Saraswati Suktam (Yajurvediya)
om ॥
Taittiriya Samhita 1.8.22
pra ṇo̍ de̱vī sara̍svatī̱ vāje̍bhirvā̱jinī̍vatī ।
dhī̱nāma̍vi̱trya̍vatu ॥
ā no̍ di̱vo bṛ̍ha̱taḥ parva̍tā̱dā sara̍svatī yaja̱tā ga̍ntu ya̱jñam ।
hava̍-nde̱vī ju̍juṣā̱ṇā ghṛ̱tācī̍ śa̱gmā-nno̱ vāca̍muśa̱tī śṛ̍ṇotu ॥
Taittiriya Samhita 4.1.11
pāvī̍ravī ka̱nyā̍ ci̱trāyu̱-ssara̍svatī vī̱rapa̍tnī̱ dhiya̍-ndhāt ।
gnābhi̱racchi̍dragṃ śara̱ṇagṃ sa̱joṣā̍ durā̱dharṣa̍-ṅgṛṇa̱te śarma̍ yagṃsat ॥
Rigveda 7.95.5
i̱mā juhvā̎nā yu̱ṣmadā namo̎bhi̱ḥ prati̱ stoma̎ṃ sarasvati juṣasva ।
tava̱ śarma̎npri̱yata̍me̱ dadhā̎nā̱ upa̍ stheyāma śara̱ṇa-nna vṛ̱kṣam ॥
Rigveda 1.164.49
yaste̱ stana̍ḥ śaśa̱yo yo ma̍yo̱bhūryena̱ viśvā̱ puṣya̍si̱ vāryā̍ṇi ।
yo ra̍tna̱dhā va̍su̱vidya-ssu̱datra̱-ssara̍svati̱ tami̱ha dhāta̍ve kaḥ ॥
Rigveda 6.61.14
sara̍svatya̱bhi no̎ neṣi̱ vasyo̱ māpa̍ spharī̱ḥ paya̍sā̱ mā na̱ ā dha̍k ।
ju̱ṣasva̍ na-ssa̱khyā ve̱śyā̎ ca̱ mā tva-tkṣetrā̱ṇyara̍ṇāni ganma ॥
Rigveda 6.61.2
i̱yaṃ śuṣme̎bhirbisa̱khā i̍vāruja̱tsānu̍ girī̱ṇā-nta̍vi̱ṣebhi̍rū̱rmibhi̍ḥ ।
pā̱rā̱va̱ta̱ghnīmava̍se suvṛ̱ktibhi̍ssara̍svatī̱ mā vi̍vāsema dhī̱tibhi̍ḥ ॥
oṃ śānti̱-śśānti̱-śśānti̍ḥ ॥