బిల్వాష్టకమ్
ఎనిమిది శ్లోకాల పఠనం
త్రిదళం త్రిగుణాకారం త్రినేత్రం చ త్రియాయుధమ్ ।
త్రిజన్మపాపసంహారం ఏకబిల్వం శివార్పితమ్ ॥ 1 ॥
త్రిశాఖైర్ బిల్వపత్రైశ్ చ అచ్ఛిద్రైః కోమలైః శుభైః ।
తవ పూజాం కరిష్యామి ఏకబిల్వం శివార్పితమ్ ॥ 2 ॥
దర్శనం బిల్వవృక్షస్య స్పర్శనం పాపనాశనమ్ ।
అఘోరపాపసంహారం ఏకబిల్వం శివార్పితమ్ ॥ 3 ॥
సాలగ్రామేషు విప్రేషు తటాకే వనకూపయోః ।
యజ్ఞకోటిసహస్రాణాం ఏకబిల్వం శివార్పితమ్ ॥ 4 ॥
దన్తికోటిసహస్రేషు అశ్వమేధశతాని చ ।
కోటికన్యాప్రదానేన ఏకబిల్వం శివార్పితమ్ ॥ 5 ॥
ఏకం చ బిల్వపత్రైశ్ చ కోటియజ్ఞఫలం లభేత్ ।
మహాదేవైశ్ చ పూజార్థం ఏకబిల్వం శివార్పితమ్ ॥ 6 ॥
కాశీక్షేత్రే నివాసం చ కాలభైరవదర్శనమ్ ।
గయాప్రయాగమే దృష్ట్వా ఏకబిల్వం శివార్పితమ్ ॥ 7 ॥
ఉమయా సహ దేవేశం వాహనం నన్దిశఙ్కరమ్ ।
ముచ్యతే సర్వపాపేభ్యో ఏకబిల్వం శివార్పితమ్ ॥ 8 ॥
॥ ఇతి శ్రీ బిల్వాష్టకమ్ ॥
విస్తృత పఠనం
త్రిదళం త్రిగుణాకారం త్రినేత్రం చ త్రియాయుధమ్ ।
త్రిజన్మపాపసంహారం ఏకబిల్వం శివార్పణమ్ ॥ 1 ॥
త్రిశాఖైర్ బిల్వపత్రైశ్ చ అచ్ఛిద్రైః కోమలైః శుభైః ।
తవ పూజాం కరిష్యామి ఏకబిల్వం శివార్పణమ్ ॥ 2 ॥
కోటికన్యామహాదానం తిలపర్వతకోటయః ।
కాఞ్చనం శైలదానేన ఏకబిల్వం శివార్పణమ్ ॥ 3 ॥
కాశీక్షేత్రనివాసం చ కాలభైరవదర్శనమ్ ।
ప్రయాగే మాధవం దృష్ట్వా ఏకబిల్వం శివార్పణమ్ ॥ 4 ॥
ఇన్దువారే వ్రతం స్థిత్వా నిరాహారో మహేశ్వరాః ।
నక్తం హౌష్యామి దేవేశ ఏకబిల్వం శివార్పణమ్ ॥ 5 ॥
రామలిఙ్గప్రతిష్ఠా చ వైవాహికం కృతం తథా ।
తటాకాని చ సన్ధానం ఏకబిల్వం శివార్పణమ్ ॥ 6 ॥
అఖణ్డబిల్వపత్రం చ ఆయుతం శివపూజనమ్ ।
కృతం నామసహస్రేణ ఏకబిల్వం శివార్పణమ్ ॥ 7 ॥
ఉమయా సహ దేవేశ నన్దివాహనమ్ ఏవ చ ।
భస్మలేపనసర్వాఙ్గం ఏకబిల్వం శివార్పణమ్ ॥ 8 ॥
సాలగ్రామేషు విప్రాణాం తటాకం దశకూపయోః ।
యజ్ఞకోటిసహస్రస్య ఏకబిల్వం శివార్పణమ్ ॥ 9 ॥
దన్తికోటిసహస్రేషు అశ్వమేధశతక్రతౌ ।
కోటికన్యామహాదానం ఏకబిల్వం శివార్పణమ్ ॥ 10 ॥
బిల్వానాం దర్శనం పుణ్యం స్పర్శనం పాపనాశనమ్ ।
అఘోరపాపసంహారం ఏకబిల్వం శివార్పణమ్ ॥ 11 ॥
సహస్రవేదపాఠేషు బ్రహ్మస్థాపనమ్ ఉచ్యతే ।
అనేకవ్రతకోటీనాం ఏకబిల్వం శివార్పణమ్ ॥ 12 ॥
అన్నదానసహస్రేషు సహస్రోపనయనం తథా ।
అనేకజన్మపాపాని ఏకబిల్వం శివార్పణమ్ ॥ 13 ॥
బిల్వాష్టకమ్ ఇదం పుణ్యం యః పఠేచ్ ఛివసన్నిధౌ ।
శివలోకమ్ అవాప్నోతి ఏకబిల్వం శివార్పణమ్ ॥ 14 ॥