ஶ்ரீ ஹனுமான் (ஆஞ்ஜநேய) ஸஹஸ்ர நாம ஸ்தோத்ரம்
விநியோக³ஃ
அஸ்ய ஶ்ரீஹநுமத்ஸஹஸ்ரநாமஸ்தோத்ரமஹாமந்த்ரஸ்ய ஶ்ரீராமசந்த்³ர ருஷிஃ அநுஷ்டுப்ச²ந்த³ஃ ஶ்ரீஹநுமாந்மஹாருத்³ரோ தே³வதா ஹ்ரீம் ஶ்ரீம் ஹ்ரௌம் ஹ்ராம் பீ³ஜம் ஶ்ரீம் இதி ஶக்திஃ கிலிகில பு³பு³ காரேண இதி கீலகம் லங்காவித்⁴வம்ஸநேதி கவசம் மம ஸர்வோபத்³ரவஶாந்த்யர்தே² மம ஸர்வகார்யஸித்³த்⁴யர்தே² ஜபே விநியோக³ஃ ।
த்⁴யாநம்
ப்ரதப்தஸ்வர்ணவர்ணாப⁴ம் ஸம்ரக்தாருணலோசநம் ।
ஸுக்³ரீவாதி³யுதம் த்⁴யாயேத் பீதாம்ப³ரஸமாவ்ருதம் ॥
கோ³ஷ்பதீ³க்ருதவாராஶிம் புச்ச²மஸ்தகமீஶ்வரம் ।
ஜ்ஞாநமுத்³ராம் ச பி³ப்⁴ராணம் ஸர்வாலங்காரபூ⁴ஷிதம் ॥
வாமஹஸ்தஸமாக்ருஷ்டத³ஶாஸ்யாநநமண்ட³லம் ।
உத்³யத்³த³க்ஷிணதோ³ர்த³ண்ட³ம் ஹநூமந்தம் விசிந்தயேத் ॥
ஸ்தோத்ரம்
ஹநூமாந் ஶ்ரீப்ரதோ³ வாயுபுத்ரோ ருத்³ரோ நயோ’ஜரஃ ।
அம்ருத்யுர்வீரவீரஶ்ச க்³ராமவாஸோ ஜநாஶ்ரயஃ ॥ 1 ॥
த⁴நதோ³ நிர்கு³ணாகாரோ வீரோ நிதி⁴பதிர்முநிஃ ।
பிங்கா³க்ஷோ வரதோ³ வாக்³மீ ஸீதாஶோகவிநாஶநஃ ॥ 2 ॥
ஶிவஃ ஶர்வஃ பரோ’வ்யக்தோ வ்யக்தாவ்யக்தோ த⁴ராத⁴ரஃ ।
பிங்க³கேஶஃ பிங்க³ரோமா ஶ்ருதிக³ம்யஃ ஸநாதநஃ ॥ 3 ॥
அநாதி³ர்ப⁴க³வாந் தி³வ்யோ விஶ்வஹேதுர்நராஶ்ரயஃ ।
ஆரோக்³யகர்தா விஶ்வேஶோ விஶ்வநாதோ² ஹரீஶ்வரஃ ॥ 4 ॥
ப⁴ர்கோ³ ராமோ ராமப⁴க்தஃ கல்யாணப்ரக்ருதீஶ்வரஃ ।
விஶ்வம்ப⁴ரோ விஶ்வமூர்திர்விஶ்வாகாரோ’த² விஶ்வபஃ ॥ 5 ॥
விஶ்வாத்மா விஶ்வஸேவ்யோ’த² விஶ்வோ விஶ்வத⁴ரோ ரவிஃ ।
விஶ்வசேஷ்டோ விஶ்வக³ம்யோ விஶ்வத்⁴யேயஃ கலாத⁴ரஃ ॥ 6 ॥
ப்லவங்க³மஃ கபிஶ்ரேஷ்டோ² ஜ்யேஷ்டோ² வேத்³யோ வநேசரஃ ।
பா³லோ வ்ருத்³தோ⁴ யுவா தத்த்வம் தத்த்வக³ம்யஃ ஸகா² ஹ்யஜஃ ॥ 7 ॥
அஞ்ஜநாஸூநுரவ்யக்³ரோ க்³ராமஸ்யாந்தோ த⁴ராத⁴ரஃ ।
பூ⁴ர்பு⁴வஃஸ்வர்மஹர்லோகோ ஜநோலோகஸ்தபோ’வ்யயஃ ॥ 8 ॥
ஸத்யமோங்காரக³ம்யஶ்ச ப்ரணவோ வ்யாபகோ’மலஃ ।
ஶிவத⁴ர்மப்ரதிஷ்டா²தா ராமேஷ்டஃ ப²ல்கு³நப்ரியஃ ॥ 9 ॥
கோ³ஷ்பதீ³க்ருதவாரீஶஃ பூர்ணகாமோ த⁴ராபதிஃ ।
ரக்ஷோக்⁴நஃ புண்ட³ரீகாக்ஷஃ ஶரணாக³தவத்ஸலஃ ॥ 10 ॥
ஜாநகீப்ராணதா³தா ச ரக்ஷஃப்ராணாபஹாரகஃ ।
பூர்ணஃ ஸத்யஃ பீதவாஸா தி³வாகரஸமப்ரப⁴ஃ ॥ 11 ॥
த்³ரோணஹர்தா ஶக்திநேதா ஶக்திராக்ஷஸமாரகஃ ।
அக்ஷக்⁴நோ ராமதூ³தஶ்ச ஶாகிநீஜீவிதாஹரஃ ॥ 12 ॥
பு³பூ⁴காரஹதாராதிர்க³ர்வபர்வதமர்த³நஃ ।
ஹேதுஸ்த்வஹேதுஃ ப்ராம்ஶுஶ்ச விஶ்வகர்தா ஜக³த்³கு³ருஃ ॥ 13 ॥
ஜக³ந்நாதோ² ஜக³ந்நேதா ஜக³தீ³ஶோ ஜநேஶ்வரஃ ।
ஜக³த்ஶ்ரிதோ ஹரிஃ ஶ்ரீஶோ க³ருட³ஸ்மயப⁴ஞ்ஜகஃ ॥ 14 ॥
பார்த²த்⁴வஜோ வாயுபுத்ரஃ ஸிதபுச்சோ²’மிதப்ரப⁴ஃ ।
ப்³ரஹ்மபுச்ச²ஃ பரப்³ரஹ்மபுச்சோ² ராமேஷ்டகாரகஃ ॥ 15 ॥
ஸுக்³ரீவாதி³யுதோ ஜ்ஞாநீ வாநரோ வாநரேஶ்வரஃ ।
கல்பஸ்தா²யீ சிரஞ்ஜீவீ ப்ரஸந்நஶ்ச ஸதா³ஶிவஃ ॥ 16 ॥
ஸந்மதிஃ ஸத்³க³திர்பு⁴க்திமுக்தித³ஃ கீர்திதா³யகஃ ।
கீர்திஃ கீர்திப்ரத³ஶ்சைவ ஸமுத்³ரஃ ஶ்ரீப்ரத³ஃ ஶிவஃ ॥ 17 ॥
உத³தி⁴க்ரமணோ தே³வஃ ஸம்ஸாரப⁴யநாஶநஃ ।
வாலிப³ந்த⁴நக்ருத்³விஶ்வஜேதா விஶ்வப்ரதிஷ்டி²தஃ ॥ 18 ॥
லங்காரிஃ காலபுருஷோ லங்கேஶக்ரு³ஹப⁴ஞ்ஜநஃ ।
பூ⁴தாவாஸோ வாஸுதே³வோ வஸுஸ்த்ரிபு⁴வநேஶ்வரஃ ॥ 19 ॥
ஶ்ரீராமரூபஃ க்ருஷ்ணஸ்து லங்காப்ராஸாத³ப⁴ஞ்ஜநஃ ।
க்ருஷ்ணஃ க்ருஷ்ணஸ்துதஃ ஶாந்தஃ ஶாந்திதோ³ விஶ்வபா⁴வநஃ ॥ 20 ॥
விஶ்வபோ⁴க்தா’த² மாரக்⁴நோ ப்³ரஹ்மசாரீ ஜிதேந்த்³ரியஃ ।
ஊர்த்⁴வகோ³ லாங்கு³லீ மாலீ லாங்கூ³லாஹதராக்ஷஸஃ ॥ 21 ॥
ஸமீரதநுஜோ வீரோ வீரமாரோ ஜயப்ரத³ஃ ।
ஜக³ந்மங்க³ளத³ஃ புண்யஃ புண்யஶ்ரவணகீர்தநஃ ॥ 22 ॥
புண்யகீர்திஃ புண்யகீ³திர்ஜக³த்பாவநபாவநஃ ।
தே³வேஶோ’மிதரோமா’த² ராமப⁴க்தவிதா⁴யகஃ ॥ 23 ॥
த்⁴யாதா த்⁴யேயோ ஜக³த்ஸாக்ஷீ சேதா சைதந்யவிக்³ரஹஃ ।
ஜ்ஞாநத³ஃ ப்ராணத³ஃ ப்ராணோ ஜக³த்ப்ராணஃ ஸமீரணஃ ॥ 24 ॥
விபீ⁴ஷணப்ரியஃ ஶூரஃ பிப்பலாஶ்ரயஸித்³தி⁴த³ஃ ।
ஸித்³த⁴ஃ ஸித்³தா⁴ஶ்ரயஃ காலஃ காலப⁴க்ஷகபூஜிதஃ ॥ 25 ॥
லங்கேஶநித⁴நஸ்தா²யீ லங்காதா³ஹக ஈஶ்வரஃ ।
சந்த்³ரஸூர்யாக்³நிநேத்ரஶ்ச காலாக்³நிஃ ப்ரலயாந்தகஃ ॥ 26 ॥
கபிலஃ கபிஶஃ புண்யராதிர்த்³வாத³ஶராஶிக³ஃ ।
ஸர்வாஶ்ரயோ’ப்ரமேயாத்மா ரேவத்யாதி³நிவாரகஃ ॥ 27 ॥
லக்ஷ்மணப்ராணதா³தா ச ஸீதாஜீவநஹேதுகஃ ।
ராமத்⁴யாயீ ஹ்ருஷீகேஶோ விஷ்ணுப⁴க்தோ ஜடீ ப³லீ ॥ 28 ॥
தே³வாரித³ர்பஹா ஹோதா தா⁴தா கர்தா ஜக³த்ப்ரபு⁴ஃ ।
நக³ரக்³ராமபாலஶ்ச ஶுத்³தோ⁴ பு³த்³தோ⁴ நிரந்தரஃ ॥ 29 ॥
நிரஞ்ஜநோ நிர்விகல்போ கு³ணாதீதோ ப⁴யங்கரஃ ।
ஹநுமாம்ஶ்ச து³ராராத்⁴யஸ்தபஃஸாத்⁴யோ மஹேஶ்வரஃ ॥ 30 ॥
ஜாநகீக⁴நஶோகோத்த²தாபஹர்தா பராஶரஃ ।
வாங்மயஃ ஸத³ஸத்³ரூபஃ காரணம் ப்ரக்ருதேஃ பரஃ ॥ 31 ॥
பா⁴க்³யதோ³ நிர்மலோ நேதா புச்ச²லங்காவிதா³ஹகஃ ।
புச்ச²ப³த்³தோ⁴ யாதுதா⁴நோ யாதுதா⁴நரிபுப்ரியஃ ॥ 32 ॥
சா²யாபஹாரீ பூ⁴தேஶோ லோகேஶஃ ஸத்³க³திப்ரத³ஃ ।
ப்லவங்க³மேஶ்வரஃ க்ரோத⁴ஃ க்ரோத⁴ஸம்ரக்தலோசநஃ ॥ 33 ॥
க்ரோத⁴ஹர்தா தாபஹர்தா ப⁴க்தாப⁴யவரப்ரத³ஃ ।
ப⁴க்தாநுகம்பீ விஶ்வேஶஃ புருஹூதஃ புரந்த³ரஃ ॥ 34 ॥
அக்³நிர்விபா⁴வஸுர்பா⁴ஸ்வாந் யமோ நிர்ருதிரேவ ச ।
வருணோ வாயுக³திமாந் வாயுஃ குபே³ர ஈஶ்வரஃ ॥ 35 ॥
ரவிஶ்சந்த்³ரஃ குஜஃ ஸௌம்யோ கு³ருஃ காவ்யஃ ஶநைஶ்சரஃ ।
ராஹுஃ கேதுர்மருத்³தா³தா தா⁴தா ஹர்தா ஸமீரஜஃ ॥ 36 ॥
மஶகீக்ருததே³வாரிர்தை³த்யாரிர்மது⁴ஸூத³நஃ ।
காமஃ கபிஃ காமபாலஃ கபிலோ விஶ்வஜீவநஃ ॥ 37 ॥
பா⁴கீ³ரதீ²பதா³ம்போ⁴ஜஃ ஸேதுப³ந்த⁴விஶாரத³ஃ ।
ஸ்வாஹா ஸ்வதா⁴ ஹவிஃ கவ்யம் ஹவ்யவாஹஃ ப்ரகாஶகஃ ॥ 38 ॥
ஸ்வப்ரகாஶோ மஹாவீரோ மது⁴ரோ’மிதவிக்ரமஃ ।
உட்³டீ³நோட்³டீ³நக³திமாந் ஸத்³க³திஃ புருஷோத்தமஃ ॥ 39 ॥
ஜக³தா³த்மா ஜக³த்³யோநிர்ஜக³த³ந்தோ ஹ்யநந்தரஃ ।
விபாப்மா நிஷ்கலங்கோ’த² மஹாந் மஹத³ஹங்க்ருதிஃ ॥ 40 ॥
க²ம் வாயுஃ ப்ருதி²வீ சாபோ வஹ்நிர்தி³க் கால ஏகலஃ ।
க்ஷேத்ரஜ்ஞஃ க்ஷேத்ரபாலஶ்ச பல்வலீக்ருதஸாக³ரஃ ॥ 41 ॥
ஹிரண்மயஃ புராணஶ்ச கே²சரோ பூ⁴சரோ மநுஃ ।
ஹிரண்யக³ர்ப⁴ஃ ஸூத்ராத்மா ராஜராஜோ விஶாம் பதிஃ ॥ 42 ॥
வேதா³ந்தவேத்³ய உத்³கீ³தோ² வேதா³ங்கோ³ வேத³பாரக³ஃ ।
ப்ரதிக்³ராமஸ்தி²தஃ ஸத்³யஃ ஸ்பூ²ர்திதா³தா கு³ணாகரஃ ॥ 43 ॥
நக்ஷத்ரமாலீ பூ⁴தாத்மா ஸுரபி⁴ஃ கல்பபாத³பஃ ।
சிந்தாமணிர்கு³ணநிதி⁴ஃ ப்ரஜாத்³வாரமநுத்தமஃ ॥ 44 ॥
புண்யஶ்லோகஃ புராராதிஃ மதிமாந் ஶர்வரீபதிஃ ।
கில்கிலாராவஸந்த்ரஸ்தபூ⁴தப்ரேதபிஶாசகஃ ॥ 45 ॥
ருணத்ரயஹரஃ ஸூக்ஷ்மஃ ஸ்தூ²லஃ ஸர்வக³திஃ புமாந் ।
அபஸ்மாரஹரஃ ஸ்மர்தா ஶ்ருதிர்கா³தா² ஸ்ம்ருதிர்மநுஃ ॥ 46 ॥
ஸ்வர்க³த்³வாரம் ப்ரஜாத்³வாரம் மோக்ஷத்³வாரம் யதீஶ்வரஃ ।
நாத³ரூபம் பரம் ப்³ரஹ்ம ப்³ரஹ்ம ப்³ரஹ்மபுராதநஃ ॥ 47 ॥
ஏகோ’நேகோ ஜநஃ ஶுக்லஃ ஸ்வயஞ்ஜ்யோதிரநாகுலஃ ।
ஜ்யோதிர்ஜ்யோதிரநாதி³ஶ்ச ஸாத்த்விகோ ராஜஸஸ்தமஃ ॥ 48 ॥
தமோஹர்தா நிராலம்போ³ நிராகாரோ கு³ணாகரஃ ।
கு³ணாஶ்ரயோ கு³ணமயோ ப்ரு³ஹத்காயோ ப்ரு³ஹத்³யஶாஃ ॥ 49 ॥
ப்ரு³ஹத்³த⁴நுர்ப்ரு³ஹத்பாதோ³ ப்ரு³ஹந்மூர்தா⁴ ப்ரு³ஹத்ஸ்வநஃ ।
ப்ரு³ஹத்கர்ணோ ப்ரு³ஹந்நாஸோ ப்ரு³ஹத்³பா³ஹுர்ப்ரு³ஹத்தநுஃ ॥ 50 ॥
ப்ரு³ஹத்³க³லோ ப்ரு³ஹத்காயோ ப்ரு³ஹத்புச்சோ² ப்ரு³ஹத்கரஃ ।
ப்ரு³ஹத்³க³திர்ப்ரு³ஹத்ஸேவோ ப்ரு³ஹல்லோகப²லப்ரத³ஃ ॥ 51 ॥
ப்ரு³ஹத்³ப⁴க்திர்ப்ரு³ஹத்³வாஞ்சா²ப²லதோ³ ப்ரு³ஹதீ³ஶ்வரஃ ।
ப்ரு³ஹல்லோகநுதோ த்³ரஷ்டா வித்³யாதா³தா ஜக³த்³கு³ருஃ ॥ 52 ॥
தே³வாசார்யஃ ஸத்யவாதீ³ ப்³ரஹ்மவாதீ³ கலாத⁴ரஃ ।
ஸப்தபாதாலகா³மீ ச மலயாசலஸம்ஶ்ரயஃ ॥ 53 ॥
உத்தராஶாஸ்தி²தஃ ஶ்ரீஶோ தி³வ்யௌஷதி⁴வஶஃ க²க³ஃ ।
ஶாகா²ம்ருக³ஃ கபீந்த்³ரோ’த² புராணஃ ப்ராணசஞ்சுரஃ ॥ 54 ॥
சதுரோ ப்³ராஹ்மணோ யோகீ³ யோகி³க³ம்யஃ பரோ’வரஃ ।
அநாதி³நித⁴நோ வ்யாஸோ வைகுண்ட²ஃ ப்ருதி²வீபதிஃ ॥ 55 ॥
அபராஜிதோ ஜிதாராதிஃ ஸதா³நந்த³த³ ஈஶிதா ।
கோ³பாலோ கோ³பதிர்யோத்³தா⁴ கலிஃ ஸ்பா²லஃ பராத்பரஃ ॥ 56 ॥
மநோவேகீ³ ஸதா³யோகீ³ ஸம்ஸாரப⁴யநாஶநஃ ।
தத்த்வதா³தா’த² தத்த்வஜ்ஞஸ்தத்த்வம் தத்த்வப்ரகாஶகஃ ॥ 57 ॥
ஶுத்³தோ⁴ பு³த்³தோ⁴ நித்யயுக்தோ ப⁴க்தாகாரோ ஜக³த்³ரத²ஃ ।
ப்ரலயோ’மிதமாயஶ்ச மாயாதீதோ விமத்ஸரஃ ॥ 58 ॥
மாயாநிர்ஜிதரக்ஷாஶ்ச மாயாநிர்மிதவிஷ்டபஃ ।
மாயாஶ்ரயஶ்ச நிர்லேபோ மாயாநிர்வர்தகஃ ஸுகீ² ॥ 59 ॥
ஸுக²ம் ஸுக²ப்ரதோ³ நாகோ³ மஹேஶக்ருதஸம்ஸ்தவஃ ।
மஹேஶ்வரஃ ஸத்யஸந்த⁴ஃ ஶரப⁴ஃ கலிபாவநஃ ॥ 60 ॥
ரஸோ ரஸஜ்ஞஃ ஸந்மாநோ ரூபம் சக்ஷுஃ ஶ்ருதீ ரவஃ ।
க்⁴ராணம் க³ந்த⁴ஃ ஸ்பர்ஶநம் ச ஸ்பர்ஶோ ஹிங்காரமாநக³ஃ ॥ 61 ॥
நேதிநேதீதிக³ம்யஶ்ச வைகுண்ட²ப⁴ஜநப்ரியஃ ।
கி³ரிஶோ கி³ரிஜாகாந்தோ து³ர்வாஸாஃ கவிரங்கி³ராஃ ॥ 62 ॥
ப்ரு⁴கு³ர்வஸிஷ்ட²ஶ்ச்யவநோ நாரத³ஸ்தும்பு³ருர்ஹரஃ ।
விஶ்வக்ஷேத்ரம் விஶ்வபீ³ஜம் விஶ்வநேத்ரம் ச விஶ்வபஃ ॥ 63 ॥
யாஜகோ யஜமாநஶ்ச பாவகஃ பிதரஸ்ததா² ।
ஶ்ரத்³தா⁴ பு³த்³தி⁴ஃ க்ஷமா தந்த்³ரா மந்த்ரோ மந்த்ரயிதா ஸுரஃ ॥ 64 ॥
ராஜேந்த்³ரோ பூ⁴பதீ ரூடோ⁴ மாலீ ஸம்ஸாரஸாரதி²ஃ ।
நித்யஃ ஸம்பூர்ணகாமஶ்ச ப⁴க்தகாமது⁴கு³த்தமஃ ॥ 65 ॥
க³ணபஃ கேஶவோ ப்⁴ராதா பிதா மாதா’த² மாருதிஃ ।
ஸஹஸ்ரமூர்தா⁴ ஸஹஸ்ராஸ்யஃ ஸஹஸ்ராக்ஷஃ ஸஹஸ்ரபாத் ॥ 66 ॥
காமஜித் காமத³ஹநஃ காமஃ காம்யப²லப்ரத³ஃ ।
முத்³ரோபஹாரீ ரக்ஷோக்⁴நஃ க்ஷிதிபா⁴ரஹரோ ப³லஃ ॥ 67 ॥
நக²த³ம்ஷ்ட்ராயுதோ⁴ விஷ்ணுப⁴க்தோ ப⁴க்தாப⁴யப்ரத³ஃ ।
த³ர்பஹா த³ர்பதோ³ த³ம்ஷ்ட்ராஶதமூர்திரமூர்திமாந் ॥ 68 ॥
மஹாநிதி⁴ர்மஹாபா⁴கோ³ மஹாப⁴ர்கோ³ மஹர்தி⁴த³ஃ ।
மஹாகாரோ மஹாயோகீ³ மஹாதேஜா மஹாத்³யுதிஃ ॥ 69 ॥
மஹாகர்மா மஹாநாதோ³ மஹாமந்த்ரோ மஹாமதிஃ ।
மஹாஶமோ மஹோதா³ரோ மஹாதே³வாத்மகோ விபு⁴ஃ ॥ 70 ॥
ருத்³ரகர்மா க்ரூரகர்மா ரத்நநாப⁴ஃ க்ருதாக³மஃ ।
அம்போ⁴தி⁴லங்க⁴நஃ ஸித்³த⁴ஃ ஸத்யத⁴ர்மா ப்ரமோத³நஃ ॥ 71 ॥
ஜிதாமித்ரோ ஜயஃ ஸோமோ விஜயோ வாயுவாஹநஃ ।
ஜீவோ தா⁴தா ஸஹஸ்ராம்ஶுர்முகுந்தோ³ பூ⁴ரித³க்ஷிணஃ ॥ 72 ॥
ஸித்³தா⁴ர்த²ஃ ஸித்³தி⁴த³ஃ ஸித்³த⁴ஃ ஸங்கல்பஃ ஸித்³தி⁴ஹேதுகஃ ।
ஸப்தபாதாலசரணஃ ஸப்தர்ஷிக³ணவந்தி³தஃ ॥ 73 ॥
ஸப்தாப்³தி⁴லங்க⁴நோ வீரஃ ஸப்தத்³வீபோருமண்ட³லஃ ।
ஸப்தாங்க³ராஜ்யஸுக²த³ஃ ஸப்தமாத்ருநிஷேவிதஃ ॥ 74 ॥
ஸப்தலோகைகமகுடஃ ஸப்தஹோத்ரஃ ஸ்வராஶ்ரயஃ ।
ஸப்தஸாமோபகீ³தஶ்ச ஸப்தபாதாலஸம்ஶ்ரயஃ ॥ 75 ॥
ஸப்தச்ச²ந்தோ³நிதி⁴ஃ ஸப்தச்ச²ந்த³ஃ ஸப்தஜநாஶ்ரயஃ ।
மேதா⁴த³ஃ கீர்தித³ஃ ஶோகஹாரீ தௌ³ர்பா⁴க்³யநாஶநஃ ॥ 76 ॥
ஸர்வவஶ்யகரோ க³ர்ப⁴தோ³ஷஹா புத்ரபௌத்ரத³ஃ ।
ப்ரதிவாதி³முக²ஸ்தம்போ⁴ ருஷ்டசித்தப்ரஸாத³நஃ ॥ 77 ॥
பராபி⁴சாரஶமநோ து³ஃக²ஹா ப³ந்த⁴மோக்ஷத³ஃ ।
நவத்³வாரபுராதா⁴ரோ நவத்³வாரநிகேதநஃ ॥ 78 ॥
நரநாராயணஸ்துத்யோ நவநாத²மஹேஶ்வரஃ ।
மேக²லீ கவசீ க²ட்³கீ³ ப்⁴ராஜிஷ்ணுர்ஜிஷ்ணுஸாரதி²ஃ ॥ 79 ॥
ப³ஹுயோஜநவிஸ்தீர்ணபுச்ச²ஃ புச்ச²ஹதாஸுரஃ ।
து³ஷ்டஹந்தா நியமிதா பிஶாசக்³ரஹஶாதநஃ ॥ 80 ॥
பா³லக்³ரஹவிநாஶீ ச த⁴ர்மநேதா க்ருபாகரஃ ।
உக்³ரக்ருத்யஶ்சோக்³ரவேக³ உக்³ரநேத்ரஃ ஶதக்ரதுஃ ॥ 81 ॥
ஶதமந்யுஸ்துதஃ ஸ்துத்யஃ ஸ்துதிஃ ஸ்தோதா மஹாப³லஃ ।
ஸமக்³ரகு³ணஶாலீ ச வ்யக்³ரோ ரக்ஷோவிநாஶநஃ ॥ 82 ॥
ரக்ஷோ’க்³நிதா³வோ ப்³ரஹ்மேஶஃ ஶ்ரீத⁴ரோ ப⁴க்தவத்ஸலஃ ।
மேக⁴நாதோ³ மேக⁴ரூபோ மேக⁴வ்ருஷ்டிநிவாரணஃ ॥ 83 ॥
மேக⁴ஜீவநஹேதுஶ்ச மேக⁴ஶ்யாமஃ பராத்மகஃ ।
ஸமீரதநயோ தா⁴தா தத்த்வவித்³யாவிஶாரத³ஃ ॥ 84 ॥
அமோகோ⁴’மோக⁴வ்ருஷ்டிஶ்சாபீ⁴ஷ்டதோ³’நிஷ்டநாஶநஃ ।
அர்தோ²’நர்தா²பஹாரீ ச ஸமர்தோ² ராமஸேவகஃ ॥ 85 ॥
அர்தீ² த⁴ந்யோ’ஸுராராதிஃ புண்ட³ரீகாக்ஷ ஆத்மபூ⁴ஃ ।
ஸங்கர்ஷணோ விஶுத்³தா⁴த்மா வித்³யாராஶிஃ ஸுரேஶ்வரஃ ॥ 86 ॥
அசலோத்³தா⁴ரகோ நித்யஃ ஸேதுக்ருத்³ராமஸாரதி²ஃ ।
ஆநந்த³ஃ பரமாநந்தோ³ மத்ஸ்யஃ கூர்மோ நிதி⁴ஃ ஶயஃ ॥ 87 ॥
வராஹோ நாரஸிம்ஹஶ்ச வாமநோ ஜமத³க்³நிஜஃ ।
ராமஃ க்ருஷ்ணஃ ஶிவோ பு³த்³த⁴ஃ கல்கீ ராமாஶ்ரயோ ஹரிஃ ॥ 88 ॥
நந்தீ³ ப்ரு⁴ங்கீ³ ச சண்டீ³ ச க³ணேஶோ க³ணஸேவிதஃ ।
கர்மாத்⁴யக்ஷஃ ஸுராராமோ விஶ்ராமோ ஜக³தீபதிஃ ॥ 89 ॥
ஜக³ந்நாத²ஃ கபீஶஶ்ச ஸர்வாவாஸஃ ஸதா³ஶ்ரயஃ ।
ஸுக்³ரீவாதி³ஸ்துதோ தா³ந்தஃ ஸர்வகர்மா ப்லவங்க³மஃ ॥ 90 ॥
நக²தா³ரிதரக்ஷஶ்ச நக²யுத்³த⁴விஶாரத³ஃ ।
குஶலஃ ஸுத⁴நஃ ஶேஷோ வாஸுகிஸ்தக்ஷகஸ்ததா² ॥ 91 ॥
ஸ்வர்ணவர்ணோ ப³லாட்⁴யஶ்ச புருஜேதா’க⁴நாஶநஃ ।
கைவல்யதீ³பஃ கைவல்யோ க³ருட³ஃ பந்நகோ³ கு³ருஃ ॥ 92 ॥
க்லீக்லீராவஹதாராதிக³ர்வஃ பர்வதபே⁴த³நஃ ।
வஜ்ராங்கோ³ வஜ்ரவக்த்ரஶ்ச ப⁴க்தவஜ்ரநிவாரகஃ ॥ 93 ॥
நகா²யுதோ⁴ மணிக்³ரீவோ ஜ்வாலாமாலீ ச பா⁴ஸ்கரஃ ।
ப்ரௌட⁴ப்ரதாபஸ்தபநோ ப⁴க்ததாபநிவாரகஃ ॥ 94 ॥
ஶரணம் ஜீவநம் போ⁴க்தா நாநாசேஷ்டோ’த² சஞ்சலஃ ।
ஸ்வஸ்த²ஸ்த்வஸ்வாஸ்த்²யஹா து³ஃக²ஶாதநஃ பவநாத்மஜஃ ॥ 95 ॥
பவநஃ பாவநஃ காந்தோ ப⁴க்தாங்க³ஃ ஸஹநோ ப³லஃ ।
மேக⁴நாத³ரிபுர்மேக⁴நாத³ஸம்ஹ்ருதராக்ஷஸஃ ॥ 96 ॥
க்ஷரோ’க்ஷரோ விநீதாத்மா வாநரேஶஃ ஸதாங்க³திஃ ।
ஶ்ரீகண்ட²ஃ ஶிதிகண்ட²ஶ்ச ஸஹாயஃ ஸஹநாயகஃ ॥ 97 ॥
அஸ்தூ²லஸ்த்வநணுர்ப⁴ர்கோ³ தே³வஸம்ஸ்ருதிநாஶநஃ ।
அத்⁴யாத்மவித்³யாஸாரஶ்சாப்யத்⁴யாத்மகுஶலஃ ஸுதீ⁴ஃ ॥ 98 ॥
அகல்மஷஃ ஸத்யஹேதுஃ ஸத்யத³ஃ ஸத்யகோ³சரஃ ।
ஸத்யக³ர்ப⁴ஃ ஸத்யரூபஃ ஸத்யஃ ஸத்யபராக்ரமஃ ॥ 99 ॥
அஞ்ஜநாப்ராணலிங்க³ம் ச வாயுவம்ஶோத்³ப⁴வஃ ஶ்ருதிஃ ।
ப⁴த்³ரரூபோ ருத்³ரரூபஃ ஸுரூபஶ்சித்ரரூபத்ரு⁴க் ॥ 100 ॥
மைநாகவந்தி³தஃ ஸூக்ஷ்மத³ர்ஶநோ விஜயோ ஜயஃ ।
க்ராந்ததி³ங்மண்ட³லோ ருத்³ரஃ ப்ரகடீக்ருதவிக்ரமஃ ॥ 101 ॥
கம்பு³கண்ட²ஃ ப்ரஸந்நாத்மா ஹ்ரஸ்வநாஸோ வ்ருகோத³ரஃ ।
லம்போ³ஷ்ட²ஃ குண்ட³லீ சித்ரமாலீ யோக³விதா³ம் வரஃ ॥ 102 ॥
விபஶ்சித் கவிராநந்த³விக்³ரஹோ’நல்பநாஶநஃ ।
பா²ல்கு³நீஸூநுரவ்யக்³ரோ யோகா³த்மா யோக³தத்பரஃ ॥ 103 ॥
யோக³வித்³யோக³கர்தா ச யோக³யோநிர்தி³க³ம்ப³ரஃ ।
அகாராதி³க்ஷகாராந்தவர்ணநிர்மிதவிக்³ரஹஃ ॥ 104 ॥
உலூக²லமுக²ஃ ஸித்³த⁴ஸம்ஸ்துதஃ பரமேஶ்வரஃ ।
ஶ்லிஷ்டஜங்க⁴ஃ ஶ்லிஷ்டஜாநுஃ ஶ்லிஷ்டபாணிஃ ஶிகா²த⁴ரஃ ॥ 105 ॥
ஸுஶர்மா’மிதத⁴ர்மா ச நாராயணபராயணஃ ।
ஜிஷ்ணுர்ப⁴விஷ்ணூ ரோசிஷ்ணுர்க்³ரஸிஷ்ணுஃ ஸ்தா²ணுரேவ ச ॥ 106 ॥
ஹரீ ருத்³ராநுக்ருத்³வ்ருக்ஷகம்பநோ பூ⁴மிகம்பநஃ ।
கு³ணப்ரவாஹஃ ஸூத்ராத்மா வீதராக³ஃ ஸ்துதிப்ரியஃ ॥ 107 ॥
நாக³கந்யாப⁴யத்⁴வம்ஸீ க்ருதபூர்ணஃ கபாலப்ரு⁴த் ।
அநுகூலோ’க்ஷயோ’பாயோ’நபாயோ வேத³பாரக³ஃ ॥ 108 ॥
அக்ஷரஃ புருஷோ லோகநாத²ஸ்த்ர்யக்ஷஃ ப்ரபு⁴ர்த்ரு³ட⁴ஃ ।
அஷ்டாங்க³யோக³ப²லபூ⁴ஃ ஸத்யஸந்த⁴ஃ புருஷ்டுதஃ ॥ 109 ॥
ஶ்மஶாநஸ்தா²நநிலயஃ ப்ரேதவித்³ராவணக்ஷமஃ ।
பஞ்சாக்ஷரபரஃ பஞ்சமாத்ருகோ ரஞ்ஜநோ த்⁴வஜஃ ॥ 110 ॥
யோகி³நீவ்ருந்த³வந்த்³யஶ்ரீஃ ஶத்ருக்⁴நோ’நந்தவிக்ரமஃ ।
ப்³ரஹ்மசாரீந்த்³ரியவபுர்த்ரு⁴தத³ண்டோ³ த³ஶாத்மகஃ ॥ 111 ॥
அப்ரபஞ்சஃ ஸதா³சாரஃ ஶூரஸேநோ விதா³ரகஃ ।
பு³த்³த⁴ஃ ப்ரமோத³ ஆநந்த³ஃ ஸப்தஜிஹ்வபதிர்த⁴ரஃ ॥ 112 ॥
நவத்³வாரபுராதா⁴ரஃ ப்ரத்யக்³ரஃ ஸாமகா³யநஃ ।
ஷட்சக்ரதா⁴மா ஸ்வர்லோகப⁴யஹ்ருந்மாநதோ³ மத³ஃ ॥ 113 ॥
ஸர்வவஶ்யகரஃ ஶக்திரநந்தோ’நந்தமங்க³ளஃ ।
அஷ்டமூர்தித⁴ரோ நேதா விரூபஃ ஸ்வரஸுந்த³ரஃ ॥ 114 ॥
தூ⁴மகேதுர்மஹாகேதுஃ ஸத்யகேதுர்மஹாரத²ஃ ।
நந்தீ³ப்ரியஃ ஸ்வதந்த்ரஶ்ச மேக²லீ ட³மருப்ரியஃ ॥ 115 ॥
லோஹிதாங்க³ஃ ஸமித்³வஹ்நிஃ ஷட்ரு³துஃ ஶர்வ ஈஶ்வரஃ ।
ப²லபு⁴க் ப²லஹஸ்தஶ்ச ஸர்வகர்மப²லப்ரத³ஃ ॥ 116 ॥
த⁴ர்மாத்⁴யக்ஷோ த⁴ர்மப²லோ த⁴ர்மோ த⁴ர்மப்ரதோ³’ர்த²த³ஃ ।
பஞ்சவிம்ஶதிதத்த்வஜ்ஞஸ்தாரகோ ப்³ரஹ்மதத்பரஃ ॥ 117 ॥
த்ரிமார்க³வஸதிர்பீ⁴மஃ ஸர்வது³ஷ்டநிப³ர்ஹணஃ ।
ஊர்ஜஃஸ்வாமீ ஜலஸ்வாமீ ஶூலீ மாலீ நிஶாகரஃ ॥ 118 ॥
ரக்தாம்ப³ரத⁴ரோ ரக்தோ ரக்தமால்யவிபூ⁴ஷணஃ ।
வநமாலீ ஶுபா⁴ங்க³ஶ்ச ஶ்வேதஃ ஶ்வேதாம்ப³ரோ யுவா ॥ 119 ॥
ஜயோ’ஜேயபரீவாரஃ ஸஹஸ்ரவத³நஃ கவிஃ ।
ஶாகிநீடா³கிநீயக்ஷரக்ஷோபூ⁴தப்ரப⁴ஞ்ஜநஃ ॥ 120 ॥
ஸத்³யோஜாதஃ காமக³திர்ஜ்ஞாநமூர்திர்யஶஸ்கரஃ ।
ஶம்பு⁴தேஜாஃ ஸார்வபௌ⁴மோ விஷ்ணுப⁴க்தஃ ப்லவங்க³மஃ ॥ 121 ॥
சதுர்ணவதிமந்த்ரஜ்ஞஃ பௌலஸ்த்யப³லத³ர்பஹா ।
ஸர்வலக்ஷ்மீப்ரத³ஃ ஶ்ரீமாநங்க³த³ப்ரியவர்த⁴நஃ ॥ 122 ॥
ஸ்ம்ருதிபீ³ஜம் ஸுரேஶாநஃ ஸம்ஸாரப⁴யநாஶநஃ ।
உத்தமஃ ஶ்ரீபரீவாரஃ ஶ்ரீபூ⁴ருக்³ரஶ்ச காமது⁴க் ॥ 123 ॥
ஸதா³க³திர்மாதரிஶ்வா ராமபாதா³ப்³ஜஷட்பத³ஃ ।
நீலப்ரியோ நீலவர்ணோ நீலவர்ணப்ரியஃ ஸுஹ்ருத் ॥ 124 ॥
ராமதூ³தோ லோகப³ந்து⁴ரந்தராத்மா மநோரமஃ ।
ஶ்ரீராமத்⁴யாநக்ருத்³வீரஃ ஸதா³ கிம்புருஷஸ்துதஃ ॥ 125 ॥
ராமகார்யாந்தரங்க³ஶ்ச ஶுத்³தி⁴ர்க³திரநாமயஃ ।
புண்யஶ்லோகஃ பராநந்த³ஃ பரேஶப்ரியஸாரதி²ஃ ॥ 126 ॥
லோகஸ்வாமீ முக்திதா³தா ஸர்வகாரணகாரணஃ ।
மஹாப³லோ மஹாவீரஃ பாராவாரக³திர்கு³ருஃ ॥ 127 ॥
தாரகோ ப⁴க³வாம்ஸ்த்ராதா ஸ்வஸ்திதா³தா ஸுமங்க³ளஃ ।
ஸமஸ்தலோகஸாக்ஷீ ச ஸமஸ்தஸுரவந்தி³தஃ ।
ஸீதாஸமேதஶ்ரீராமபாத³ஸேவாது⁴ரந்த⁴ரஃ ॥ 128 ॥
ப²லஶ்ருதிஃ
இத³ம் நாமஸஹஸ்ரம் து யோ’தீ⁴தே ப்ரத்யஹம் நரஃ ।
து³ஃகௌ²கோ⁴ நஶ்யதே க்ஷிப்ரம் ஸம்பத்திர்வர்த⁴தே சிரம் ॥ 129 ॥
வஶ்யம் சதுர்வித⁴ம் தஸ்ய ப⁴வத்யேவ ந ஸம்ஶயஃ ।
ராஜாநோ ராஜபுத்ராஶ்ச ராஜகீயாஶ்ச மந்த்ரிணஃ ॥ 130 ॥
த்ரிகாலம் பட²நாத³ஸ்ய த்ரு³ஶ்யந்தே ச த்ரிபக்ஷதஃ ।
அஶ்வத்த²மூலே ஜபதாம் நாஸ்தி வைரிக்ருதம் ப⁴யம் ॥ 131 ॥
த்ரிகாலபட²நாத³ஸ்ய ஸித்³தி⁴ஃ ஸ்யாத் கரஸம்ஸ்தி²தா ।
ப்³ராஹ்மே முஹூர்தே சோத்தா²ய ப்ரத்யஹம் யஃ படே²ந்நரஃ ॥ 132 ॥
ஐஹிகாமுஷ்மிகாந் ஸோ’பி லப⁴தே நாத்ர ஸம்ஶயஃ ।
ஸங்க்³ராமே ஸந்நிவிஷ்டாநாம் வைரிவித்³ராவணம் ப⁴வேத் ॥ 133 ॥
ஜ்வராபஸ்மாரஶமநம் கு³ல்மாதி³வ்யாதி⁴வாரணம் ।
ஸாம்ராஜ்யஸுக²ஸம்பத்திதா³யகம் ஜபதாம் ந்ருணாம் ॥ 134 ॥
ய இத³ம் பட²தே நித்யம் பாட²யேத்³வா ஸமாஹிதஃ ।
ஸர்வாந் காமாநவாப்நோதி வாயுபுத்ரப்ரஸாத³தஃ ॥ 135 ॥
இதி ஶ்ரீ ஹநுமத் ஸஹஸ்ரநாம ஸ்தோத்ரம் ।