Home › Pooja Library › Sri Shiva Aarati — English

Sri Shiva Aarati

sarveśaṃ parameśaṃ śrīpārvatīśaṃ vande’haṃ viśveśaṃ śrīpannageśam ।
śrīsāmbaṃ śambhuṃ śivaṃ trailokyapūjyaṃ vande’haṃ trainetraṃ śrīkaṇṭhamīśam ॥ 1॥

bhasmāmbaradharamīśaṃ surapārijātaṃ bilvārcitapadayugalaṃ somaṃ someśam ।
jagadālayapariśobhitadevaṃ paramātmaṃ vande’haṃ śivaśaṅkaramīśaṃ deveśam ॥ 2॥

kailāsapriyavāsaṃ karuṇākaramīśaṃ kātyāyanīvilasitapriyavāmabhāgam ।
praṇavārcitamātmārcitaṃ saṃsevitarūpaṃ vande’haṃ śivaśaṅkaramīśaṃ deveśam ॥ 3॥

manmathanijamadadahanaṃ dākṣāyanīśaṃ nirguṇaguṇasambharitaṃ kaivalyapuruṣam ।
bhaktānugrahavigrahamānandajaikaṃ vande’haṃ śivaśaṅkaramīśaṃ deveśam ॥ 4॥

suragaṅgāsamplāvitapāvananijaśikharaṃ samabhūṣitaśaśibimbaṃ jaṭādharaṃ devam ।
niratojjvaladāvānalanayanaphālabhāgaṃ vande’haṃ śivaśaṅkaramīśaṃ deveśam ॥ 5॥

śaśisūryanetradvayamārādhyapuruṣaṃ surakinnarapannagamayamīśaṃ saṅkāśam ।
śaravaṇabhavasampūjitanijapādapadmaṃ vande’haṃ śivaśaṅkaramīśaṃ deveśam ॥ 6॥

śrīśailapuravāsaṃ īśaṃ mallīśaṃ śrīkālahastīśaṃ svarṇamukhīvāsam ।
kāñcīpuramīśaṃ śrīkāmākṣītejaṃ vande’haṃ śivaśaṅkaramīśaṃ deveśam ॥ 7॥

tripurāntakamīśaṃ aruṇācaleśaṃ dakṣiṇāmūrtiṃ guruṃ lokapūjyam ।
cidambarapuravāsaṃ pañcaliṅgamūrtiṃ vande’haṃ śivaśaṅkaramīśaṃ deveśam ॥ 8॥

jyotirmayaśubhaliṅgaṃ saṅkhyātrayanāṭyaṃ trayīvedyamādyaṃ pañcānanamīśam ।
vedādbhutagātraṃ vedārṇavajanitaṃ vedāgraṃ viśvāgraṃ śrīviśvanātham ॥ 9॥

OHTCC Assistant ✕
🙏 Namaste! How can I help you today?