Home › Pooja Library › Sri Durga Ashtottara Sata Nama Stotram — ಕನ್ನಡ

ಶ್ರೀ ದುರ್ಗಾ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

॥ ಓಂ ॥
॥ ಶ್ರೀ ದುರ್ಗಾಯೈ ನಮಃ ॥

ಅಥ ಶ್ರೀದುರ್ಗಾಷ್ಟೋತ್ತರಶತನಾಮಸ್ತೋತ್ರಮ್ ।
ಈಶ್ವರ ಉವಾಚ ।

ಶತನಾಮ ಪ್ರವಕ್ಷ್ಯಾಮಿ ಶೃಣುಷ್ವ ಕಮಲಾನನೇ ।
ಯಸ್ಯ ಪ್ರಸಾದಮಾತ್ರೇಣ ದುರ್ಗಾ ಪ್ರೀತಾ ಭವೇತ್ ಸತೀ ॥ 1 ॥

ಓಂ ಸತೀ ಸಾಧ್ವೀ ಭವಪ್ರೀತಾ ಭವಾನೀ ಭವಮೋಚನೀ ।
ಆರ್ಯಾ ದುರ್ಗಾ ಜಯಾ ಚಾದ್ಯಾ ತ್ರಿನೇತ್ರಾ ಶೂಲಧಾರಿಣೀ ॥ 2 ॥

ಪಿನಾಕಧಾರಿಣೀ ಚಿತ್ರಾ ಚಂಡಘಂಟಾ ಮಹಾತಪಾಃ ।
ಮನೋ ಬುದ್ಧಿರಹಂಕಾರಾ ಚಿತ್ತರೂಪಾ ಚಿತಾ ಚಿತಿಃ ॥ 3 ॥

ಸರ್ವಮಂತ್ರಮಯೀ ಸತ್ತಾ ಸತ್ಯಾನಂದಸ್ವರೂಪಿಣೀ ।
ಅನಂತಾ ಭಾವಿನೀ ಭಾವ್ಯಾ ಭವ್ಯಾಭವ್ಯಾ ಸದಾಗತಿಃ ॥ 4 ॥

ಶಾಂಭವೀ ದೇವಮಾತಾ ಚ ಚಿಂತಾ ರತ್ನಪ್ರಿಯಾ ಸದಾ ।
ಸರ್ವವಿದ್ಯಾ ದಕ್ಷಕನ್ಯಾ ದಕ್ಷಯಜ್ಞವಿನಾಶಿನೀ ॥ 5 ॥

ಅಪರ್ಣಾನೇಕವರ್ಣಾ ಚ ಪಾಟಲಾ ಪಾಟಲಾವತೀ ।
ಪಟ್ಟಾಂಬರ ಪರೀಧಾನಾ ಕಲಮಂಜೀರರಂಜಿನೀ ॥ 6 ॥

ಅಮೇಯವಿಕ್ರಮಾ ಕ್ರುರಾ ಸುಂದರೀ ಸುರಸುಂದರೀ ।
ವನದುರ್ಗಾ ಚ ಮಾತಂಗೀ ಮತಂಗಮುನಿಪೂಜಿತಾ ॥ 7 ॥

ಬ್ರಾಹ್ಮೀ ಮಾಹೇಶ್ವರೀ ಚೈಂದ್ರೀ ಕೌಮಾರೀ ವೈಷ್ಣವೀ ತಥಾ ।
ಚಾಮುಂಡಾ ಚೈವ ವಾರಾಹೀ ಲಕ್ಷ್ಮೀಶ್ಚ ಪುರುಷಾಕೃತಿಃ ॥ 8 ॥

ವಿಮಲೋತ್ಕರ್ಷಿಣೀ ಜ್ಞಾನಾ ಕ್ರಿಯಾ ನಿತ್ಯಾ ಚ ಬುದ್ಧಿದಾ ।
ಬಹುಲಾ ಬಹುಲಪ್ರೇಮಾ ಸರ್ವವಾಹನ ವಾಹನಾ ॥ 9 ॥

ನಿಶುಂಭಶುಂಭಹನನೀ ಮಹಿಷಾಸುರಮರ್ದಿನೀ ।
ಮಧುಕೈಟಭಹಂತ್ರೀ ಚ ಚಂಡಮುಂಡವಿನಾಶಿನೀ ॥ 10 ॥

ಸರ್ವಾಸುರವಿನಾಶಾ ಚ ಸರ್ವದಾನವಘಾತಿನೀ ।
ಸರ್ವಶಾಸ್ತ್ರಮಯೀ ಸತ್ಯಾ ಸರ್ವಾಸ್ತ್ರಧಾರಿಣೀ ತಥಾ ॥ 11 ॥

ಅನೇಕಶಸ್ತ್ರಹಸ್ತಾ ಚ ಅನೇಕಾಸ್ತ್ರಸ್ಯ ಧಾರಿಣೀ ।
ಕುಮಾರೀ ಚೈಕಕನ್ಯಾ ಚ ಕೈಶೋರೀ ಯುವತೀ ಯತಿಃ ॥ 12 ॥

ಅಪ್ರೌಢಾ ಚೈವ ಪ್ರೌಢಾ ಚ ವೃದ್ಧಮಾತಾ ಬಲಪ್ರದಾ ।
ಮಹೋದರೀ ಮುಕ್ತಕೇಶೀ ಘೋರರೂಪಾ ಮಹಾಬಲಾ ॥ 13 ॥

ಅಗ್ನಿಜ್ವಾಲಾ ರೌದ್ರಮುಖೀ ಕಾಲರಾತ್ರಿಸ್ತಪಸ್ವಿನೀ ।
ನಾರಾಯಣೀ ಭದ್ರಕಾಲೀ ವಿಷ್ಣುಮಾಯಾ ಜಲೋದರೀ ॥ 14 ॥

ಶಿವದೂತೀ ಕರಾಲೀ ಚ ಅನಂತಾ ಪರಮೇಶ್ವರೀ ।
ಕಾತ್ಯಾಯನೀ ಚ ಸಾವಿತ್ರೀ ಪ್ರತ್ಯಕ್ಷಾ ಬ್ರಹ್ಮವಾದಿನೀ ॥ 15 ॥

ಯ ಇದಂ ಪ್ರಪಠೇನ್ನಿತ್ಯಂ ದುರ್ಗಾನಾಮಶತಾಷ್ಟಕಮ್ ।
ನಾಸಾಧ್ಯಂ ವಿದ್ಯತೇ ದೇವಿ ತ್ರಿಷು ಲೋಕೇಷು ಪಾರ್ವತಿ ॥ 16 ॥

ಧನಂ ಧಾನ್ಯಂ ಸುತಂ ಜಾಯಾಂ ಹಯಂ ಹಸ್ತಿನಮೇವ ಚ ।
ಚತುರ್ವರ್ಗಂ ತಥಾ ಚಾಂತೇ ಲಭೇನ್ಮುಕ್ತಿಂ ಚ ಶಾಶ್ವತೀಮ್ ॥ 17 ॥

ಕುಮಾರೀಂ ಪೂಜಯಿತ್ವಾ ತು ಧ್ಯಾತ್ವಾ ದೇವೀಂ ಸುರೇಶ್ವರೀಮ್ ।
ಪೂಜಯೇತ್ ಪರಯಾ ಭಕ್ತ್ಯಾ ಪಠೇನ್ನಾಮಶತಾಷ್ಟಕಮ್ ॥ 18 ॥

ತಸ್ಯ ಸಿದ್ಧಿರ್ಭವೇದ್ ದೇವಿ ಸರ್ವೈಃ ಸುರವರೈರಪಿ ।
ರಾಜಾನೋ ದಾಸತಾಂ ಯಾಂತಿ ರಾಜ್ಯಶ್ರಿಯಮವಾಪ್ನುಯಾತ್ ॥ 19 ॥

ಗೋರೋಚನಾಲಕ್ತಕಕುಂಕುಮೇವ
ಸಿಂಧೂರಕರ್ಪೂರಮಧುತ್ರಯೇಣ ।
ವಿಲಿಖ್ಯ ಯಂತ್ರಂ ವಿಧಿನಾ ವಿಧಿಜ್ಞೋ
ಭವೇತ್ ಸದಾ ಧಾರಯತೇ ಪುರಾರಿಃ ॥ 20 ॥

ಭೌಮಾವಾಸ್ಯಾನಿಶಾಮಗ್ರೇ ಚಂದ್ರೇ ಶತಭಿಷಾಂ ಗತೇ ।
ವಿಲಿಖ್ಯ ಪ್ರಪಠೇತ್ ಸ್ತೋತ್ರಂ ಸ ಭವೇತ್ ಸಂಪದಾಂ ಪದಮ್ ॥ 21 ॥

॥ ಇತಿ ಶ್ರೀವಿಶ್ವಸಾರತಂತ್ರೇ ದುರ್ಗಾಷ್ಟೋತ್ತರಶತನಾಮಸ್ತೋತ್ರಂ ಸಮಾಪ್ತಮ್ ॥

OHTCC Assistant ✕
🙏 Namaste! How can I help you today?