Home › Pooja Library › ಶ್ರೀ ರಾಮಾಷ್ಟಕಮ್ — ಕನ್ನಡ

ಶ್ರೀ ರಾಮಾಷ್ಟಕಮ್

ಭಜೇ ವಿಶೇಷಸುನ್ದರಂ ಸಮಸ್ತಪಾಪಖಣ್ಡನಮ್ ।
ಸ್ವಭಕ್ತಚಿತ್ತರಞ್ಜನಂ ಸದೈವ ರಾಮಮದ್ವಯಮ್ ॥1॥

ಜಟಾಕಲಾಪಶೋಭಿತಂ ಸಮಸ್ತಪಾಪನಾಶಕಮ್ ।
ಸ್ವಭಕ್ತಭೀತಿಭಞ್ಜನಂ ಭಜೇ ಹ ರಾಮಮದ್ವಯಮ್ ॥2॥

ನಿಜಸ್ವರೂಪಬೋಧಕಂ ಕೃಪಾಕರಂ ಭವಾಪಹಮ್ ।
ಸಮಂ ಶಿವಂ ನಿರಞ್ಜನಂ ಭಜೇ ಹ ರಾಮಮದ್ವಯಮ್ ॥3॥

ಸಹಪ್ರಪಞ್ಚಕಲ್ಪಿತಂ ಹ್ಯನಾಮರೂಪವಾಸ್ತವಮ್ ।
ನಿರಾಕೃತಿಂ ನಿರಾಮಯಂ ಭಜೇ ಹ ರಾಮಮದ್ವಯಮ್ ॥4॥

ನಿಷ್ಪ್ರಪಞ್ಚನಿರ್ವಿಕಲ್ಪನಿರ್ಮಲಂ ನಿರಾಮಯಮ್ ।
ಚಿದೇಕರೂಪಸನ್ತತಂ ಭಜೇ ಹ ರಾಮಮದ್ವಯಮ್ ॥5॥

ಭವಾಬ್ಧಿಪೋತರೂಪಕಂ ಹ್ಯಶೇಷದೇಹಕಲ್ಪಿತಮ್ ।
ಗುಣಾಕರಂ ಕೃಪಾಕರಂ ಭಜೇ ಹ ರಾಮಮದ್ವಯಮ್ ॥6॥

ಮಹಾವಾಕ್ಯಬೋಧಕೈರ್ವಿರಾಜಮಾನವಾಕ್ಪದೈಃ ।
ಪರಂ ಚ ಬ್ರಹ್ಮ ವ್ಯಾಪಕಂ ಭಜೇ ಹ ರಾಮಮದ್ವಯಮ್ ॥7॥

ಶಿವಪ್ರದಂ ಸುಖಪ್ರದಂ ಭವಚ್ಛಿದಂ ಭ್ರಮಾಪಹಮ್ ।
ವಿರಾಜಮಾನದೈಶಿಕಂ ಭಜೇ ಹ ರಾಮಮದ್ವಯಮ್ ॥8॥

ರಾಮಾಷ್ಟಕಂ ಪಠತಿ ಯಃ ಸುಕರಂ ಸುಪುಣ್ಯಂವ್ಯಾಸೇನ ಭಾಷಿತಮಿದಂ ಶೃಣುತೇ ಮನುಷ್ಯಃ ।
ವಿದ್ಯಾಂ ಶ್ರಿಯಂ ವಿಪುಲಸೌಖ್ಯಮನನ್ತಕೀರ್ತಿಂಸಮ್ಪ್ರಾಪ್ಯ ದೇಹವಿಲಯೇ ಲಭತೇ ಚ ಮೋಕ್ಷಮ್ ॥9॥

॥ ಇತಿ ರಾಮಾಷ್ಟಕಮ್ ಸಮ್ಪೂರ್ಣಮ್ ॥

OHTCC Assistant ✕
🙏 Namaste! How can I help you today?