Home › Pooja Library › Durga Apaduddharaka Ashtakam — English

Durga Apaduddharaka Ashtakam

namaste śaraṇye śive sānukaṃpe
namaste jagadvyāpike viśvarūpe ।
namaste jagadvaṃdyapādāraviṃde
namaste jagattāriṇi trāhi durge ॥ 1 ॥

namaste jagacciṃtyamānasvarūpe
namaste mahāyogivijñānarūpe ।
namaste namaste sadānaṃdarūpe
namaste jagattāriṇi trāhi durge ॥ 2 ॥

anāthasya dīnasya tṛṣṇāturasya
bhayārtasya bhītasya baddhasya jaṃtoḥ ।
tvamekā gatirdevi nistārakartrī
namaste jagattāriṇi trāhi durge ॥ 3 ॥

araṇye raṇe dāruṇe śatrumadhye-
’nale sāgare prāṃtare rājagehe ।
tvamekā gatirdevi nistāranaukā
namaste jagattāriṇi trāhi durge ॥ 4 ॥

apāre mahādustare’tyaṃtaghore
vipatsāgare majjatāṃ dehabhājām ।
tvamekā gatirdevi nistārahetu-
rnamaste jagattāriṇi trāhi durge ॥ 5 ॥

namaścaṃḍike caṃḍadurdaṃḍalīlā-
samutkhaṃḍitā khaṃḍitā’śeṣaśatroḥ ।
tvamekā gatirdevi nistārabījaṃ
namaste jagattāriṇi trāhi durge ॥ 6 ॥

tvamekā sadārādhitā satyavādi-
nyanekākhilā krodhanā krodhaniṣṭhā ।
iḍā piṃgalā tvaṃ suṣumnā ca nāḍī
namaste jagattāriṇi trāhi durge ॥ 7 ॥

namo devi durge śive bhīmanāde
sadāsarvasiddhipradātṛsvarūpe ।
vibhūtiḥ śacī kālarātriḥ satī tvaṃ
namaste jagattāriṇi trāhi durge ॥ 8 ॥

śaraṇamasi surāṇāṃ siddhavidyādharāṇāṃ
munimanujapaśūnāṃ dasyubhistrāsitānāṃ
nṛpatigṛhagatānāṃ vyādhibhiḥ pīḍitānām ।
tvamasi śaraṇamekā devi durge prasīda ॥ 9 ॥

idaṃ stotraṃ mayā proktamāpaduddhārahetukam ।
trisaṃdhyamekasaṃdhyaṃ vā paṭhanādghorasaṃkaṭāt ॥ 10 ॥

mucyate nātra saṃdeho bhuvi svarge rasātale ।
sarvaṃ vā ślokamekaṃ vā yaḥ paṭhedbhaktimānsadā ॥ 11 ॥

sa sarvaṃ duṣkṛtaṃ tyaktvā prāpnoti paramaṃ padam ।
paṭhanādasya deveśi kiṃ na siddhyati bhūtale ।
stavarājamidaṃ devi saṃkṣepātkathitaṃ mayā ॥ 12 ॥

iti śrī siddheśvarītaṃtre paramaśivokta śrī durgā āpaduddhāra stotram ।

OHTCC Assistant ✕
🙏 Namaste! How can I help you today?