Home › Pooja Library › Harivarasanam (Hariharatmaja Ashtakam) — English

Harivarasanam (Hariharatmaja Ashtakam)

harivarāsanaṃ viśvamohanam
haridadhīśvaraṃ ārādhyapādukam ।
arivimardanaṃ nityanartanam
hariharātmajaṃ devamāśraye ॥ 1 ॥

śaraṇakīrtanaṃ bhaktamānasam
bharaṇalolupaṃ nartanālasam ।
aruṇabhāsuraṃ bhūtanāyakam
hariharātmajaṃ devamāśraye ॥ 2 ॥

praṇayasatyakaṃ prāṇanāyakam
praṇatakalpakaṃ suprabhāñcitam ।
praṇavamandiraṃ kīrtanapriyam
hariharātmajaṃ devamāśraye ॥ 3 ॥

turagavāhanaṃ sundarānanam
varagadāyudhaṃ vedavarṇitam ।
gurukṛpākaraṃ kīrtanapriyam
hariharātmajaṃ devamāśraye ॥ 4 ॥

tribhuvanārcitaṃ devatātmakam
trinayanaprabhuṃ divyadeśikam ।
tridaśapūjitaṃ cintitapradam
hariharātmajaṃ devamāśraye ॥ 5 ॥

bhavabhayāpahaṃ bhāvukāvakam
bhuvanamohanaṃ bhūtibhūṣaṇam ।
dhavalavāhanaṃ divyavāraṇam
hariharātmajaṃ devamāśraye ॥ 6 ॥

kalamṛdusmitaṃ sundarānanam
kalabhakomalaṃ gātramohanam ।
kalabhakesarīvājivāhanam
hariharātmajaṃ devamāśraye ॥ 7 ॥

śritajanapriyaṃ cintitapradam
śrutivibhūṣaṇaṃ sādhujīvanam ।
śrutimanoharaṃ gītalālasam
hariharātmajaṃ devamāśraye ॥ 8 ॥

śaraṇaṃ ayyappā svāmi śaraṇaṃ ayyappā ।
śaraṇaṃ ayyappā svāmi śaraṇaṃ ayyappā ॥

OHTCC Assistant ✕
🙏 Namaste! How can I help you today?