Home › Pooja Library › Sharada Bhujanga Prayata Ashtakam — English

Sharada Bhujanga Prayata Ashtakam

suvakṣojakuṃbhāṃ sudhāpūrṇakuṃbhāṃ
prasādāvalaṃbāṃ prapuṇyāvalaṃbām ।
sadāsyeṃdubiṃbāṃ sadānoṣṭhabiṃbāṃ
bhaje śāradāṃbāmajasraṃ madaṃbām ॥ 1 ॥

kaṭākṣe dayārdrāṃ kare jñānamudrāṃ
kalābhirvinidrāṃ kalāpaiḥ subhadrām ।
purastrīṃ vinidrāṃ purastuṃgabhadrāṃ
bhaje śāradāṃbāmajasraṃ madaṃbām ॥ 2 ॥

lalāmāṃkaphālāṃ lasadgānalolāṃ
svabhaktaikapālāṃ yaśaḥśrīkapolām ।
kare tvakṣamālāṃ kanatpatralolāṃ
bhaje śāradāṃbāmajasraṃ madaṃbām ॥ 3 ॥

susīmaṃtaveṇīṃ dṛśā nirjitaiṇīṃ
ramatkīravāṇīṃ namadvajrapāṇīm ।
sudhāmaṃtharāsyāṃ mudā ciṃtyaveṇīṃ
bhaje śāradāṃbāmajasraṃ madaṃbām ॥ 4 ॥

suśāṃtāṃ sudehāṃ dṛgaṃte kacāṃtāṃ
lasatsallatāṃgīmanaṃtāmaciṃtyām ।
smarettāpasaiḥ sargapūrvasthitāṃ tāṃ
bhaje śāradāṃbāmajasraṃ madaṃbām ॥ 5 ॥

kuraṃge turaṃge mṛgeṃdre khageṃdre
marāle madebhe mahokṣe’dhirūḍhām ।
mahatyāṃ navamyāṃ sadā sāmarūpāṃ
bhaje śāradāṃbāmajasraṃ madaṃbām ॥ 6 ॥

jvalatkāṃtivahniṃ jaganmohanāṃgīṃ
bhaje mānasāṃbhoja subhrāṃtabhṛṃgīm ।
nijastotrasaṃgītanṛtyaprabhāṃgīṃ
bhaje śāradāṃbāmajasraṃ madaṃbām ॥ 7 ॥

bhavāṃbhojanetrājasaṃpūjyamānāṃ
lasanmaṃdahāsaprabhāvaktracihnām ।
calaccaṃcalācārutāṭaṃkakarṇāṃ
bhaje śāradāṃbāmajasraṃ madaṃbām ॥ 8 ॥

iti śrī śāradā bhujaṃga prayātāṣṭakam ।

OHTCC Assistant ✕
🙏 Namaste! How can I help you today?