ஸ்ரீமத் பகவத் கீதை அத்தியாயம் 7
ஜ்ஞாநவிஜ்ஞாநயோக³ஃ
ஶ்ரீப⁴க³வாநுவாச
மய்யாஸக்தமநாஃ பார்த² யோக³ம் யுஞ்ஜந்மதா³ஶ்ரயஃ ।
அஸம்ஶயம் ஸமக்³ரம் மாம் யதா² ஜ்ஞாஸ்யஸி தச்ச்²ருணு ॥ 1 ॥
ஜ்ஞாநம் தே’ஹம் ஸவிஜ்ஞாநமித³ம் வக்ஷ்யாம்யஶேஷதஃ ।
யஜ்ஜ்ஞாத்வா நேஹ பூ⁴யோ’ந்யஜ்ஜ்ஞாதவ்யமவஶிஷ்யதே ॥ 2 ॥
மநுஷ்யாணாம் ஸஹஸ்ரேஷு கஶ்சித்³யததி ஸித்³த⁴யே ।
யததாமபி ஸித்³தா⁴நாம் கஶ்சிந்மாம் வேத்தி தத்த்வதஃ ॥ 3 ॥
பூ⁴மிராபோ’நலோ வாயுஃ க²ம் மநோ பு³த்³தி⁴ரேவ ச ।
அஹங்கார இதீயம் மே பி⁴ந்நா ப்ரக்ருதிரஷ்டதா⁴ ॥ 4 ॥
அபரேயமிதஸ்த்வந்யாம் ப்ரக்ருதிம் வித்³தி⁴ மே பராம் ।
ஜீவபூ⁴தாம் மஹாபா³ஹோ யயேத³ம் தா⁴ர்யதே ஜக³த் ॥ 5 ॥
ஏதத்³யோநீநி பூ⁴தாநி ஸர்வாணீத்யுபதா⁴ரய ।
அஹம் க்ருத்ஸ்நஸ்ய ஜக³தஃ ப்ரப⁴வஃ ப்ரலயஸ்ததா² ॥ 6 ॥
மத்தஃ பரதரம் நாந்யத்கிஞ்சித³ஸ்தி த⁴நஞ்ஜய ।
மயி ஸர்வமித³ம் ப்ரோதம் ஸூத்ரே மணிக³ணா இவ ॥ 7 ॥
ரஸோ’ஹமப்ஸு கௌந்தேய ப்ரபா⁴ஸ்மி ஶஶிஸூர்யயோஃ ।
ப்ரணவஃ ஸர்வவேதே³ஷு ஶப்³த³ஃ கே² பௌருஷம் ந்ருஷு ॥ 8 ॥
புண்யோ க³ந்த⁴ஃ ப்ருதி²வ்யாம் ச தேஜஶ்சாஸ்மி விபா⁴வஸௌ ।
ஜீவநம் ஸர்வபூ⁴தேஷு தபஶ்சாஸ்மி தபஸ்விஷு ॥ 9 ॥
பீ³ஜம் மாம் ஸர்வபூ⁴தாநாம் வித்³தி⁴ பார்த² ஸநாதநம் ।
பு³த்³தி⁴ர்பு³த்³தி⁴மதாமஸ்மி தேஜஸ்தேஜஸ்விநாமஹம் ॥ 10 ॥
ப³லம் ப³லவதாம் சாஹம் காமராக³விவர்ஜிதம் ।
த⁴ர்மாவிருத்³தோ⁴ பூ⁴தேஷு காமோ’ஸ்மி ப⁴ரதர்ஷப⁴ ॥ 11 ॥
யே சைவ ஸாத்த்விகா பா⁴வா ராஜஸாஸ்தாமஸாஶ்ச யே ।
மத்த ஏவேதி தாந்வித்³தி⁴ ந த்வஹம் தேஷு தே மயி ॥ 12 ॥
த்ரிபி⁴ர்கு³ணமயைர்பா⁴வைரேபி⁴ஃ ஸர்வமித³ம் ஜக³த் ।
மோஹிதம் நாபி⁴ஜாநாதி மாமேப்⁴யஃ பரமவ்யயம் ॥ 13 ॥
தை³வீ ஹ்யேஷா கு³ணமயீ மம மாயா து³ரத்யயா ।
மாமேவ யே ப்ரபத்³யந்தே மாயாமேதாம் தரந்தி தே ॥ 14 ॥
ந மாம் து³ஷ்க்ருதிநோ மூடா⁴ஃ ப்ரபத்³யந்தே நராத⁴மாஃ ।
மாயயாபஹ்ருதஜ்ஞாநா ஆஸுரம் பா⁴வமாஶ்ரிதாஃ ॥ 15 ॥
சதுர்விதா⁴ ப⁴ஜந்தே மாம் ஜநாஃ ஸுக்ருதிநோ’ர்ஜுந ।
ஆர்தோ ஜிஜ்ஞாஸுரர்தா²ர்தீ² ஜ்ஞாநீ ச ப⁴ரதர்ஷப⁴ ॥ 16 ॥
தேஷாம் ஜ்ஞாநீ நித்யயுக்த ஏகப⁴க்திர்விஶிஷ்யதே ।
ப்ரியோ ஹி ஜ்ஞாநிநோ’த்யர்த²மஹம் ஸ ச மம ப்ரியஃ ॥ 17 ॥
உதா³ராஃ ஸர்வ ஏவைதே ஜ்ஞாநீ த்வாத்மைவ மே மதம் ।
ஆஸ்தி²தஃ ஸ ஹி யுக்தாத்மா மாமேவாநுத்தமாம் க³திம் ॥ 18 ॥
ப³ஹூநாம் ஜந்மநாமந்தே ஜ்ஞாநவாந்மாம் ப்ரபத்³யதே ।
வாஸுதே³வஃ ஸர்வமிதி ஸ மஹாத்மா ஸுது³ர்லப⁴ஃ ॥ 19 ॥
காமைஸ்தைஸ்தைர்ஹ்ருதஜ்ஞாநாஃ ப்ரபத்³யந்தே’ந்யதே³வதாஃ ।
தம் தம் நியமமாஸ்தா²ய ப்ரக்ருத்யா நியதாஃ ஸ்வயா ॥ 20 ॥
யோ யோ யாம் யாம் தநும் ப⁴க்தஃ ஶ்ரத்³த⁴யார்சிதுமிச்ச²தி ।
தஸ்ய தஸ்யாசலாம் ஶ்ரத்³தா⁴ம் தாமேவ வித³தா⁴ம்யஹம் ॥ 21 ॥
ஸ தயா ஶ்ரத்³த⁴யா யுக்தஸ்தஸ்யாராத⁴நமீஹதே ।
லப⁴தே ச ததஃ காமாந்மயைவ விஹிதாந்ஹி தாந் ॥ 22 ॥
அந்தவத்து ப²லம் தேஷாம் தத்³ப⁴வத்யல்பமேத⁴ஸாம் ।
தே³வாந்தே³வயஜோ யாந்தி மத்³ப⁴க்தா யாந்தி மாமபி ॥ 23 ॥
அவ்யக்தம் வ்யக்திமாபந்நம் மந்யந்தே மாமபு³த்³த⁴யஃ ।
பரம் பா⁴வமஜாநந்தோ மமாவ்யயமநுத்தமம் ॥ 24 ॥
நாஹம் ப்ரகாஶஃ ஸர்வஸ்ய யோக³மாயாஸமாவ்ருதஃ ।
மூடோ⁴’யம் நாபி⁴ஜாநாதி லோகோ மாமஜமவ்யயம் ॥ 25 ॥
வேதா³ஹம் ஸமதீதாநி வர்தமாநாநி சார்ஜுந ।
ப⁴விஷ்யாணி ச பூ⁴தாநி மாம் து வேத³ ந கஶ்சந ॥ 26 ॥
இச்சா²த்³வேஷஸமுத்தே²ந த்³வந்த்³வமோஹேந பா⁴ரத ।
ஸர்வபூ⁴தாநி ஸம்மோஹம் ஸர்கே³ யாந்தி பரந்தப ॥ 27 ॥
யேஷாம் த்வந்தக³தம் பாபம் ஜநாநாம் புண்யகர்மணாம் ।
தே த்³வந்த்³வமோஹநிர்முக்தா ப⁴ஜந்தே மாம் த்³ருட⁴வ்ரதாஃ ॥ 28 ॥
ஜராமரணமோக்ஷாய மாமாஶ்ரித்ய யதந்தி யே ।
தே ப்³ரஹ்ம தத்³விது³ஃ க்ருத்ஸ்நமத்⁴யாத்மம் கர்ம சாகி²லம் ॥ 29 ॥
ஸாதி⁴பூ⁴தாதி⁴தை³வம் மாம் ஸாதி⁴யஜ்ஞம் ச யே விது³ஃ ।
ப்ரயாணகாலே’பி ச மாம் தே விது³ர்யுக்தசேதஸஃ ॥ 30 ॥