūjārthe akṣatān samarpayāmi ॥

śrī mahāgaṇapati pūjā

o-ṅgaṇānā-ntvā gaṇapatigṃ havāmahe kavi-ṅkavīnāṃ upamaśravastavam ।
jyeṣṭharāja-mbrahmaṇā-mbrahmaṇaspata ā naḥ śṛṇvannūtibhissīda sādanam ॥
sumukhaścaikadantaśca kapilo gajakarṇakaḥ ।
lambodaraśca vikaṭo vighnarājo gaṇādhipaḥ ॥
dhūmaketurgaṇādhyakṣaḥ phālacandro gajānanaḥ ।
vakratuṇḍaḥ śūrpakarṇo herambaḥ skandapūrvajaḥ ॥
oṃ śrīmahāgaṇapataye namaḥ ।
dhyāyāmi । āvāhayāmi । āsanaṃ samarpayāmi ।
pādyaṃ samarpayāmi । arghyaṃ samarpayāmi । ācamanīyaṃ samarpayāmi ।
snānaṃ samarpayāmi । vastraṃ samarpayāmi । yajñopavītaṃ samarpayāmi ।
gandhaṃ samarpayāmi । puṣpāṇi samarpayāmi ।
dhūpamāghrāpayāmi । dīpaṃ darśayāmi ।
naivedyaṃ samarpayāmi । tāmbūlaṃ samarpayāmi ।
nīrājanaṃ samarpayāmi । mantrapuṣpaṃ samarpayāmi ।
pradakṣiṇa namaskārān samarpayāmi ॥

ṣoḍaśopacāra pūjā

durgā devī dhyānam

om ॥ jātavedase sunavāma soma marātīyato nidahāti vedaḥ ।
sa naḥ par-ṣadati durgāṇi viśvā nāveva sindhu-nduritā-’tyagniḥ ॥
o-ṅkātyāyanāya vidmahe kanyakumāri dhīmahi ।
tanno durgiḥ pracodayāt ॥
siṃhasthā śaśiśekharā marakataprakhyaiścaturbhirbhujaiḥ ।
śaṅkhaṃ cakra dhanuḥ śarāṃśca dadhatī netraistribhiḥ śobhitā ॥
āmuktāṅgada hāra kaṅkaṇaraṇatkāñcīraṇannūpurā ।
durgā durgatihāriṇī bhavatu no ratnollasatkuṇḍalā ॥
sarvamaṅgala māṅgalye śive sarvārthasādhike ।
śaraṇye tryambake gaurī nārāyaṇi namo’stu te ॥
oṃ śrī durgāyai namaḥ ।
dhyāyāmi । dhyānaṃ samarpayāmi ॥

āvāhanam

āgaccha varade devi daityadarpavināśini ।
pūjāṃ gṛhāṇa sumukhi namaste śaṅkarapriye ॥
oṃ śrī durgāyai namaḥ ।
āvāhayāmi । sthāpayāmi । pūjayāmi ॥

āsanam

anekaratna saṃyuktaṃ nānāmaṇigaṇānvitam ।
idaṃ hemamayaṃ divyamāsanaṃ pratigṛhyatām ॥
oṃ śrī durgāyai namaḥ ।
āsanaṃ samarpayāmi ॥

pādyam

gaṅgādi sarvatīrthebhyo nītaṃ toyamuttamam ।
pādyārthaṃ te pradāsyāmi gṛhāṇa parameśvari ॥
oṃ śrī durgāyai namaḥ ।
pādayoḥ pādyaṃ samarpayāmi ॥

arghyam

gandha puṣpākṣatairyuktaṃ arghyaṃ sampāditaṃ mayā ।
gṛhāṇa tvaṃ mahādevi prasannā bhava sarvadā ॥
oṃ śrī durgāyai namaḥ ।
hastayoḥ arghyaṃ samarpayāmi ॥

ācamanīyam

karpūreṇa sugandhena vāsitaṃ svādu śītalam ।
toyamācamanīyārthaṃ gṛhāṇa parameśvari ॥
oṃ śrī durgāyai namaḥ ।
mukhe ācamanīyaṃ samarpayāmi ॥

snānam

āpo hiṣṭhā mayobhuvastā na ūrje dadhātana ।
mahe raṇāya cakṣase ॥
yo vaḥ śivatamo rasastasya bhājayateha naḥ ।
uśatīriva mātaraḥ ॥
tasmā ara-ṅgamāma vo yasya kṣayāya jinvatha ।
āpo janayathā ca naḥ ॥
oṃ śrī durgāyai namaḥ ।
śuddhodaka snānaṃ samarpayāmi ॥
snānānantaraṃ ācamanīyaṃ samarpayāmi ॥

vastram

vastrayugmaṃ ca divyaṃ ca śobhanaṃ prīti vardhanam ।
oṃ śrī durgāyai namaḥ ।
vastraṃ samarpayāmi ॥

yajñopavītam

yajñopavītaṃ paramaṃ pavitraṃ prajāpateryatsahajaṃ purastāt ।
āyuṣyamagryaṃ pratimuñca śubhraṃ yajñopavītaṃ balamastu tejaḥ ॥
oṃ śrī durgāyai namaḥ ।
yajñopavītaṃ samarpayāmi ॥

gandham

śrīkhaṇḍaṃ candanaṃ divyaṃ gandhāḍhyaṃ sumanoharam ।
vilepanaṃ suraśreṣṭhe candanaṃ pratigṛhyatām ॥
oṃ śrī durgāyai namaḥ ।
gandhaṃ samarpayāmi ॥

arcana

akṣatān dhavalān divyān puṣpāṇi ca sugandhīni ।
bhaktyā dattāni gṛhyantāṃ sarvadevāḥ prasīdata ॥

aṅga pūjā

oṃ durgāyai namaḥ - pādau pūjayāmi ।
oṃ girijāyai namaḥ - gulphau pūjayāmi ।
oṃ aparṇāyai namaḥ - jānunī pūjayāmi ।
oṃ harapriyāyai namaḥ - ūrū pūjayāmi ।
oṃ pārvatyai namaḥ - kaṭiṃ pūjayāmi ।
oṃ āryāyai namaḥ - nābhiṃ pūjayāmi ।
oṃ jaganmātre namaḥ - udaraṃ pūjayāmi ।
oṃ maṅgalāyai namaḥ - hṛdayaṃ pūjayāmi ।
oṃ śivāyai namaḥ - kaṇṭhaṃ pūjayāmi ।
oṃ maheśvaryai namaḥ - skandhau pūjayāmi ।
oṃ viśvavandyāyai namaḥ - bāhū pūjayāmi ।
oṃ kālyai namaḥ - hastau pūjayāmi ।
oṃ ādyāyai namaḥ - mukhaṃ pūjayāmi ।
oṃ varadāyai namaḥ - netre pūjayāmi ।
oṃ ambikāyai namaḥ - śiraḥ pūjayāmi ।
oṃ parādevyai namaḥ - sarvāṇyaṅgāni pūjayāmi ॥
durgāyāḥ katicit paricitanāmāni paṭhet । pratyekanāmne puṣpam akṣatān vā samarpayet ।

durgā aṣṭottara śata nāmāvalī

athavā durgā nāmāvalī paṭhanam ॥
oṃ śrī durgāyai namaḥ ।
aṣṭottara śata nāmāvalī pūjāṃ samarpayāmi ।
akṣatān puṣpāṇi ca samarpayāmi ॥

dhūpam

vanaspatyudbhavairdivyaiḥ nānāgandhaiḥ susaṃyutaḥ ।
āghreyaḥ sarvadevānāṃ dhūpo’yaṃ pratigṛhyatām ॥
oṃ śrī durgāyai namaḥ ।
dhūpamāghrāpayāmi ॥

dīpam

sājyaṃ trivarti saṃyuktaṃ vahninā yojitaṃ priyam ।
gṛhāṇa maṅgalaṃ dīpaṃ trailokya timirāpaham ॥
oṃ śrī durgāyai namaḥ ।
dīpaṃ darśayāmi ॥

naivedyam

naivedyaṃ gṛhyatāṃ devi bhaktyā sampāditaṃ mayā ।
idaṃ phalaṃ ca pānīyaṃ sarvopacāra saṃyutam ॥
o-mbhūrbhuvassuvaḥ । tatsaviturvareṇya-mbhargo devasya dhīmahi ।
dhiyo yo naḥ pracodayāt ॥
satyaṃ tvā ṛtena pariṣiñcāmi ।
amṛtamastu । amṛtopastaraṇamasi ।
oṃ prāṇāya svāhā । oṃ apānāya svāhā । oṃ vyānāya svāhā ।
oṃ udānāya svāhā । oṃ samānāya svāhā ।
madhye madhye pānīyaṃ samarpayāmi ।
amṛtāpidhānamasi ।
uttarāpośanaṃ samarpayāmi ।
hastau prakṣālayāmi । pādau prakṣālayāmi ।
śuddhācamanīyaṃ samarpayāmi ॥
oṃ śrī durgāyai namaḥ ।
naivedyaṃ samarpayāmi ॥

tāmbūlam

pūgīphalaśca karpūraiḥ nāgavallīdalairyutam ।
muktācūrṇa saṃyuktaṃ tāmbūlaṃ pratigṛhyatām ॥
oṃ śrī durgāyai namaḥ ।
tāmbūlaṃ samarpayāmi ॥

nīrājanam

nānādīpasamāyuktaṃ nīrājanaṃ manoharam ।
ajñāna timira dhvaṃsi gṛhyatāṃ bhaktipūrvakam ॥
oṃ śrī durgāyai namaḥ ।
nīrājanaṃ samarpayāmi ॥

mantrapuṣpam

o-ṅkātyāyanāya vidmahe kanyakumāri dhīmahi ।
tanno durgiḥ pracodayāt ॥
śraddhayā siktayā bhaktyā hyārdra premṇā samarpitaḥ ।
mantrapuṣpāñjaliścāyaṃ kṛpayā pratigṛhyatām ॥
oṃ śrī durgāyai namaḥ ।
mantrapuṣpaṃ samarpayāmi ॥

pradakṣiṇam

yāni kāni ca pāpāni janmāntara kṛtāni ca ।
tāni tāni praṇaśyanti pradakṣiṇa pade pade ॥
pāpo’haṃ pāpakarmā’haṃ pāpātmā pāpasambhava ।
trāhi māṃ kṛpayā devi śaraṇāgatavatsale ॥
anyathā śaraṇaṃ nāsti tvameva śaraṇaṃ mama ।
tasmātkāruṇya bhāvena rakṣa rakṣa maheśvari ॥
oṃ śrī durgāyai namaḥ ।
pradakṣiṇa namaskārān samarpayāmi ॥

namaskāraḥ

urasā śirasā dṛṣṭyā manasā vacasā tathā ।
padbhyāṃ karābhyāṃ karṇābhyāṃ praṇāmo’ṣṭāṅga ucyate ॥
oṃ śrī durgāyai namaḥ ।
namaskārān samarpayāmi ॥

sarvopacārāḥ

oṃ śrī durgāyai namaḥ ।
chatraṃ samarpayāmi ।
cāmaraṃ samarpayāmi ।
gītaṃ śrāvayāmi ।
nṛtyaṃ darśayāmi ।
samasta rājopacārān devopacārān samarpayāmi ॥

stotra/sūkta paṭhanam

durgā sūktam
śrī durgā sapta ślokī

kṣamāprārthanā

aparādhasahasrāṇi kriyante’harniśaṃ mayā ।
dāso’yamiti māṃ matvā kṣamasva parameśvari ॥
āvāhanaṃ na jānāmi na jānāmi visarjanam ।
pūjāṃ caiva na jānāmi kṣamyatāṃ parameśvari ॥
mantrahīnaṃ kriyāhīnaṃ bhaktihīnaṃ sureśvari ।
yatpūjitaṃ mayā devi paripūrṇaṃ tadastu te ॥
kāyena vācā manasendriyairvā
buddhyātmanā vā prakṛteḥ svabhāvāt ।
karomi yadyat sakalaṃ parasmai
nārāyaṇāyeti samarpayāmi ॥
anayā dhyāna-āvāhanādi-ṣoḍaśopacāra pūjayā śrīdurgā devī suprītā suprasannā varadā bhavatu ॥

udvāsanam

oṃ śrī durgāyai namaḥ ।
yathāsthānaṃ udvāsayāmi ।
śobhanārthe kṣemāya punarāgamanāya ca ॥

prasāda grahaṇam

akālamṛtyuharaṇaṃ sarvavyādhinivāraṇam ।
samastapāpakṣayakaraṃ devatā pādodakaṃ śubham ॥
śrīdurgā devī prasādaṃ śirasā gṛhṇāmi ॥
oṃ śāntiḥ śāntiḥ śāntiḥ ॥
oṃ tatsat brahmārpaṇamastu ॥

OHTCC Assistant ✕
🙏 Namaste! How can I help you today?