ஶ்ரீ ஸுப்³ரஹ்மண்ய ஸஹஸ்ர நாம ஸ்தோத்ரம்
ருஷய ஊசுஃ ।
ஸர்வஶாஸ்த்ரார்த²தத்த்வஜ்ஞ ஸர்வலோகோபகாரக ।
வயம் சாதித²யஃ ப்ராப்தா ஆதிதே²யோ’ஸி ஸுவ்ரத ॥ 1 ॥
ஜ்ஞாநதா³நேந ஸம்ஸாரஸாக³ராத்தாரயஸ்வ நஃ ।
கலௌ கலுஷசித்தா யே நராஃ பாபரதாஃ ஸதா³ ॥ 2 ॥
கேந ஸ்தோத்ரேண முச்யம்தே ஸர்வபாதகப³ம்த⁴நாத் ।
இஷ்டஸித்³தி⁴கரம் புண்யம் து³ஃக²தா³ரித்³ர்யநாஶநம் ॥ 3 ॥
ஸர்வரோக³ஹரம் ஸ்தோத்ரம் ஸூத நோ வக்துமர்ஹஸி ।
ஶ்ரீஸூத உவாச ।
ஶ்ருணுத்⁴வம் ருஷயஃ ஸர்வே நைமிஶாரண்யவாஸிநஃ ॥ 4 ॥
தத்த்வஜ்ஞாநதபோநிஷ்டா²ஃ ஸர்வஶாஸ்த்ரவிஶாரதா³ஃ ।
ஸ்வயம்பு⁴வா புரா ப்ரோக்தம் நாரதா³ய மஹாத்மநே ॥ 5 ॥
தத³ஹம் ஸம்ப்ரவக்ஷ்யாமி ஶ்ரோதும் கௌதூஹலம் யதி³ ।
ருஷய ஊசுஃ ।
கிமாஹ ப⁴க³வாந்ப்³ரஹ்மா நாரதா³ய மஹாத்மநே ॥ 6 ॥
ஸூதபுத்ர மஹாபா⁴க³ வக்துமர்ஹஸி ஸாம்ப்ரதம் ।
ஶ்ரீஸூத உவாச ।
தி³வ்யஸிம்ஹாஸநாஸீநம் ஸர்வதே³வைரபி⁴ஷ்டுதம் ॥ 7 ॥
ஸாஷ்டாம்க³ம் ப்ரணிபத்யைநம் ப்³ரஹ்மாணம் பு⁴வநேஶ்வரம் ।
நாரத³ஃ பரிபப்ரச்ச² க்ருதாம்ஜலிருபஸ்தி²தஃ ॥ 8 ॥
நாரத³ உவாச ।
லோகநாத² ஸுரஶ்ரேஷ்ட² ஸர்வஜ்ஞ கருணாகர ।
ஷண்முக²ஸ்ய பரம் ஸ்தோத்ரம் பாவநம் பாபநாஶநம் ॥ 9 ॥
ஹே தா⁴தஃ புத்ரவாத்ஸல்யாத்தத்³வத³ ப்ரணதாய மே ।
உபதி³ஶ்ய து மாமேவம் ரக்ஷ ரக்ஷ க்ருபாநிதே⁴ ॥ 10 ॥
ப்³ரஹ்மோவாச ।
ஶ்ருணு வக்ஷ்யாமி தே³வர்ஷே ஸ்தவராஜமித³ம் பரம் ।
மாத்ருகாமாலிகாயுக்தம் ஜ்ஞாநமோக்ஷஸுக²ப்ரத³ம் ॥ 11 ॥
ஸஹஸ்ராணி ச நாமாநி ஷண்முக²ஸ்ய மஹாத்மநஃ ।
யாநி நாமாநி தி³வ்யாநி து³ஃக²ரோக³ஹராணி ச ॥ 12 ॥
தாநி நாமாநி வக்ஷ்யாமி க்ருபயா த்வயி நாரத³ ।
ஜபமாத்ரேண ஸித்³த்⁴யம்தி மநஸா சிம்திதாந்யபி ॥ 13 ॥
இஹாமுத்ர பரம் போ⁴க³ம் லப⁴தே நாத்ர ஸம்ஶயஃ ।
இத³ம் ஸ்தோத்ரம் பரம் புண்யம் கோடியஜ்ஞப²லப்ரத³ம் ।
ஸம்தே³ஹோ நாத்ர கர்தவ்யஃ ஶ்ருணு மே நிஶ்சிதம் வசஃ ॥ 14 ॥
ஓம் அஸ்ய ஶ்ரீஸுப்³ரஹ்மண்யஸஹஸ்ரநாமஸ்தோத்ர மஹாமம்த்ரஸ்ய ப்³ரஹ்மா ருஷிஃ அநுஷ்டுப்ச²ம்த³ஃ ஸுப்³ரஹ்மண்யோ தே³வதா ஶரஜந்மாக்ஷய இதி பீ³ஜம் ஶக்தித⁴ரோ’க்ஷய கார்திகேய இதி ஶக்திஃ க்ரௌம்சத⁴ர இதி கீலகம் ஶிகி²வாஹந இதி கவசம் ஷண்முகா²ய இதி த்⁴யாநம் ஶ்ரீஸுப்³ரஹ்மண்ய ப்ரஸாத³ஸித்³த்⁴யர்தே² ஜபே விநியோக³ஃ ।
கரந்யாஸஃ –
ஓம் ஶம் ஓம்காரஸ்வரூபாய ஓஜோத⁴ராய ஓஜஸ்விநே ஸுஹ்ருத³யாய ஹ்ருஷ்டசித்தாத்மநே பா⁴ஸ்வரரூபாய அம்கு³ஷ்டா²ப்⁴யாம் நமஃ ।
ஓம் ரம் ஷட்கோணமத்⁴யநிலயாய ஷட்கிரீடத⁴ராய ஶ்ரீமதே ஷடா³தா⁴ராய தர்ஜநீப்⁴யாம் நமஃ ।
ஓம் வம் ஷண்முகா²ய ஶரஜந்மநே ஶுப⁴லக்ஷணாய ஶிகி²வாஹநாய மத்⁴யமாப்⁴யாம் நமஃ ।
ஓம் ணம் க்ருஶாநுஸம்ப⁴வாய கவசிநே குக்குடத்⁴வஜாய அநாமிகாப்⁴யாம் நமஃ ।
ஓம் ப⁴ம் கம்த³ர்பகோடிதீ³ப்யமாநாய த்³விஷட்³பா³ஹவே த்³வாத³ஶாக்ஷாய கநிஷ்டி²காப்⁴யாம் நமஃ ।
ஓம் வம் கே²டத⁴ராய க²ட்³கி³நே ஶக்திஹஸ்தாய கரதலகரப்ருஷ்டா²ப்⁴யாம் நமஃ ।
ஹ்ருத³யாதி³ந்யாஸஃ –
ஓம் ஶம் ஓம்காரஸ்வரூபாய ஓஜோத⁴ராய ஓஜஸ்விநே ஸுஹ்ருத³யாய ஹ்ருஷ்டசித்தாத்மநே பா⁴ஸ்வரரூபாய ஹ்ருத³யாய நமஃ ।
ஓம் ரம் ஷட்கோணமத்⁴யநிலயாய ஷட்கிரீடத⁴ராய ஶ்ரீமதே ஷடா³தா⁴ராய ஶிரஸே ஸ்வாஹா ।
ஓம் வம் ஷண்முகா²ய ஶரஜந்மநே ஶுப⁴லக்ஷணாய ஶிகி²வாஹநாய ஶிகா²யை வஷட் ।
ஓம் ணம் க்ருஶாநுஸம்ப⁴வாய கவசிநே குக்குடத்⁴வஜாய கவசாய ஹும் ।
ஓம் ப⁴ம் கம்த³ர்பகோடிதீ³ப்யமாநாய த்³விஷட்³பா³ஹவே த்³வாத³ஶாக்ஷாய நேத்ரத்ரயாய வௌஷட் ।
ஓம் வம் கே²டத⁴ராய க²ட்³கி³நே ஶக்திஹஸ்தாய அஸ்த்ராய ப²ட் ।
பூ⁴ர்பு⁴வஸ்ஸுவரோமிதி தி³க்³ப³ம்த⁴ஃ ।
த்⁴யாநம் ।
த்⁴யாயேத்ஷண்முக²மிம்து³கோடிஸத்³ருஶம் ரத்நப்ரபா⁴ஶோபி⁴தம்
பா³லார்கத்³யுதிஷட்கிரீடவிலஸத்கேயூரஹாராந்விதம் ।
கர்ணாலம்பி³தகும்ட³லப்ரவிலஸத்³க³ம்ட³ஸ்த²லாஶோபி⁴தம்
காம்சீகம்கணகிம்கிணீரவயுதம் ஶ்ரும்கா³ரஸாரோத³யம் ॥ 1 ॥
த்⁴யாயேதீ³ப்ஸிதஸித்³தி⁴த³ம் ஶிவஸுதம் ஶ்ரீத்³வாத³ஶாக்ஷம் கு³ஹம்
கே²டம் குக்குடமம்குஶம் ச வரத³ம் பாஶம் த⁴நுஶ்சக்ரகம் ।
வஜ்ரம் ஶக்திமஸிம் ச ஶூலமப⁴யம் தோ³ர்பி⁴ர்த்⁴ருதம் ஷண்முக²ம்
தே³வம் சித்ரமயூரவாஹநக³தம் சித்ராம்ப³ராலம்க்ருதம் ॥ 2 ॥
ஸ்தோத்ரம் ।
அசிம்த்யஶக்திரநக⁴ஸ்த்வக்ஷோப்⁴யஸ்த்வபராஜிதஃ ।
அநாத²வத்ஸலோ’மோக⁴ஸ்த்வஶோகோ’ப்யஜரோ’ப⁴யஃ ॥ 1 ॥
அத்யுதா³ரோ ஹ்யக⁴ஹரஸ்த்வக்³ரக³ண்யோ’த்³ரிஜாஸுதஃ ।
அநம்தமஹிமா’பாரோ’நம்தஸௌக்²யப்ரதோ³’வ்யயஃ ॥ 2 ॥
அநம்தமோக்ஷதோ³’நாதி³ரப்ரமேயோ’க்ஷரோ’ச்யுதஃ ।
அகல்மஷோ’பி⁴ராமோ’க்³ரது⁴ர்யஶ்சாமிதவிக்ரமஃ ॥ 3 ॥
[ அதுலஶ்சாம்ருதோ’கோ⁴ரோ ஹ்யநம்தோ’நம்தவிக்ரமஃ ]
அநாத²நாதோ² ஹ்யமலோ ஹ்யப்ரமத்தோ’மரப்ரபு⁴ஃ ।
அரிம்த³மோ’கி²லாதா⁴ரஸ்த்வணிமாதி³கு³ணோ’க்³ரணீஃ ॥ 4 ॥
அசம்சலோ’மரஸ்துத்யோ ஹ்யகலம்கோ’மிதாஶநஃ ।
அக்³நிபூ⁴ரநவத்³யாம்கோ³ ஹ்யத்³பு⁴தோ’பீ⁴ஷ்டதா³யகஃ ॥ 5 ॥
அதீம்த்³ரியோ’ப்ரமேயாத்மா ஹ்யத்³ருஶ்யோ’வ்யக்தலக்ஷணஃ ।
ஆபத்³விநாஶகஸ்த்வார்ய ஆட்⁴ய ஆக³மஸம்ஸ்துதஃ ॥ 6 ॥
ஆர்தஸம்ரக்ஷணஸ்த்வாத்³ய ஆநம்த³ஸ்த்வார்யஸேவிதஃ ।
ஆஶ்ரிதேஷ்டார்த²வரத³ ஆநம்த்³யார்தப²லப்ரத³ஃ ॥ 7 ॥
ஆஶ்சர்யரூப ஆநம்த³ ஆபந்நார்திவிநாஶநஃ ।
இப⁴வக்த்ராநுஜஸ்த்விஷ்ட இபா⁴ஸுரஹராத்மஜஃ ॥ 8 ॥
இதிஹாஸஶ்ருதிஸ்துத்ய இம்த்³ரபோ⁴க³ப²லப்ரத³ஃ ।
இஷ்டாபூர்தப²லப்ராப்திரிஷ்டேஷ்டவரதா³யகஃ ॥ 9 ॥
இஹாமுத்ரேஷ்டப²லத³ இஷ்டத³ஸ்த்விம்த்³ரவம்தி³தஃ ।
ஈட³நீயஸ்த்வீஶபுத்ர ஈப்ஸிதார்த²ப்ரதா³யகஃ ॥ 10 ॥
ஈதிபீ⁴திஹரஶ்சேட்³ய ஈஷணாத்ரயவர்ஜிதஃ ।
உதா³ரகீர்திருத்³யோகீ³ சோத்க்ருஷ்டோருபராக்ரமஃ ॥ 11 ॥
உத்க்ருஷ்டஶக்திருத்ஸாஹ உதா³ரஶ்சோத்ஸவப்ரியஃ ।
உஜ்ஜ்ரும்ப⁴ உத்³ப⁴வஶ்சோக்³ர உத³க்³ரஶ்சோக்³ரலோசநஃ ॥ 12 ॥
உந்மத்த உக்³ரஶமந உத்³வேக³க்⁴நோரகே³ஶ்வரஃ ।
உருப்ரபா⁴வஶ்சோதீ³ர்ண உமாபுத்ர உதா³ரதீ⁴ஃ ॥ 13 ॥
ஊர்த்⁴வரேதஃஸுதஸ்தூர்த்⁴வக³தித³ஸ்தூர்ஜபாலகஃ ।
ஊர்ஜிதஸ்தூர்த்⁴வக³ஸ்தூர்த்⁴வ ஊர்த்⁴வலோகைகநாயகஃ ॥ 14 ॥
ஊர்ஜாவாநூர்ஜிதோதா³ர ஊர்ஜிதோர்ஜிதஶாஸநஃ ।
ருஷிதே³வக³ணஸ்துத்ய ருணத்ரயவிமோசநஃ ॥ 15 ॥
ருஜுரூபோ ஹ்ய்ருஜுகர ருஜுமார்க³ப்ரத³ர்ஶநஃ ।
ருதம்ப⁴ரோ ஹ்ய்ருஜுப்ரீத ருஷப⁴ஸ்த்வ்ருத்³தி⁴த³ஸ்த்வ்ருதஃ ॥ 16 ॥
லுலிதோத்³தா⁴ரகோ லூதப⁴வபாஶப்ரப⁴ம்ஜநஃ ।
ஏணாம்கத⁴ரஸத்புத்ர ஏக ஏநோவிநாஶநஃ ॥ 17 ॥
ஐஶ்வர்யத³ஶ்சைம்த்³ரபோ⁴கீ³ சைதிஹ்யஶ்சைம்த்³ரவம்தி³தஃ ।
ஓஜஸ்வீ சௌஷதி⁴ஸ்தா²நமோஜோத³ஶ்சௌத³நப்ரத³ஃ ॥ 18 ॥
ஔதா³ர்யஶீல ஔமேய ஔக்³ர ஔந்நத்யதா³யகஃ ।
ஔதா³ர்ய ஔஷத⁴கர ஔஷத⁴ம் சௌஷதா⁴கரஃ ॥ 19 ॥
அம்ஶுமாநம்ஶுமாலீட்³ய அம்பி³காதநயோ’ந்நத³ஃ ।
அம்த⁴காரிஸுதோ’ம்த⁴த்வஹாரீ சாம்பு³ஜலோசநஃ ॥ 20 ॥
அஸ்தமாயோ’மராதீ⁴ஶோ ஹ்யஸ்பஷ்டோ’ஸ்தோகபுண்யத³ஃ ।
அஸ்தாமித்ரோ’ஸ்தரூபஶ்சாஸ்க²லத்ஸுக³திதா³யகஃ ॥ 21 ॥
கார்திகேயஃ காமரூபஃ குமாரஃ க்ரௌம்சதா³ரணஃ ।
காமத³ஃ காரணம் காம்யஃ கமநீயஃ க்ருபாகரஃ ॥ 22 ॥
காம்சநாப⁴ஃ காம்தியுக்தஃ காமீ காமப்ரத³ஃ கவிஃ ।
கீர்திக்ருத்குக்குடத⁴ரஃ கூடஸ்த²ஃ குவலேக்ஷணஃ ॥ 23 ॥
கும்குமாம்க³ஃ க்லமஹரஃ குஶலஃ குக்குடத்⁴வஜஃ ।
குஶாநுஸம்ப⁴வஃ க்ரூரஃ க்ரூரக்⁴நஃ கலிதாபஹ்ருத் ॥ 24 ॥
காமரூபஃ கல்பதருஃ காம்தஃ காமிததா³யகஃ ।
கல்யாணக்ருத்க்லேஶநாஶஃ க்ருபாலுஃ கருணாகரஃ ॥ 25 ॥
கலுஷக்⁴நஃ க்ரியாஶக்திஃ கடோ²ரஃ கவசீ க்ருதீ ।
கோமலாம்க³ஃ குஶப்ரீதஃ குத்ஸிதக்⁴நஃ கலாத⁴ரஃ ॥ 26 ॥
க்²யாதஃ கே²டத⁴ரஃ க²ட்³கீ³ க²ட்வாம்கீ³ க²லநிக்³ரஹஃ ।
க்²யாதிப்ரத³ஃ கே²சரேஶஃ க்²யாதேஹஃ கே²சரஸ்துதஃ ॥ 27 ॥
க²ரதாபஹரஃ ஸ்வஸ்த²ஃ கே²சரஃ கே²சராஶ்ரயஃ ।
க²ம்டே³ம்து³மௌலிதநயஃ கே²லஃ கே²சரபாலகஃ ॥ 28 ॥
க²ஸ்த²லஃ க²ம்டி³தார்கஶ்ச கே²சரீஜநபூஜிதஃ ।
கா³ம்கே³யோ கி³ரிஜாபுத்ரோ க³ணநாதா²நுஜோ கு³ஹஃ ॥ 29 ॥
கோ³ப்தா கீ³ர்வாணஸம்ஸேவ்யோ கு³ணாதீதோ கு³ஹாஶ்ரயஃ ।
க³திப்ரதோ³ கு³ணநிதி⁴ஃ க³ம்பீ⁴ரோ கி³ரிஜாத்மஜஃ ॥ 30 ॥
கூ³ட⁴ரூபோ க³த³ஹரோ கு³ணாதீ⁴ஶோ கு³ணாக்³ரணீஃ ।
கோ³த⁴ரோ க³ஹநோ கு³ப்தோ க³ர்வக்⁴நோ கு³ணவர்த⁴நஃ ॥ 31 ॥
கு³ஹ்யோ கு³ணஜ்ஞோ கீ³திஜ்ஞோ க³தாதம்கோ கு³ணாஶ்ரயஃ ।
க³த்³யபத்³யப்ரியோ கு³ண்யோ கோ³ஸ்துதோ க³க³நேசரஃ ॥ 32 ॥
க³ணநீயசரித்ரஶ்ச க³தக்லேஶோ கு³ணார்ணவஃ ।
கூ⁴ர்ணிதாக்ஷோ க்⁴ருணிநிதி⁴ஃ க⁴நக³ம்பீ⁴ரகோ⁴ஷணஃ ॥ 33 ॥
க⁴ம்டாநாத³ப்ரியோ கோ⁴ஷோ கோ⁴ராகௌ⁴க⁴விநாஶநஃ ।
க⁴நாநம்தோ³ க⁴ர்மஹம்தா க்⁴ருணாவாந் க்⁴ருஷ்டிபாதகஃ ॥ 34 ॥
க்⁴ருணீ க்⁴ருணாகரோ கோ⁴ரோ கோ⁴ரதை³த்யப்ரஹாரகஃ ।
க⁴டிதைஶ்வர்யஸம்தோ³ஹோ க⁴நார்தோ² க⁴நஸம்க்ரமஃ ॥ 35 ॥
சித்ரக்ருச்சித்ரவர்ணஶ்ச சம்சலஶ்சபலத்³யுதிஃ ।
சிந்மயஶ்சித்ஸ்வரூபஶ்ச சிராநம்த³ஶ்சிரம்தநஃ ॥ 36 ॥
சித்ரகேலிஶ்சித்ரதரஶ்சிம்தநீயஶ்சமத்க்ருதிஃ ।
சோரக்⁴நஶ்சதுரஶ்சாருஶ்சாமீகரவிபூ⁴ஷணஃ ॥ 37 ॥
சம்த்³ரார்ககோடிஸத்³ருஶஶ்சம்த்³ரமௌலிதநூப⁴வஃ ।
சா²தி³தாம்க³ஶ்ச²த்³மஹம்தா சே²தி³தாகி²லபாதகஃ ॥ 38 ॥
சே²தீ³க்ருததமஃக்லேஶஶ்ச²த்ரீக்ருதமஹாயஶாஃ ।
சா²தி³தாஶேஷஸம்தாபஶ்சு²ரிதாம்ருதஸாக³ரஃ ॥ 39 ॥
ச²ந்நத்ரைகு³ண்யரூபஶ்ச சா²தேஹஶ்சி²ந்நஸம்ஶயஃ ।
ச²ம்தோ³மயஶ்ச²ம்த³கா³மீ சி²ந்நபாஶஶ்ச²விஶ்ச²த³ஃ ॥ 40 ॥
ஜக³த்³தி⁴தோ ஜக³த்பூஜ்யோ ஜக³ஜ்ஜ்யேஷ்டோ² ஜக³ந்மயஃ ।
ஜநகோ ஜாஹ்நவீஸூநுர்ஜிதாமித்ரோ ஜக³த்³கு³ருஃ ॥ 41 ॥
ஜயீ ஜிதேம்த்³ரியோ ஜைத்ரோ ஜராமரணவர்ஜிதஃ ।
ஜ்யோதிர்மயோ ஜக³ந்நாதோ² ஜக³ஜ்ஜீவோ ஜநாஶ்ரயஃ ॥ 42 ॥
ஜக³த்ஸேவ்யோ ஜக³த்கர்தா ஜக³த்ஸாக்ஷீ ஜக³த்ப்ரியஃ ।
ஜம்பா⁴ரிவம்த்³யோ ஜயதோ³ ஜக³ஜ்ஜநமநோஹரஃ ॥ 43 ॥
ஜக³தா³நம்த³ஜநகோ ஜநஜாட்³யாபஹாரகஃ ।
ஜபாகுஸுமஸம்காஶோ ஜநலோசநஶோப⁴நஃ ॥ 44 ॥
ஜநேஶ்வரோ ஜிதக்ரோதோ⁴ ஜநஜந்மநிப³ர்ஹணஃ ।
ஜயதோ³ ஜம்துதாபக்⁴நோ ஜிததை³த்யமஹாவ்ரஜஃ ॥ 45 ॥
ஜிதமாயோ ஜிதக்ரோதோ⁴ ஜிதஸம்கோ³ ஜநப்ரியஃ ।
ஜ²ம்ஜா²நிலமஹாவேகோ³ ஜ²ரிதாஶேஷபாதகஃ ॥ 46 ॥
ஜ²ர்ஜ²ரீக்ருததை³த்யௌகோ⁴ ஜ²ல்லரீவாத்³யஸம்ப்ரியஃ ।
ஜ்ஞாநமூர்திர்ஜ்ஞாநக³ம்யோ ஜ்ஞாநீ ஜ்ஞாநமஹாநிதி⁴ஃ ॥ 47 ॥
டம்காரந்ருத்தவிப⁴வஃ டம்கவஜ்ரத்⁴வஜாம்கிதஃ ।
டம்கிதாகி²லலோகஶ்ச டம்கிதைநஸ்தமோரவிஃ ॥ 48 ॥
ட³ம்ப³ரப்ரப⁴வோ ட³ம்போ⁴ ட³ம்போ³ ட³மருகப்ரியஃ । [ட³மட்³ட³]
ட³மரோத்கடஸந்நாதோ³ டி³ம்ப⁴ரூபஸ்வரூபகஃ ॥ 49 ॥
ட⁴க்காநாத³ப்ரீதிகரோ டா⁴லிதாஸுரஸம்குலஃ ।
டௌ⁴கிதாமரஸம்தோ³ஹோ டு⁴ம்டி⁴விக்⁴நேஶ்வராநுஜஃ ॥ 50 ॥
தத்த்வஜ்ஞஸ்தத்வக³ஸ்தீவ்ரஸ்தபோரூபஸ்தபோமயஃ ।
த்ரயீமயஸ்த்ரிகாலஜ்ஞஸ்த்ரிமூர்திஸ்த்ரிகு³ணாத்மகஃ ॥ 51 ॥
த்ரித³ஶேஶஸ்தாரகாரிஸ்தாபக்⁴நஸ்தாபஸப்ரியஃ ।
துஷ்டித³ஸ்துஷ்டிக்ருத்தீக்ஷ்ணஸ்தபோரூபஸ்த்ரிகாலவித் ॥ 52 ॥
ஸ்தோதா ஸ்தவ்யஃ ஸ்தவப்ரீதஃ ஸ்துதிஃ ஸ்தோத்ரம் ஸ்துதிப்ரியஃ ।
ஸ்தி²தஃ ஸ்தா²யீ ஸ்தா²பகஶ்ச ஸ்தூ²லஸூக்ஷ்மப்ரத³ர்ஶகஃ ॥ 53 ॥
ஸ்த²விஷ்ட²ஃ ஸ்த²விரஃ ஸ்தூ²லஃ ஸ்தா²நத³ஃ ஸ்தை²ர்யத³ஃ ஸ்தி²ரஃ ।
தா³ம்தோ த³யாபரோ தா³தா து³ரிதக்⁴நோ து³ராஸத³ஃ ॥ 54 ॥
த³ர்ஶநீயோ த³யாஸாரோ தே³வதே³வோ த³யாநிதி⁴ஃ ।
து³ராத⁴ர்ஷோ து³ர்விகா³ஹ்யோ த³க்ஷோ த³ர்பணஶோபி⁴தஃ ॥ 55 ॥
து³ர்த⁴ரோ தா³நஶீலஶ்ச த்³வாத³ஶாக்ஷோ த்³விஷட்³பு⁴ஜஃ ।
த்³விஷட்கர்ணோ த்³விஷட்³பா³ஹுர்தீ³நஸம்தாபநாஶநஃ ॥ 56 ॥
த³ம்த³ஶூகேஶ்வரோ தே³வோ தி³வ்யோ தி³வ்யாக்ருதிர்த³மஃ ।
தீ³ர்க⁴வ்ருத்தோ தீ³ர்க⁴பா³ஹுர்தீ³ர்க⁴த்³ருஷ்டிர்தி³வஸ்பதிஃ ॥ 57 ॥
த³ம்டோ³ த³மயிதா த³ர்போ தே³வஸிம்ஹோ த்³ருட⁴வ்ரதஃ ।
து³ர்லபோ⁴ து³ர்க³மோ தீ³ப்தோ து³ஷ்ப்ரேக்ஷ்யோ தி³வ்யமம்ட³நஃ ॥ 58 ॥
து³ரோத³ரக்⁴நோ து³ஃக²க்⁴நோ து³ராரிக்⁴நோ தி³ஶாம் பதிஃ ।
து³ர்ஜயோ தே³வஸேநேஶோ து³ர்ஜ்ஞேயோ து³ரதிக்ரமஃ ॥ 59 ॥
த³ம்போ⁴ த்³ருப்தஶ்ச தே³வர்ஷிர்தை³வஜ்ஞோ தை³வசிம்தகஃ ।
து⁴ரம்த⁴ரோ த⁴ர்மபரோ த⁴நதோ³ த்⁴ருதிவர்த⁴நஃ ॥ 60 ॥
த⁴ர்மேஶோ த⁴ர்மஶாஸ்த்ரஜ்ஞோ த⁴ந்வீ த⁴ர்மபராயணஃ ।
த⁴நாத்⁴யக்ஷோ த⁴நபதிர்த்⁴ருதிமாம்தூ⁴தகில்பி³ஷஃ ॥ 61 ॥
த⁴ர்மஹேதுர்த⁴ர்மஶூரோ த⁴ர்மக்ருத்³த⁴ர்மவித்³த்⁴ருவஃ ।
தா⁴தா தீ⁴மாம்த⁴ர்மசாரீ த⁴ந்யோ து⁴ர்யோ த்⁴ருதவ்ரதஃ ॥ 62 ॥
நித்யோத்ஸவோ நித்யத்ருப்தோ நிர்லேபோ நிஶ்சலாத்மகஃ ।
நிரவத்³யோ நிராதா⁴ரோ நிஷ்கலம்கோ நிரம்ஜநஃ ॥ 63 ॥
நிர்மமோ நிரஹம்காரோ நிர்மோஹோ நிருபத்³ரவஃ ।
நித்யாநம்தோ³ நிராதம்கோ நிஷ்ப்ரபம்சோ நிராமயஃ ॥ 64 ॥
நிரவத்³யோ நிரீஹஶ்ச நிர்த³ர்ஶோ நிர்மலாத்மகஃ ।
நித்யாநம்தோ³ நிர்ஜரேஶோ நிஃஸம்கோ³ நிக³மஸ்துதஃ ॥ 65 ॥
நிஷ்கம்டகோ நிராலம்போ³ நிஷ்ப்ரத்யூஹோ நிருத்³ப⁴வஃ ।
நித்யோ நியதகல்யாணோ நிர்விகல்போ நிராஶ்ரயஃ ॥ 66 ॥
நேதா நிதி⁴ர்நைகரூபோ நிராகாரோ நதீ³ஸுதஃ ।
புலிம்த³கந்யாரமணஃ புருஜித்பரமப்ரியஃ ॥ 67 ॥
ப்ரத்யக்ஷமூர்திஃ ப்ரத்யக்ஷஃ பரேஶஃ பூர்ணபுண்யத³ஃ ।
புண்யாகரஃ புண்யரூபஃ புண்யஃ புண்யபராயணஃ ॥ 68 ॥
புண்யோத³யஃ பரம் ஜ்யோதிஃ புண்யக்ருத்புண்யவர்த⁴நஃ ।
பராநம்த³ஃ பரதரஃ புண்யகீர்திஃ புராதநஃ ॥ 69 ॥
ப்ரஸந்நரூபஃ ப்ராணேஶஃ பந்நக³ஃ பாபநாஶநஃ ।
ப்ரணதார்திஹரஃ பூர்ணஃ பார்வதீநம்த³நஃ ப்ரபு⁴ஃ ॥ 70 ॥
பூதாத்மா புருஷஃ ப்ராணஃ ப்ரப⁴வஃ புருஷோத்தமஃ ।
ப்ரஸந்நஃ பரமஸ்பஷ்டஃ பரஃ பரிப்³ருட⁴ஃ பரஃ ॥ 71 ॥
பரமாத்மா பரப்³ரஹ்ம பரார்த²ஃ ப்ரியத³ர்ஶநஃ ।
பவித்ரஃ புஷ்டித³ஃ பூர்திஃ பிம்க³லஃ புஷ்டிவர்த⁴நஃ ॥ 72 ॥
பாபஹாரீ பாஶத⁴ரஃ ப்ரமத்தாஸுரஶிக்ஷகஃ ।
பாவநஃ பாவகஃ பூஜ்யஃ பூர்ணாநம்த³ஃ பராத்பரஃ ॥ 73 ॥
புஷ்கலஃ ப்ரவரஃ பூர்வஃ பித்ருப⁴க்தஃ புரோக³மஃ ।
ப்ராணத³ஃ ப்ராணிஜநகஃ ப்ரதி³ஷ்டஃ பாவகோத்³ப⁴வஃ ॥ 74 ॥
பரப்³ரஹ்மஸ்வரூபஶ்ச பரமைஶ்வர்யகாரணம் ।
பரர்தி⁴த³ஃ புஷ்டிகரஃ ப்ரகாஶாத்மா ப்ரதாபவாந் ॥ 75 ॥
ப்ரஜ்ஞாபரஃ ப்ரக்ருஷ்டார்த²ஃ ப்ருது²ஃ ப்ருது²பராக்ரமஃ ।
ப²ணீஶ்வரஃ ப²ணிவரஃ ப²ணாமணிவிபூ⁴ஷணஃ ॥ 76 ॥
ப²லத³ஃ ப²லஹஸ்தஶ்ச பு²ல்லாம்பு³ஜவிலோசநஃ ।
ப²டு³ச்சாடிதபாபௌக⁴ஃ ப²ணிலோகவிபூ⁴ஷணஃ ॥ 77 ॥
பா³ஹுலேயோ ப்³ருஹத்³ரூபோ ப³லிஷ்டோ² ப³லவாந் ப³லீ ।
ப்³ரஹ்மேஶவிஷ்ணுரூபஶ்ச பு³த்³தோ⁴ பு³த்³தி⁴மதாம் வரஃ ॥ 78 ॥
பா³லரூபோ ப்³ரஹ்மக³ர்போ⁴ ப்³ரஹ்மசாரீ பு³த⁴ப்ரியஃ ।
ப³ஹுஶ்ருதோ ப³ஹுமதோ ப்³ரஹ்மண்யோ ப்³ராஹ்மணப்ரியஃ ॥ 79 ॥
ப³லப்ரமத²நோ ப்³ரஹ்மா ப³ஹுரூபோ ப³ஹுப்ரத³ஃ ।
ப்³ருஹத்³பா⁴நுதநூத்³பூ⁴தோ ப்³ருஹத்ஸேநோ பி³லேஶயஃ ॥ 80 ॥
ப³ஹுபா³ஹுர்ப³லஶ்ரீமாந் ப³ஹுதை³த்யவிநாஶகஃ ।
பி³லத்³வாராம்தராலஸ்தோ² ப்³ருஹச்ச²க்தித⁴நுர்த⁴ரஃ ॥ 81 ॥
பா³லார்கத்³யுதிமாந் பா³லோ ப்³ருஹத்³வக்ஷா ப்³ருஹத்³த⁴நுஃ ।
ப⁴வ்யோ போ⁴கீ³ஶ்வரோ பா⁴வ்யோ ப⁴வநாஶோ ப⁴வப்ரியஃ ॥ 82 ॥
ப⁴க்திக³ம்யோ ப⁴யஹரோ பா⁴வஜ்ஞோ ப⁴க்தஸுப்ரியஃ ।
பு⁴க்திமுக்திப்ரதோ³ போ⁴கீ³ ப⁴க³வாந் பா⁴க்³யவர்த⁴நஃ ॥ 83 ॥
ப்⁴ராஜிஷ்ணுர்பா⁴வநோ ப⁴ர்தா பீ⁴மோ பீ⁴மபராக்ரமஃ ।
பூ⁴திதோ³ பூ⁴திக்ருத்³போ⁴க்தா பூ⁴தாத்மா பு⁴வநேஶ்வரஃ ॥ 84 ॥
பா⁴வகோ பீ⁴கரோ பீ⁴ஷ்மோ பா⁴வகேஷ்டோ ப⁴வோத்³ப⁴வஃ ।
ப⁴வதாபப்ரஶமநோ போ⁴க³வாந் பூ⁴தபா⁴வநஃ ॥ 85 ॥
போ⁴ஜ்யப்ரதோ³ ப்⁴ராம்திநாஶோ பா⁴நுமாந் பு⁴வநாஶ்ரயஃ ।
பூ⁴ரிபோ⁴க³ப்ரதோ³ ப⁴த்³ரோ ப⁴ஜநீயோ பி⁴ஷக்³வரஃ ॥ 86 ॥
மஹாஸேநோ மஹோதா³ரோ மஹாஶக்திர்மஹாத்³யுதிஃ ।
மஹாபு³த்³தி⁴ர்மஹாவீர்யோ மஹோத்ஸாஹோ மஹாப³லஃ ॥ 87 ॥
மஹாபோ⁴கீ³ மஹாமாயீ மேதா⁴வீ மேக²லீ மஹாந் ।
முநிஸ்துதோ மஹாமாந்யோ மஹாநம்தோ³ மஹாயஶாஃ ॥ 88 ॥
மஹோர்ஜிதோ மாநநிதி⁴ர்மநோரத²ப²லப்ரத³ஃ ।
மஹோத³யோ மஹாபுண்யோ மஹாப³லபராக்ரமஃ ॥ 89 ॥
மாநதோ³ மதிதோ³ மாலீ முக்தாமாலாவிபூ⁴ஷணஃ ।
மநோஹரோ மஹாமுக்²யோ மஹர்தி⁴ர்மூர்திமாந்முநிஃ ॥ 90 ॥
மஹோத்தமோ மஹோபாயோ மோக்ஷதோ³ மம்க³லப்ரத³ஃ ।
முதா³கரோ முக்திதா³தா மஹாபோ⁴கோ³ மஹோரக³ஃ ॥ 91 ॥
யஶஸ்கரோ யோக³யோநிர்யோகி³ஷ்டோ² யமிநாம் வரஃ ।
யஶஸ்வீ யோக³புருஷோ யோக்³யோ யோக³நிதி⁴ர்யமீ ॥ 92 ॥
யதிஸேவ்யோ யோக³யுக்தோ யோக³வித்³யோக³ஸித்³தி⁴த³ஃ ।
யம்த்ரோ யம்த்ரீ ச யம்த்ரஜ்ஞோ யம்த்ரவாந்யம்த்ரவாஹகஃ ॥ 93 ॥
யாதநாரஹிதோ யோகீ³ யோகீ³ஶோ யோகி³நாம் வரஃ ।
ரமணீயோ ரம்யரூபோ ரஸஜ்ஞோ ரஸபா⁴வநஃ ॥ 94 ॥
ரம்ஜநோ ரம்ஜிதோ ராகீ³ ருசிரோ ருத்³ரஸம்ப⁴வஃ ।
ரணப்ரியோ ரணோதா³ரோ ராக³த்³வேஷவிநாஶநஃ ॥ 95 ॥
ரத்நார்சீ ருசிரோ ரம்யோ ரூபலாவண்யவிக்³ரஹஃ ।
ரத்நாம்க³த³த⁴ரோ ரத்நபூ⁴ஷணோ ரமணீயகஃ ॥ 96 ॥
ருசிக்ருத்³ரோசமாநஶ்ச ரம்ஜிதோ ரோக³நாஶநஃ ।
ராஜீவாக்ஷோ ராஜராஜோ ரக்தமால்யாநுலேபநஃ ॥ 97 ॥
ராஜத்³வேதா³க³மஸ்துத்யோ ரஜஃஸத்த்வகு³ணாந்விதஃ ।
ரஜநீஶகலாரம்யோ ரத்நகும்ட³லமம்டி³தஃ ॥ 98 ॥
ரத்நஸந்மௌலிஶோபா⁴ட்⁴யோ ரணந்மம்ஜீரபூ⁴ஷணஃ ।
லோகைகநாதோ² லோகேஶோ லலிதோ லோகநாயகஃ ॥ 99 ॥
லோகரக்ஷோ லோகஶிக்ஷோ லோகலோசநரம்ஜிதஃ ।
லோகப³ம்து⁴ர்லோகதா⁴தா லோகத்ரயமஹாஹிதஃ ॥ 100 ॥
லோகசூடா³மணிர்லோகவம்த்³யோ லாவண்யவிக்³ரஹஃ ।
லோகாத்⁴யக்ஷஸ்து லீலாவாந்லோகோத்தரகு³ணாந்விதஃ ॥ 101 ॥
வரிஷ்டோ² வரதோ³ வைத்³யோ விஶிஷ்டோ விக்ரமோ விபு⁴ஃ ।
விபு³தா⁴க்³ரசரோ வஶ்யோ விகல்பபரிவர்ஜிதஃ ॥ 102 ॥
விபாஶோ விக³தாதம்கோ விசித்ராம்கோ³ விரோசநஃ ।
வித்³யாத⁴ரோ விஶுத்³தா⁴த்மா வேதா³ம்கோ³ விபு³த⁴ப்ரியஃ ॥ 103 ॥
வசஸ்கரோ வ்யாபகஶ்ச விஜ்ஞாநீ விநயாந்விதஃ ।
வித்³வத்தமோ விரோதி⁴க்⁴நோ வீரோ விக³தராக³வாந் ॥ 104 ॥
வீதபா⁴வோ விநீதாத்மா வேத³க³ர்போ⁴ வஸுப்ரத³ஃ ।
விஶ்வதீ³ப்திர்விஶாலாக்ஷோ விஜிதாத்மா விபா⁴வநஃ ॥ 105 ॥
வேத³வேத்³யோ விதே⁴யாத்மா வீததோ³ஷஶ்ச வேத³வித் ।
விஶ்வகர்மா வீதப⁴யோ வாகீ³ஶோ வாஸவார்சிதஃ ॥ 106 ॥
வீரத்⁴வம்ஸோ விஶ்வமூர்திர்விஶ்வரூபோ வராஸநஃ ।
விஶாகோ² விமலோ வாக்³மீ வித்³வாந்வேத³த⁴ரோ வடுஃ ॥ 107 ॥
வீரசூடா³மணிர்வீரோ வித்³யேஶோ விபு³தா⁴ஶ்ரயஃ ।
விஜயீ விநயீ வேத்தா வரீயாந்விரஜா வஸுஃ ॥ 108 ॥
வீரக்⁴நோ விஜ்வரோ வேத்³யோ வேக³வாந்வீர்யவாந்வஶீ ।
வரஶீலோ வரகு³ணோ விஶோகோ வஜ்ரதா⁴ரகஃ ॥ 109 ॥
ஶரஜந்மா ஶக்தித⁴ரஃ ஶத்ருக்⁴நஃ ஶிகி²வாஹநஃ ।
ஶ்ரீமாந் ஶிஷ்டஃ ஶுசிஃ ஶுத்³த⁴ஃ ஶாஶ்வதஃ ஶ்ருதிஸாக³ரஃ ॥ 110 ॥
ஶரண்யஃ ஶுப⁴த³ஃ ஶர்ம ஶிஷ்டேஷ்டஃ ஶுப⁴லக்ஷணஃ ।
ஶாம்தஃ ஶூலத⁴ரஃ ஶ்ரேஷ்ட²ஃ ஶுத்³தா⁴த்மா ஶம்கரஃ ஶிவஃ ॥ 111 ॥
ஶிதிகம்டா²த்மஜஃ ஶூரஃ ஶாம்தித³ஃ ஶோகநாஶநஃ ।
ஷாண்மாதுரஃ ஷண்முக²ஶ்ச ஷட்³கு³ணைஶ்வர்யஸம்யுதஃ ॥ 112 ॥
ஷட்சக்ரஸ்த²ஃ ஷடூ³ர்மிக்⁴நஃ ஷட³ம்க³ஶ்ருதிபாரக³ஃ ।
ஷட்³பா⁴வரஹிதஃ ஷட்கஃ ஷட்சா²ஸ்த்ரஸ்ம்ருதிபாரக³ஃ ॥ 113 ॥
ஷட்³வர்க³தா³தா ஷட்³க்³ரீவஃ ஷட³ரிக்⁴நஃ ஷடா³ஶ்ரயஃ ।
ஷட்கிரீடத⁴ரஃ ஶ்ரீமாந் ஷடா³தா⁴ரஶ்ச ஷட்க்ரமஃ ॥ 114 ॥
ஷட்கோணமத்⁴யநிலயஃ ஷம்ட³த்வபரிஹாரகஃ ।
ஸேநாநீஃ ஸுப⁴க³ஃ ஸ்கம்த³ஃ ஸுராநம்த³ஃ ஸதாம் க³திஃ ॥ 115 ॥
ஸுப்³ரஹ்மண்யஃ ஸுராத்⁴யக்ஷஃ ஸர்வஜ்ஞஃ ஸர்வத³ஃ ஸுகீ² ।
ஸுலப⁴ஃ ஸித்³தி⁴த³ஃ ஸௌம்யஃ ஸித்³தே⁴ஶஃ ஸித்³தி⁴ஸாத⁴நஃ ॥ 116 ॥
ஸித்³தா⁴ர்த²ஃ ஸித்³த⁴ஸம்கல்பஃ ஸித்³த⁴ஸாது⁴ஃ ஸுரேஶ்வரஃ ।
ஸுபு⁴ஜஃ ஸர்வத்³ருக்ஸாக்ஷீ ஸுப்ரஸாத³ஃ ஸநாதநஃ ॥ 117 ॥
ஸுதா⁴பதிஃ ஸ்வயம்ஜ்யோதிஃ ஸ்வயம்பூ⁴ஃ ஸர்வதோமுக²ஃ ।
ஸமர்த²ஃ ஸத்க்ருதிஃ ஸூக்ஷ்மஃ ஸுகோ⁴ஷஃ ஸுக²த³ஃ ஸுஹ்ருத் ॥ 118 ॥
ஸுப்ரஸந்நஃ ஸுரஶ்ரேஷ்ட²ஃ ஸுஶீலஃ ஸத்யஸாத⁴கஃ ।
ஸம்பா⁴வ்யஃ ஸுமநாஃ ஸேவ்யஃ ஸகலாக³மபாரக³ஃ ॥ 119 ॥
ஸுவ்யக்தஃ ஸச்சிதா³நம்த³ஃ ஸுவீரஃ ஸுஜநாஶ்ரயஃ ।
ஸர்வலக்ஷணஸம்பந்நஃ ஸத்யத⁴ர்மபராயணஃ ॥ 120 ॥
ஸர்வதே³வமயஃ ஸத்யஃ ஸதா³ ம்ருஷ்டாந்நதா³யகஃ ।
ஸுதா⁴பீ ஸுமதிஃ ஸத்யஃ ஸர்வவிக்⁴நவிநாஶநஃ ॥ 121 ॥
ஸர்வது³ஃக²ப்ரஶமநஃ ஸுகுமாரஃ ஸுலோசநஃ ।
ஸுக்³ரீவஃ ஸுத்⁴ருதிஃ ஸாரஃ ஸுராராத்⁴யஃ ஸுவிக்ரமஃ ॥ 122 ॥
ஸுராரிக்⁴நஃ ஸ்வர்ணவர்ணஃ ஸர்பராஜஃ ஸதா³ ஶுசிஃ ।
ஸப்தார்சிர்பூ⁴ஃ ஸுரவரஃ ஸர்வாயுத⁴விஶாரத³ஃ ॥ 123 ॥
ஹஸ்திசர்மாம்ப³ரஸுதோ ஹஸ்திவாஹநஸேவிதஃ ।
ஹஸ்தசித்ராயுத⁴த⁴ரோ ஹ்ருதாகோ⁴ ஹஸிதாநநஃ ॥ 124 ॥
ஹேமபூ⁴ஷோ ஹரித்³வர்ணோ ஹ்ருஷ்டிதோ³ ஹ்ருஷ்டிவர்த⁴நஃ ।
ஹேமாத்³ரிபி⁴த்³த⁴ம்ஸரூபோ ஹும்காரஹதகில்பி³ஷஃ ॥ 125 ॥
ஹிமாத்³ரிஜாதாதநுஜோ ஹரிகேஶோ ஹிரண்மயஃ ।
ஹ்ருத்³யோ ஹ்ருஷ்டோ ஹரிஸகோ² ஹம்ஸோ ஹம்ஸக³திர்ஹவிஃ ॥ 126 ॥
ஹிரண்யவர்ணோ ஹிதக்ருத்³த⁴ர்ஷதோ³ ஹேமபூ⁴ஷணஃ ।
ஹரப்ரியோ ஹிதகரோ ஹதபாபோ ஹரோத்³ப⁴வஃ ॥ 127 ॥
க்ஷேமத³ஃ க்ஷேமக்ருத்க்ஷேம்யஃ க்ஷேத்ரஜ்ஞஃ க்ஷாமவர்ஜிதஃ ।
க்ஷேத்ரபாலஃ க்ஷமாதா⁴ரஃ க்ஷேமக்ஷேத்ரஃ க்ஷமாகரஃ ॥ 128 ॥
க்ஷுத்³ரக்⁴நஃ க்ஷாம்தித³ஃ க்ஷேமஃ க்ஷிதிபூ⁴ஷஃ க்ஷமாஶ்ரயஃ ।
க்ஷாலிதாக⁴ஃ க்ஷிதித⁴ரஃ க்ஷீணஸம்ரக்ஷணக்ஷமஃ ॥ 129 ॥
க்ஷணப⁴ம்கு³ரஸந்நத்³த⁴க⁴நஶோபி⁴கபர்த³கஃ ।
க்ஷிதிப்⁴ருந்நாத²தநயாமுக²பம்கஜபா⁴ஸ்கரஃ ॥ 130 ॥
க்ஷதாஹிதஃ க்ஷரஃ க்ஷம்தா க்ஷததோ³ஷஃ க்ஷமாநிதி⁴ஃ ।
க்ஷபிதாகி²லஸம்தாபஃ க்ஷபாநாத²ஸமாநநஃ ॥ 131 ॥
உத்தர ந்யாஸஃ ।
கரந்யாஸஃ –
ஓம் ஶம் ஓம்காரஸ்வரூபாய ஓஜோத⁴ராய ஓஜஸ்விநே ஸுஹ்ருத³யாய ஹ்ருஷ்டசித்தாத்மநே பா⁴ஸ்வரரூபாய அம்கு³ஷ்டா²ப்⁴யாம் நமஃ ।
ஓம் ரம் ஷட்கோணமத்⁴யநிலயாய ஷட்கிரீடத⁴ராய ஶ்ரீமதே ஷடா³தா⁴ராய தர்ஜநீப்⁴யாம் நமஃ ।
ஓம் வம் ஷண்முகா²ய ஶரஜந்மநே ஶுப⁴லக்ஷணாய ஶிகி²வாஹநாய மத்⁴யமாப்⁴யாம் நமஃ ।
ஓம் ணம் க்ருஶாநுஸம்ப⁴வாய கவசிநே குக்குடத்⁴வஜாய அநாமிகாப்⁴யாம் நமஃ ।
ஓம் ப⁴ம் கம்த³ர்பகோடிதீ³ப்யமாநாய த்³விஷட்³பா³ஹவே த்³வாத³ஶாக்ஷாய கநிஷ்டி²காப்⁴யாம் நமஃ ।
ஓம் வம் கே²டத⁴ராய க²ட்³கி³நே ஶக்திஹஸ்தாய கரதலகரப்ருஷ்டா²ப்⁴யாம் நமஃ ।
ஹ்ருத³யாதி³ந்யாஸஃ –
ஓம் ஶம் ஓம்காரஸ்வரூபாய ஓஜோத⁴ராய ஓஜஸ்விநே ஸுஹ்ருத³யாய ஹ்ருஷ்டசித்தாத்மநே பா⁴ஸ்வரரூபாய ஹ்ருத³யாய நமஃ ।
ஓம் ரம் ஷட்கோணமத்⁴யநிலயாய ஷட்கிரீடத⁴ராய ஶ்ரீமதே ஷடா³தா⁴ராய ஶிரஸே ஸ்வாஹா ।
ஓம் வம் ஷண்முகா²ய ஶரஜந்மநே ஶுப⁴லக்ஷணாய ஶிகி²வாஹநாய ஶிகா²யை வஷட் ।
ஓம் ணம் க்ருஶாநுஸம்ப⁴வாய கவசிநே குக்குடத்⁴வஜாய கவசாய ஹும் ।
ஓம் ப⁴ம் கம்த³ர்பகோடிதீ³ப்யமாநாய த்³விஷட்³பா³ஹவே த்³வாத³ஶாக்ஷாய நேத்ரத்ரயாய வௌஷட் ।
ஓம் வம் கே²டத⁴ராய க²ட்³கி³நே ஶக்திஹஸ்தாய அஸ்த்ராய ப²ட் ।
பூ⁴ர்பு⁴வஸ்ஸுவரோமிதி தி³க்³விமோகஃ ।
ப²லஶ்ருதி ।
இதி நாம்நாம் ஸஹஸ்ராணி ஷண்முக²ஸ்ய ச நாரத³ ।
யஃ படே²ச்ச்²ருணுயாத்³வாபி ப⁴க்தியுக்தேந சேதஸா ॥ 1 ॥
ஸ ஸத்³யோ முச்யதே பாபைர்மநோவாக்காயஸம்ப⁴வைஃ ।
ஆயுர்வ்ருத்³தி⁴கரம் பும்ஸாம் ஸ்தை²ர்யவீர்யவிவர்த⁴நம் ॥ 2 ॥
வாக்யேநைகேந வக்ஷ்யாமி வாம்சி²தார்த²ம் ப்ரயச்ச²தி ।
தஸ்மாத்ஸர்வாத்மநா ப்³ரஹ்மந்நியமேந ஜபேத்ஸுதீ⁴ஃ ॥ 3 ॥
இதி ஸ்கம்த³புராணே ஈஶ்வரப்ரோக்தே ப்³ரஹ்மநாரத³ஸம்வாதே³ ஶ்ரீ ஸுப்³ரஹ்மண்ய ஸஹஸ்ரநாம ஸ்தோத்ரம் ।