Home › Pooja Library › Chandrashekhara Ashtakam — English

Chandrashekhara Ashtakam

caṃdraśekhara caṃdraśekhara caṃdraśekhara pāhimām ।
caṃdraśekhara caṃdraśekhara caṃdraśekhara rakṣamām ॥ (2)

ratnasānu śarāsanaṃ rajatādri śṛṃga niketanaṃ
śiṃjinīkṛta pannageśvara macyutānala sāyakam ।
kṣipradagda puratrayaṃ tridaśālayai-rabhivaṃditaṃ
caṃdraśekharamāśraye mama kiṃ kariṣyati vai yamaḥ ॥ 1 ॥

paṃcapādapa puṣpagaṃdha padāṃbuja dvayaśobhitaṃ
phālalocana jātapāvaka dagdha manmadha vigraham ।
bhasmadigdha kalebaraṃ bhavanāśanaṃ bhava mavyayaṃ
caṃdraśekhara caṃdraśekhara caṃdraśekhara rakṣamām ॥ 2 ॥

mattavāraṇa mukhyacarma kṛtottarīya manoharaṃ
paṃkajāsana padmalocana pūjitāṃghri saroruham ।
deva siṃdhu taraṃga śrīkara sikta śubhra jaṭādharaṃ
caṃdraśekhara caṃdraśekhara caṃdraśekhara pāhimām ॥ 3 ॥

yakṣa rājasakhaṃ bhagākṣa haraṃ bhujaṃga vibhūṣaṇam
śailarāja sutā pariṣkṛta cāruvāma kalebaram ।
kṣela nīlagalaṃ paraśvadha dhāriṇaṃ mṛgadhāriṇam
caṃdraśekhara caṃdraśekhara caṃdraśekhara pāhimām ॥ 4 ॥

kuṃḍalīkṛta kuṃḍalīśvara kuṃḍalaṃ vṛṣavāhanaṃ
nāradādi munīśvara stutavaibhavaṃ bhuvaneśvaram ।
aṃdhakāṃtaka māśritāmara pādapaṃ śamanāṃtakaṃ
caṃdraśekhara caṃdraśekhara caṃdraśekhara rakṣamām ॥ 5 ॥

bheṣajaṃ bhavarogiṇā makhilāpadā mapahāriṇaṃ
dakṣayajña vināśanaṃ triguṇātmakaṃ trivilocanam ।
bhakti mukti phalapradaṃ sakalāgha saṃgha nibarhaṇaṃ
caṃdraśekhara caṃdraśekhara caṃdraśekhara rakṣamām ॥ 6 ॥

bhaktavatsala-marcitaṃ nidhimakṣayaṃ haridaṃbaraṃ
sarvabhūta patiṃ parātpara-maprameya manuttamam ।
somavārina bhūhutāśana soma pādyakhilākṛtiṃ
caṃdraśekhara caṃdraśekhara caṃdraśekhara pāhimām ॥ 7 ॥

viśvasṛṣṭi vidhāyakaṃ punarevapālana tatparaṃ
saṃharaṃ tamapi prapaṃca maśeṣaloka nivāsinam ।
krīḍayaṃta maharniśaṃ gaṇanātha yūtha samanvitaṃ
caṃdraśekhara caṃdraśekhara caṃdraśekhara rakṣamām ॥ 8 ॥

mṛtyubhīta mṛkaṃḍusūnukṛtastavaṃ śivasannidhau
yatra kutra ca yaḥ paṭhenna hi tasya mṛtyubhayaṃ bhavet ।
pūrṇamāyurarogatāmakhilārthasaṃpadamādaraṃ
caṃdraśekhara eva tasya dadāti muktimayatnataḥ ॥ 9 ॥

OHTCC Assistant ✕
🙏 Namaste! How can I help you today?